اسكتش الحيوانات الاربعة

الحيوانات الاربعة : الحمار والديك والاسد والحوت

الاربعة الحيوانات التى لها علاقة بالكتاب المقدس .

بداية علينا الاهتمام بالاطفال وكيفية او ما هى الطريقة التى ينجذب لها الطفل فى القصة وعلينا الاخذ فى الاعتبار

توضيح العلاقة بين القصة المشروحة ووبين علاقة الله والانسان

يجب على المخدوم معرفة ماذا يمثل كل نوع من الشخصية المعروض تمثيلها وما الهدف منها 

توضيح للمخدوم هل الطفل استوعب القصة وهل لدية المقدرة على فهم ما تدور حوله الشخصية

يتم وضع اسئلة فى نهاية القصة حتى يقوم الخادم بالقاء عليه الاسئلة حتى لو بطريقة مبسطة 

فى نهاية الاسكتش يقوم الخادم بتوضيح القصة فى شرح مبسط للمخدومين حتى يستوعب كل منهم القصة

يدخل الحمار اسمه الحمار نونو

الحمار : يوووه الواحد ميعرفش ينام خالص فى الحديقة دى خالص لازم الواحد يشوف حل ونهرب من هنا خالص وكمان كل يوم بناكل اكل مش بيعجبنا يووووه الواحد زهق خالص مالص حتى الاكل كله برسيم مفيش حتى شوية فول شويه لحمة زى ما اخواتى فى البلد جنبينا بتاكل
مين اللى جاى من بعيد ده يوه ده الديك كركر

الديك يدخل عليه

الديك : كوكو كوكو كوكو كوكو
الحمار : ايه ياعم ده احنا فى العصر كوكو كوكو مين ايه يا كركر انت ديك نايم على نفسك ولا ايه
الديك كركر : يا حمار نونو انا اشوف صوتى بس عشان كنت تعبان ليا يومين بعطس كل شويه اطسى اطسى
الحمار : بس ياعم خليك بعيد عنى كفايه عطس
الديك : انت يا كركر واقف ليه كدا لوحدك بس كدا
الحمار كركر : زهقت وعايز اهرب خالص مش عارف ولا مش قادر اكل اكله حلوه خالص
الديك : مينفعش يا كركر لازم نشكر ربنا على كل حاجه على الاكل وكل حاجه سامع
الديك ينظر فى الارض يجد صورة صغيره

( صورة بلعام راكب الحمار وفى وجهه الملاك حامل السيف )

ايه ده يا حمار كركر
حمار كركر : يااااه يا نونو ده صورة جدى الكبير انت متعرفهوش ولا ايه
الديك: لا خالص ده فين ومين اللى ماسك سيف ورايح يضربه كدا
كركر : ده يا نونو جدى الكبير كوكو والراجل اللى راكب فوق الحمار كوكو ده اسمع بلعام ده
الديك : وماله كدا جدك خايف كدا ليه فى الصوره
الحمار : اصل الراجل اللى اسمه بلعام ده كان رايح يلعن شعب إسرائيل وربنا مش عايزه يروح من نفسه وكان لازم يسمع كلام ربنا عشان كدا ربنا بعت الملاك ووقف فى وشه بس هو مكانش شايف الملاك بس جدى الحمار كان شايفه وعايز يمشى بعيد عن الملاك عشن الطريق ضيق ومفيش طريق تانى غير انه يلف لورا ويرجع بس اللى اسمه بلعام ده مكانش شايف حاجه ولا كان شايف الملاك وكل شويه يضرب فى جدى بالعصايا لحد ما جدى زهق منه واتكلم بصوت راجل وقاله انت بتضربنى ليه كل شويه وبلعام قاله عشان انت مش راضى تمشى وعايز ترجع راح جدى الحمار قاله انا معاك علطلول ومش بعمل معاك كدا خالص وبعدين راح بلعام شاف الملاك ولولا جدى كان الملاك طير راس بلعام بالسيف شوفت بقى شطارة جدى عاملة ازاى
الديك : ايوه صح ده جدك شجاع خالص وكان بيسمع الكلام علطلول واحنا لازم نسمع الكلام بتاع بابا وماما
طيب انا هوريك صورة جدى الكبير الديك شرشر
الحمار : ياااه انت جدك بردو عمل حاجات زى كدا
لا خالص مش زي جدك الحمار بص كدا فى الصورة

( صورة الديك يصيح لحظة انكار بطرس )

الحمار : ياااه ده جدك ده ولا ايه ومين اللى واقف هناك
الديك : ده جدى كان قاعد كدا ورايح ينام شويه وبعدين الكلام ده كان يوم الخميس
وجه الرب يسوع قال لبطرس لا يصيح الديك قبل ان تنكرنى ثلاث مرات انك تعرفنى
وجدى طبعا كان شايف بطرس الرسول وبيكذب عليهم انه يعرف الرب يسوع واول مره جدى الديك صاح كوكو كوكو بس بطرس بردو مسمعش جدى والمره التانيه اما بطرس انكره للمره الثالثه جدى صاح تانى بصوت عالى خالص خالص خالص كوكو كوكو راح بطرس بص كدا وسمع كمان صوت جدى وقعد يبكى كتير خالص خالص وربنا بعدين سامحه وبقى قديس عظيم
شوفت جدى عمل ايه ايه رايك
الحمار : هو جدك شاطر بردو بيسمع الكلام كويس خالص
الحمار هس هس هس ملك الغابه جاى علينا اهو
الديك: ياااه ملك الغابه ده صعب خالص اسكت ياعم ليضربنا مش ناقصه

يدخل الاسد

الاسد : ههههههه انا الاسد سفروت
الديك والحمار : اهلا بالملك سفروت
الاسد مالكم بتحكوا فيه ايه من ورايا كدا
الديك: لا مفيش حاجه ده الحمار نونو كان بيحكى قصة جده وانا حكيت قصة جدى
الاسد : اها طيب انا جعان عايز اكل اعمل ايه
الحمار : طبعا يا ملك سفروت انت متحبش الحمير ههههههه بتحب الديك تعال كل صاحبنا ده
الديك: ايه يا نونو بتضحى بيا كدا مش احنا اصحاب ولا ايه المفروض تدافع عليا
الاسد متخفوش انتوا اصحابى انا مش هاكلكم متخفوش انا جاى بدور على واحد صاحبنا هيعزمنا على شويه اكل حلوين تعالوا معايا عشان تاكلوا معايا
الديك مين هو يا ملك سفروت
الاسد : الحوت مشمش
الحمار : ياااه الحوت مشمش مره واحده ده انا شوفته امبارح كان بيلعب عند البحر هناك ومحدش عارف يكلمه خالص وبيضرب فى السمك الصغير
الاسد : اصل هو عازمنى على اكلة سمك النهارده عيد ميلاده تعالوا معايا بس نشوفوه عامل ايه

يخرج الاسد والديك والحمار

يدخل الحوت 

الحوت: ياااه انا النهارده عيد ميلادى هههههه هحتفل بيه اخيرا ليا زمان محتفلتش بعيد ميلادى خالص خالص
الحوت : مين اللى جايين من بعيد دول شكلهم عايزين ياكلوا ياااه دول اصحابى الحمار نونو والديك كركر ووملك الغابه سفروت ايوه صح نسيت ده انا عازم سفروت الملك على الغدا النهارده شويه سمك حلوين
يدخل الديك والحمار والأسد ويقول اغنيه happy birthday you يلا حالا بالا حيو ابو الفصد
بعد الانتهاء
الحوت مشمش : شكرا شكرا يا اصحابى عقبال عيد ميلادكم النهارده عازمكم على اكلة سمك حلوه خالص
الحمار : اومال صورة مين اللى معاك دى يا مشمش
الحوت : ده صورة الحوت جدى ههههههه
الديك : وماله كدا زعلان ليه
الحوت : مش زعلان خالص هحكيلكم القصه اصل فى مرة زمان خالص واحد اسمه النبى يونان ربنا بعته عشان يروح لاهل نينوى عشان يقولهم يرجعوا لربنا ويتوبوا عشان كانوا بيشتموا وبيضربوا بعض علطلول وبيعملوا حاجات وحشه كتير وربنا قال ليونان روح المدينه نينوى عشان تخلى الناس تتوب وتبقى كويسه يونان النبى ده مسمعش الكلام خالص وقال اروح اهرب من ربنا بعيد خالص
الاسد سفروت : يووه هو حد ينفع يهرب من ربنا اللى خلقه وخالقنا كلنا
الحوت : لا طبعا مينفعش خالص ربنا شايفنا كلنا وشايفنا بنعمل ايه
الحمار: وبعدين
الحوت : وبعدين راح ركب سفينه رايحه ترشيش وبعدين ربنا زعل والبحر هاج خالص وكانت السفينه هتغرق راح يونان قال للناس اللى معاه ارمونى والبحر هيسكت وبعدين مسكوا يونان ورموه فى البحر
الديك : ياااه و بعدين حصل ايه
الحوت : و بعدين جدى كان نايم كدا وبيشخر ههههههه
راح صحى فجاه وطلع يشوف الصبح صبح ولا لا
ويفتح بقه عشان يفطر بشويه سمك لقى يونان دخل جوه بقه وفضل ثلاث ايام وبعدين جدى راح عطس عطسه كبيره طلعه من بوقه عشان مكانش عارف ياكل كويس ايه رايكم فى جدى
الاسد : جدك ده شاطر خالص يا حوت مشمش
الحوت اكيد تعالوا يلا عشان ناكل
الاسد انا هقولكم حكايه جدى بردو بس مش جدى واحدبس ده شويه كتير خالص جدى وجد جدى وخالى وعمى 

يضحط ضحكة عالية 

الحوت : كل دول مره واحده
الاسد : ايوه ما كانوا قاعدين مع بعض فى الجب اللى هو زى سجن كدا كبير خالص وكان فى الوقت ده واحد اسمه دانيال ناس وحشين خالص قالوا عليه واشتكوا الملك عليه راح الملك رماه فى الجب اللى فيه جدى وعمىوخالى
الديك : وايه اللى حصل اكيد اتغدوا بيه
الاسد : لا طبعا مقدروش مع انهم كانوا جعانين كتير خالص خالص
بس طبعا هما بيسمعوا كلام ربنا وجه الملاك سد افواه الاسود عشان ميكلوش دانيال النبى عشان ده راجل كويس خالص وربنا اتقذه من اجدادى عشان كانوا جعانين بس بيسمعوا الكلام وهما بعد كدا جابولهم اكل كتير
الاسد شوفتوا بقى ايه رايكم فى اجدادى
الديك والحمار والحوت : دول كويسين خالص
الاسد : عشان كدا يا اصحابى لازم نسمع الكلام ونبقى مطيعين مينفعش نزعل بابا او ماما ومينفعش نزعل حد مننا خالص خالص يلا بينا عشان ناكل بسرعه يلا بينا
الحوت : يلا بينا بااااى

فى النهاية علينا ان نشكر الرب على عطاياه الكثيرة انه اعطانا الكثير من الخيرات مثل العقل والفهم وهذه القصة توضح لنا ذلك حيث نرى ان الحيوانات بالرغم انها غير عاقل ولكن كانت تطيع الله الرحوم الذى اهتم ايضا بالحيوانات واعطانا نحن الفهم وبالرغم ذلك لم تعصى امر الرب كما حدث فى قصة بلعام وقصة يونان وقصص اخرى فى بداية حياتهم ولكن علينا ان نتعلم ان الطاعة هى اساس المحبة من يحب الرب عليه ان يتعلم كيف يطيعه وفى هذه القصة وهذا الاسكتش البسيط يعرف الاطفال اهمية الطاعة فى البيت واهمية طاعة الخادم فى الكنيسة والمدرسة 

علينا ان نتهم باطفالنا لكى ما يثمروا اكثر واكثر فى الخدمة والرب يبارك الجميع