اسكتش كورونا شيكو

 اسكتش كورونا شيكو وكورونا كوكو 

اسكتش شيكو وكوكو وميشو والطبيب وبابا يسوع للتوعيه فى مدارس الاحد

فى البداية علينا ان نهتم بصحة الاطفال من خلال التوعية ومن خلال التعريف اخطار الفبروسات :

1- الاهتمام بصحة الاطفال من خلال التوعية المخدوم بعدم الاحتكاك مع بعضهم .

2- لبس الكمامة والمحافظة على صحتهم من خلال الاكل النظيف والملابس النظيفة  .

3- استخدام الكحول لو توفر وغسل اليدين بأستمرار وعدم استخدام ادوات ملوثة .

يدخل شخصين اسمهم فيروس كورونا كوكو وكورونا شيكو

كورونا كوكو : ازيك يا كورونا شيكو
كورونا شيكو : ياااه يا كورونا كوكو كان عندنا اصابات كتير نهارده فى المدرسه وقعدنا نخبط فى العيال ونلعب معاهم هههه
كورونا كوكو : برافو يا شيكو وبعدين
شيكو : بس العيال فى المدرسه بتلبس الكمامة مش عارفين نلعب معاهم ياعم دلوقت
كوورنا كوكو : لازم نشوف حل مينفعش كدا يا شيكو نخلى العيال تحبنا عشان يبقوا اصحابنا ونعديهم
شيكو صح نشوف حل لازم
يمشى كورونا شيكو وكورونا كوكو
ويدخ الطبيب وابنه
يدخل الطبيب : ياااه انا تعبان خالص نهارده من ساعة الصبح فى المستشفى اخيرا هروح البيت وهنام
يدخل البيت يقابل ابنه
الطبيب ازيك يا ميشو عامل ايه فى المدرسه
ميشو نشكر ربنا يابابا نهارده كنت لابس الكمامه فى المدرسه وكمان ملمستش اى حاجه بتاعت زميلى عشان العدوى
الطبيب : برافو يا ميشو وبلاش تاخد شندوتشات حد وكل حاجه تبقى بتاعتك ماليكش دعوه بحاجه حد عشان نحافظ على نفسنا
ميشو حاضر يا بابا
الطبيب يلا يا ميشو روح بقى عشان تصلى وتنام عشان تصحى بدرى للمدرسه
ميشو حاضر يا بابا انا هروح اصلى وانام دلوقت يلا تصبح على خير
الطبيب وانت من اهله يا حبيبى
يخرج الطبيب وميشو
يدخل ميشو اوضة النوم ويصلى وينام
يدخل ميشو فى حلم
يحلم ميشو انه ماشى رايح المدرسه يقابله كورونا كوكو
كورونا كوكو ازيك يا ميشو انت مش عارفنى ولا ايه
ميشو انت مين
كوورنا كوكو ينادى على كورونا شيكو
كوكو يا شيكو يا شيكو تعال نسلم على صاحبنا ميشو
ميشو " انتوا مين
كورونا كوكو وشيكو :احنا اصحابك يا ميشو بس لازم تخلع الكمامه عشان نعرف نتكلم يا ميشو
ميشو : مينفعش يا صاحبى عشان دى بتحمينا من العدوى ولازم نحافظ على نفسنا
كورونا كوكو ياعم متخفش عايزك تلعب مع اصحابك وتاكل معاهم وتاخد السندوتشات بتاعتهم وتعطس فى وشهم كمان هههههه
ميشو لا طبعا مينفعش ده غلط لازم نحافظ على بعض ومينفعش نلمس حاجه حد ولا اخد اكل اصحابى عشن منعديش بعض ونحافظ على بعض واستخدم حاجاتى بتاعتى بس
كورونا كوكو وشيكو امممم انت هتخنقنا ولا ايه لازم قبل ما نمشى نخلعك الكمامه ونعطس فى وشك علشان العدوى تعال

يجرى ميشو منهم

ميشو ابعدو عنى انا خايف ليه كدا
ايوه صح الاستاذ فى مدارس الاحد قالى لما تحس انك خايف ارسم علامة الصليب
ميشو يرسم علامه الصليب
بسم الاب والابن والروح القدس اله واحد امين وينادى يا بابا يسوع ابعد عنى دول
يظهر بابا يسوع لميشو
بابا يسوع متخفش يا ميشوانا جنبك متخفش خالص
ميشو : بابا يسوع
بابا يسوع ايوه يا ميشو انا جنبك علطلول متخفش من حاجه انت ولد كويس خالص وبتصلى قبل ما تنام ومتخفش من حاجه خالص وانا جنبك علطول وجنب كل حبايبى هنا فى الكنيسه ومدارس الاحدوكلهم كلهم معايا
ميشو اشكرك يا بابا يسوع انا مش هخاف تانى خالص
بابا يسوع متخافش يا ميشو من كورونا خالص لازم تصلى اهم حاجه وكمان زى ما قالك الاستاذ فى مدارس الاحد لازم تغسل ايديك كويس قبل ما تروح القداس وبردو تقف فى طابور التناول كويس وتسمع كلام الاستاذ كويس وكلام بابا فى المدرسه وتلبس الكمامه وكمان تصلى علطول طالما انت بتحافظ على نفسك هتبقى ولد كويس خالص عشان بتسمع كلام بابا وماما وانا هكون جنبك ومش هخلى اى حاجه وحشه جنبك
ميشو شكرا يابابا يسوع انا مبسوط انى شوفتك ومش هخاف من اى حاجه
بابا يسوع سلام يا ميشو سلام
ميشو يصحى من النوم الصبح
ميشو ياااه حلمت انا ببابا يسوع كان حلم حلو خالص ده انا كنت خايف من كورونا وبابا يسوع قالى متخافش والبس الكمامه واغسل ايديك
انا هعمل كدا وهصحى من النوم ارسم الصليب واصلى واغسل ايدي كويس خالص