اسكتش عن الغضب

اسكتش الغضب والاصحاب

الغضب وخطورته 

حوار بين كوكى وبودى ومودى ....

مقدمة الاسكتش :- 

هدفنا الاول والخير ان الطفل لا يغضب  من خلال :-

1- علينا توعية الاطفال بالمحبة بين بعضهم وان الغضب يولد الخصام .

2- احترام الطفل للكبير واحترامه للكنيسة وللوالدين من اهم الاشياء .

3- توعية الطفل بعدم تعلية الصوت وعدم الصياح فى وجه اصحابه وعدم الشتيمة.

4- ان يحب اصدقائه ولا يخاصم احد وان يساعد الاطفال الصغار

كوكى : ازيك يا بودى عامل ايه

بودى : كويس الحمدلله يا كوكى

كوكى اومال فين مودى يا بودى

بودى : هسسسسسسس اهو طالع ورانا من مدارس الاحد بس شكله زعلان خالص ووشه مكشر كدا ومضايق

كوكى : يالهوى من اى كدا

بودى : تعالى نروح نشوف ماله زعلان من اى

كوكى وبودى : يا مودى يا مودى تعال رحت فين

يجى مودى زعلان ووشه مكشر كدا وغضبان

مودى : فى ايه بس محدش يكلمنى خالص هس هس

كوكى : ليه كدا يا مودى مالك بس فى اى

بودى : مالك صح يامودى شكله مضايق وغضبان ليه

مودى : اصل كنت باكل كيس شيبسى فى الكنيسه بعد القداس وصاحبنا توتى خطفه من ايده وجرى

كوكى : ياااااااه يا مودى ينفع كدا فى حد بياكل فى الكنيسه كدا المفروض تخليه معاك لحد ما تخلص مدارس الاحد

مودى : انا اتضايقت خالص وكنت هضربه فى الكنيسه

كوكى : لا مينفعش يا مودى حد يتخانق فى الكنيسه او بره الكنيسه عشان ربنا بيقول حبوا بعضكم بعض ولا تغضبوا

مودى : هو اللى خلانى غضبت واتضايقت انا اعمل ايه

كوكى : بس انت يا مودى بردو غلطت مينفعش تاكل فى الكنيسه واحنا بنصلى فيها وهو كمان غلط خطفه منك وقعد يجرى

يطلع توتى من الكنيسه وتنادى عليه كوكى

كوكى : يا توتى يا توتى

توتى : ايوه يا كوكى فى اى

كوكى : ينفع تخطف كيس الشيبسى من مودى كدا

توتى : انا كنت بهزر معاه وبنلعب

كوكى لا مينقعش نهزر كدا 

وخصوصا فى الكنيسه عشان بابا يسوع قال بيتى بيت الصلاه يبقى لازم نروح عشان نصلى ونسمع كلام بابا يسوع

توتى : ايوه صح يا كوكى مينفعش

كوكى : طيب خلاص ينفع تعتذر لمودى عشان هو زعلان وغضبان من اللى حصل ومينفعش كدا لازم كلنا نحب بعض زى ما بابا يسوع قالنا

توتى : اممممم حاضر

توتى : انا اسف يا مودى انى زعلتك وخليتك غضبت ومش هعمل كدا تانى خالص

مودى : اااممممممم وانا كمان اسف انى غضبت يا توتى عليك وخلاص مش نعمل كدا تانى ولا نلعب فى الكنسيه ولا ناكل واحنا بنصلى

بودى وكوكى : ايووووه برافو عليكم يلا بقى نروح ندخل الكنيسه ونصلى لبابا يسوع ونقوله مش هنعمل كدا تانى خالص

يلا بييينا ومش هنعمل حاجه تزعل حد خالص  .

   النهاية 

- الغضب شئ خطير وعلينا توعية جميع الاطفال وكما نرى ربما البعض موجود عندهم الغيرة والتى تسيطر على اشخاص كثيرين وان الغضب ربما فيما بعض يولد الكراهية والخصام وان هذا خطير جدا حتى لا يعيش الطفل وخصوصا الاطفال الكبارسنا والذين يستوعبون معنى الغضب والغيرة والتى بسببها بيتخانق مع غيره وربما يضرب اصحابه فى الشارع وتولد الخناقات والتى تتسبب فى مشاكل فى المنازل حيث انه تتسبب فى اشياء كثيره علينا توعية الطفل فى النهاية باهمية الحياة مع الرب يسوع وتوعيته بان يحب جميع اصحابه مهما كانت الظروف التى تولد الغضب والغيرة علينا ان نفهم الاطفال ان يرشموا الصليب فى الوقت ذلك ولو شخص من الاشخاص نرفزه وشتم عليه انه يقوله ربنا يسامحك ويصلى من اجله حتى لا تتولد الخصامات والغيرة الرب قادر ان يغير فى جميع الناس ويحافظ علينا .