اسكتش طابور التناول
اهمية سر الافخارستيا
اقدس صلوات الكنيسة تتم فى سر التناول .
اهداف الاسكتش
1- ان يكون الخادم بتوضيح اهمية السر للطفل والمخدوم .
2- ان يشعر الطفل ان ربنا موجود فى الكنيسة ويحترم الكنيسىة .
3- ان يحترم الطفل طابور التناول ويقف بهدوء واحترام ويعرف ان الاحترام شئ مهم فى الكنيسة .
بداية الاسكتش
اسكتش كتكوته وبسكوته و شكشك وكركور وطابور التناول .
كتكوته تقابل بسكوته بعد مدارس الاحد
كتكوته : يلا يا بسكوته فينك كدا مستنياكى يلا
بسكوته : اهووووو جايه لسه مخلصين الدرس مع الاستاذ مينا دلوقتى
كتكوته : امممم برافو واخدتى ايه الايه النهارده يا بسكوته
بسكوته : انا اتعلمت حاجات كتير بردو غير الايه يا كتكوته
كتكوته : طيب ايه الايه اللى حفظوها ليكم فى الفصل نهارده
بسكوته : ببيتك يارب تليق القداسة
كتكوته : ياااااااااه يا بسكوته نفس الايه اللى حفظناها نهارده فى درس مدارس الاحد
بسكوته : طيب عارفه يا كتكوته الايه دى فين فى الكتاب المقدس ؟؟؟؟
كتكوته : اممممممممم نسيت يا بسكوته فكرينى يلا عشان احفظها
بسكوته : فى سفر المزامير اللى كتبه داود النبى المزمور 93 عدد 5
كتكوته : ايوه صح يا بسكوته برافو عليكى افتكرت
بسكوته : طيب احنا لينا خدنا الايه زى بعض نهارده يا كتكوته ؟
كتكوته : ثوانى ثوانى صاحبنا شكشك جاى وطالع من مدارس الاحد تعالى نشوفه ده شكله زعلان من حاجه ولا اى
كتكوته وبسكوته : يا شكشك يا شكشك تعال مالك فى اى
شكشك فى سره بصوت واطى ببيتك يارب تليق القداسه
كتكوته وبسكوته : يااااااه يا شكشك ده انت قولت الايه بردو اللى اخدناها نهارده
شكشك : انتوا سمعتونى وانا بقولها
كتكوته وبسكوته : ايوه يا شكشك بس كنت زعلان ليه وانت طالع كدا واما بصيت على الصليب كدا فرحت كدا وهديت
شكشك : هو انتوا معرفتوش اللى حصل ولا اى
كتكوته : لا يا شكشك خالص اى اللى حصل احكيلنا بسرعه
شكشك : اصل انا كنت قاعد فى الدرج بتاعى بصلى وطبعا خلاص فى اخر القداس وابونا خلاص هيبدا تناول
كتكوته وبسكوته : هاااااااا وبعدين
شكشك : طلعت عشان اقف فى الطابور بتاع التناول بانتظام راح فجاه كدا جه صاحبنا كركور وزقنى زقه جامده كدا وقالى انا هقف قبلك عشان عايز اتناول بسرعه
بسكوته وكتكوته : وبعدين حصل اى
شكشك : انا اتضايقت من صاحبنا كركور وعطيته خبطه براسى خليته ينسى اسمه
كتكوته وبسكوته : ههههههه يااااه طيب ليه كدا ياشكشك ؟
شكشك : اصل هو عايز يقف بالعافيه قدامى ويتناول قبلى وانا لازم اتناول اول واحد فى الكنيسه
كتكوته وبسكوته : ياااااه كل ده يا شكشك عشان كدا
شكشك : ايوه وبعدين فضل يبكى وراح قالى للاستاذ مينا شكشك ضربنى براسه
كتكوته وبسكوته : ما ينفعش كدا يا شكشك ان احنا نتخانق ونتكلم ونضرب بعض فى الكنيسه وخصوصا فى وقت التناول ده سر عظيم وبابا يسوع على المذبح واحنا رايحين نتناول والملايكه كلها شيفانا كمان والقديسين ونفضل نتخانق كدا على طابورالتناول
شكشك : اصل انا بحب اتناول الاول
كتكوته وبسكوته : ياااه مينفعش يا شكشك نتخانق على الطابور ومين يتناول الاول انت نسيت الايه اللى قالها بابا يسوع من اراد ان يكون فيكم اولا فيكون اخر الكل وخادما للكل
شكشك : ايوه صح يا كتكوته انا انا ابونا نهارده جالى فوق فى الفصل وقالى يا شكشك احفظ الايه دى وحفظتها بردو
كتكوته : كويس يا شكشك وبعدين
شكشك : وبعدين رحت مع ابونا لكركور واعتذرت ليه وهو اعتزر ليا كمان وسامحنا بعض وحفظنا الايه التانيه عشان الاستاذ مينا قال هخلى مدارس الاحد نهارده تحفظ الايه دى النهارده والاسبوع الجاى الايه اللى بتقول من اراد ان يكون فيكم اولا فيكون اخر الكل وخادما للكل
كتكوته وبسكوته : برافو يا شكشك حلو خالص انك حفظتها
شكشك : ايوه وابونا قالى يا شكشك بابا يسوع بيبقى موجود فى وسيطنا وقت التناول مينفعش نتخانق على الطابور ومين يقف الاول والاخر ولازم نسمع كلام الخادم وكمان مش نتخانق وقت التناول ونتكلم
كتكوته وبسكوته : ايوه صح وشوف اهو كركور صاحبنا طالع من الكنيسه تعال سلم عليه تانى يا شكشك
شكشك : يا كركور يا كركور
كركور : ايوه يا شكشك انا جاى
شكشك : انا اسف يا كركور مره تانى ومش هنتخانق فى اكنيسه مره تانى ولا نتخانق على طابور التناول ونحب بعض ونسمع كلام بابا يسوع وكلام الاستاذ فى الفصل
كركور : ايوه صح يا شكشك وانا كمان اسف انى اتخانقت معاك ومش هنعمل كدا تانى خالص مالص
كتكوته وبسكوته : برافو كدا يا اصحابى احنا الاسبوع الجاى نقف بخشوع فى الصلاه ووقت التناول نقف فى الطابور بانتظام من غير ما نتكلم ولا نتخانق ونسمع كلام الاستاذ اللى بيبقى موجود وقت التناول ونقول مع الشمامسة الالحان اللى بنحفظها وقت التناول
شكشك وكركور : ايوه صح خلاص مش هنعمل حاجه غلط تانى خالص يلا بينا نتقابل الاسبوع الجاى نقول االايه تانى قبل ما نمشى والايه اللى حفظها لينا الاستاذ بردو التانيه
ببيتك يارب تليق القداسه
اذا اراد احدا ان يكون اولا فيكون اخر الكل وخادما للكل انجيل مرقس الاصحاح 9عدد 35
برافو نتقاابل الاسبوع الجاى يلا باى