اسكتش بابا نويل وبابا كورونا
اسكتش بابا نويل يقابل بابا كورونا واطفاله كورونا كركر وكورونا فرفر
علينا الاهتمام بصحة الاطفال والاهتمام بهم من خلال توعيتهم بما يحدث فى العالم من امراض جديدة وتوعيتهم بالمحافظة على نفسهم سواء فى المنزل او فى الكنيسة اوفى الشارع وذلك من خلال :-
1- توعية الاطفال بغسل اليدين دائما والنظافة الشخصية .
2- توعية الطفل بعدم لمس اى مكان غير نظيف وعدم الاكل المؤكولات الغير صحية .
3- احترام الكنيسة واحترام الخادم وعدم المشاغبة فى الكنيسة واحترام بابا وماما فى البيت .
4- عدم استعمال ادوات شخصية الغير ويجب كل طفل ان يكون لديه حاجاته الشخصية .
معرفه الطفل باضرار كورونا واحترام الكنيسه والقداس وقصة القديس نيقولاوس
بابا كورونا : ياااه الواحد ميعرفش ينام خالص النهارده كل شويه العيال تغسل ايديها بالميه والصابون وعيالى متعرفش تلعب معاهم خالص انا لازم اشوف فيه اطفالى الصغننين هتصل بيهم بالموبايليمسك بابا كرونا بالموبايل ويرن على طفله كورونا كركر
بابا كورونا : الوو
كرورنا كركر : الو ايوه يا بابا كورونا انا هنا
بابا كورونا : فينك يا كورونا كركر كدا عملت ايه نهارده مع العيال
كورونا كركر : الحقنى يا بابا كورونا العيال ضربتنى وبترش عليا ميه والصابون وانا عيان خالص تعال الحقنى
بابا كورونا : ياااه طيب اقفل انا جايلك اهو
يدخل بابا كورونا يجد كورونا كركر واقع على الارض وكورونا فرفر بتفوقه
كورونا فرفر : فوق بقى اصحى يا كركر دول شويه ميه قليلين جوا عليك
بابا نويل : مالك يا كركر بس كدا ايه اللى حصل احكيلى
كرونا كركر : هحكيلك يا بابا كورونا اصل احنا فى اخر السنه والعيال فى مدارس الاحد بيحتفلوا برأس السنه وبيلعبوا مع بعض وبيروحوا الكنيسة يحضروا مدارس الاحد ويصلوا
بابا كورونا : وبعدين يا كركر
كورونا كركر : وبعدين لقيت شويه عيال بتلعب بره الكنيسه ومش بتحضر القداس قولت اروح العب معاهم واعديهم واخليهم يعطسوا كتير
بابا كورونا : وبعدين اللى حصل ايه
كورونا كركر : وبعدين وانا لسه بلعب معاهم وخلاص رايح اعديهم عشان مش مش بيغسلوا ايديهم خالص بالميه والصابون وكمان مش لابسين كمامات فجاه
بابا كورونا : ايه اللى حصل بس
كرورنا فرفر: احكيله ع اللى حصل يا كركر
كورونا كركر : حاضر يا فرفر فجاه لقيت واحد طالع من الكنيسة كدا اسمه بابا نويل وبيدخل العيال جوه الكنيسه وواقف ماسك بخاخه ومعاه كمامات كل اللى عايز يدخل الكنيسه يديه كمامه وجيب العب عنده رايح رش شويه ميه عليها خلينى وقعت وجريت منه انا وفرفر وكمان فرفر جريت وسابتنى وحدى لحد ما كنت هموت
بابا كورونا : ياااه كل ده طيب سبونى عليه انا لازم امسك الراجل ده اللى عامل بابا نويل واضربه ضربه كبيره خالص تعالوا يلا معايا عشان تتفرجوا عليه
ياتى بابا كورونا يمشى على مهله وهو مستخبى مع اولاده ويرى بابا نويل من بعيد
بابا كورونا : هو ده يا اولاد بابا نويل اللى بيقولوا عليه
كورونا كركر : ايوه يا بابا كورونا هو ده اللى رش علينا ميه وصابون وبيوزع هدايا علة الاولاد
بابا كورونا: خلاص سبونى عليه انا هتفاهم معاه
بمشى بالراحه خالص بابا كورونا ويقابل بابا نويل
بابا كورونا :اهلا اهلا يا بابا نويل
بابا نويل : انت مين وعايز ايه
بابا كورونا : انا عندى اولادى لا قصدى عايز العب مع العيال دول
بابا نويل : امممم يبقى لازم تغسل ايديك قبل ما تيجى بالميه والصابون وكمان تلبس كمامة
بابا كورونا : لا مش بحب اعمل كدا
بابا نويل: انت مين قولى بسرعه قبل ما ارش عليك بالبخاخه
بابا كورونا : انت اللى مين وواقف كدا ليه عند الكنيسة
بابا نويل : انا اسمى بابا نويل
ينظر للاطفال يقولهم عارفين مين هو بابا نويل يا اولادى
بابا نويل : انا اسمى بابا نويل وانا هحكيلكم قصة جدى بابا نويل الكبير اللى هو القديس نيقولاوسالقديس نيقولاوس ده كان ابوه وامه كويسين خالص وبيصلوا علطلول ومعندهمش اولاد بس ربنا تحنن عليهم وعطاه نيقولاوس وكبر نقولاوس وبقى ولد حلو خالص وبيسمع كلام بابا وماما واترسم شماس يا اولادى وبعدين راح اترهبن واترسم كاهن هناك فى الدير وكان بيوزع ع الفقرا حاجات كتير خالص خالص
وكان فيه رجل غنى خالص فلوسه كلها خلصت وكان عنده 3 بنات عايز يجوزهم وخايف خالص ومش معاه فلوس يجيب حاجه ليهم راح القديس نيقولاوس عرف بقصة الراجل ده فجاب شويه فلوس وحطهم فى كيس ورماه من شباك الراجل ده فالراجل فرح خالص وجوز بنته الاولى ومره تانى رمى ليه كيس تانى قدر يجوز البنت التانيه وجه المره التالثه راح الراجل عايز يعرف مين ياترى اللى بيرمى الكيس وفعلا القديس نيقولاوس رمى الكيس فبسرعه خرج الراجل وشاف القديس هو بيرمى الكيس فقاله شكرا خالص وفرح بيه خالص
وطبعا القديس نيقولاوس ده اترسم اسقف وقعد فتره كبيره يصلى ويدي الفقراء لحد ما راح السماء
وبعد كدا الناس كلها عرفت قصته وسمته بابا نويل معاناها اب الميلاد والناس توزع على بعض الهدا يا وتبقى فرحانه بعيد الميلاد خالص خالص
بابا نويل : عرفتوا يا اولادى قصة بابا نويل ايه
بابا كورونا : امممم و بعدين
بابا نويل : انا لازم كمان اعرف انت مين
بابا كورونا: انا بقى اولادى انت رشيت عليهم بالبخاخه اللى معاك دى وهما عايزين يلعبوا مع العيال
بابا نويل: لازم اعمل كدا عشان نحمى نفسنا من الفيروس ونغسل ايدينا كويس خالص خالص وكمان مش لازم نسلم على بعض الفتره دى خالص
وندخل الكنيسة كل واحد يبقى بعيد عن التانى ومش نبقى زاحمين بعض خالص ونقف باحترام كمان فى الكنيسة ومش ناكل فى القداس ولا نلعب فى الكنيسة
بابا كورونا : انا عايز اخلى العيال تلعب معاكم
بابا نويل : انت مين بقى
بابا كورونا: انا وعيالى جايين نضربك ونعديكم هههههههه
بابا نويل : محدش يقدر علينا خالص طالما بنلبس الكمامة ونغسل ايدينا علطول وبردة قبل الاكل وبعده دايما نغسل ايدينا
بابا نويل : انا اللى هضربكم تانى بقى
ياتى بابا نويل بالبخاخه خد الرشه دى ضخ ضخ ضخ
يجرى بابا كورونا لالاالا أجرى يا عيالى بابا كورونا هيموت لالا
يخرج بابا كورونا وعياله بسرعه
بابا نويل : شوفتوا يا اولاد لازم ناخد بالنا كويس خالص وبلاش نمسح ايدينا فى بؤنا كل شويه ونستعمل المنديل علطلول اما نعطس وكمان اما نتناول نقف باحترام فى الطابور ومش نزنق فى بعض ومش نستعمل حاجات اصحابنا لازم يبقى لينا الحاجات الشخصية المنديل والكتب فى المدرسه والكراريس والاقلام واى حد عايز ياخد حاجه تقوله معلش عشن نحافظ على انفسنا من العدوى
ودايما نصحى الصبح نرشم الصليب ونصلى وكمان قبل ما ننام ونغسل ايدينا كويس وكمان نغسل اسنانا كويس ونحافظ على انفسنا كويس سامعين يا اصحابى
انا جاى اقولكم كل سنه وانتم طيبيين يلا باى باى