اسكتش عن التسامح وطول الاناه
اسكتش للتسامح وعدم الكراهية
الله محبة
اهدف الاسكتش :
1- ان يعرف المخدوم والطفل اهمية التسامح بين بعضهم .
2- ان يتعلم الاحترام ويتعلم عدم الكراهية وتوضيح لهم معنى المحبة .
3- ان يتعلم الصلام من اجل الاخرين والمحبة بين بعضهم .
4- احترام الكنيسة والصلاة وان يحترم بابا وماما فى البيت .
الشخصيات ( ميرو - كوكى ) .
التسامح وطول الاناة .
ميرو وكوكى .
ميرو : ازيك يا كوكى عامله ايه ؟
كوكى : كويسه نشكر ربنا يا ميرو .
ميرو :مالك امبارح مروحتيش ليه مدارس الاحد يا كوكى ؟
كوكى : اصل اخويا الصغنن كان دوشنى فى البيت كل شويه بيبكى ويبكى .
ميرو : ماله بس كدا يا كوكى .
كوكى : مفيش كل شويه يلعب ويكسر اى حاجه فى البيت .
ميرو : ليه كدا بس يا كوكى من ايه ؟
كوكى : هو بيحب يلعب فى البيت ونجرى وراه .
ميرو : ههههههه وفيها ايه بس عادى ده لسه نونو.
كوكى : ايوه بس انا مش بستحمل خالص وممكن ازعق فيه واضربه .
ميرو : يااااه مينفعش كدا خالص يا كوكى ده لسه نونو وكمان لازم نستحمل الصغير.
كوكى : لا اناا مش بستحمل خالص وبكون عايز اضربه عشان بيضايقنى .
ميرو : لا مينفعش خالص يا كوكى لازم نحب الصغنن كمان.
كوكى : وفى حاجه تانى .
ميرو : ايه كمان اللى حصل احكيلى .
كوكى : انا اتخانقت مع الولد جارنا فى البيت وهو زعقلى وكمان بيشتم وانا مش هسامحه خالص خالص عشان ضربنى وجرى .
ميرو :لا مينفعش يا كوكى احنا لازم نسامح غيرنا مهما عمل عشان كلنا اولاد ربنا لازم نحب بعض مينفعش نزعل من بعضنا خالص ونبقى اطفال حلوين خالص خالص .
لو حد قالنا كلمة وحشه نقوله ربنا يسامحك واحنا نسامحه عشان احنا بنحب ربنا.
كوكى : ايوه صح انا بس مش بستحمل حد يزعق معايا .
ميرو : لا يا كوكى مينفعش لازم يكون عندك طول اناه .
كوكى :يعنى ايه طول الاناه دى يا ميرو ؟
ميرو: ده درس اخدناه فى مدارس الاحد وانتى مكنتيش موجوده .
كوكى : ياااااه وده معناه ايه يا ميرو فهمينى .
ميرو : طول الاناه يعنى لازن نستحمل بعض ومش نزعل بسرعه ولا نضايق بسرعه ونحب بعض خالص كمان .
كوكى : وايه تانى يا ميرو عايزه اعرف كل حاجه .
ميرو : ونستحمل اصحابنا واخوتنا على ايه كلمة ومش نغضب بسرعه .
كوكى : ااااااااااااااااه فهمت .
ميرو : وكمان بردو يا كوكى لازم نحترم كل اصحابنا بردو مش بس اخواتنا.
كوكى : يعنى ايه ؟
ميرو : يعنى مش نتريق عليهم ولانتخانق معاهم فى الكنيسة اوالمدرسة اواى مكان ونحب بعضنا خالص .
كوكى : ايوه انا هعمل كدا بردو .
ميرو : ونحترم بابا وماما كمان فى البيت ونسمع الكلام ومش نزعق فيهم عشان دول بيبقوا بابا وماما لازم نسمع كلامهم ونحترمهم ونعمل ايه حاجه عايزينها من غير زعل .
ميرو : انتى تعرفى النهاردة بردو كمان اخدنا ايه على الموضوع ده .
كوكى : ياااااه بحب الايات اووووى انا مممكن نقوليها ليا عشان احفظها .
ميرو : خذوا يا اخوتى مثالا لاحتمال المشقات والاناه الانبياء الذين تكلموا باسم الرب .
كوكى : دى فين يا ميرو فى الانجيل ؟
ميرو : دى فى العهد الجديد رساله يعقوب الاصحاح الخامس ايه رقم عشرة .
كوكى : ودى معناها ايه ؟
ميرو : دى معناها لازم نتحمل التعب شويه ويبقى عندنا طول الاناه زى الانبياء كانوا بيستحملوا الناس كتير ولازم كمان نسامح غيرنا ومش نضايق بسرعه .
كوكى : ايوه صح وكمان بابا يسوع كان عنده طول اناه وبيستحمل اليهود وغيرهم كتير خالص عشان مينفعش نتضايق بسرعة من اى حد فلازم نحب بعضنا كلنا .
ميرو : برافو عليكى يا كوكى صح كدا يبقى لازم يبقى عندنا ايه ؟
كوكى : طووووووووووووووول ااناة .
كوكى : انا مش هعمل كدا تانى وهستحمل اى حد بعد كدا ويبقى عندى طول اناه زى بابا يسوع والقديسين عشان كلهم كلهم كانوا بيحبوا بعض .
ميرو : صح يا كوكى برافو يلا نتقابل فى مدارس الاحد الاسبوع الجاى باااااااااااى .
كوكى : بااااااااااااااااااااى .
فى نهايه الاسكتش على المخدوم ان يعرف الاهداف المطلوبه ويقوم الخدام بتوضيح الاسكتش بعد نهايته للمخدومين فى مدارس الاحد وشرحه لهم وتوضيح قصص من الكتاب المقدس عن التسامح والمحبة والعطاء وعدم الغضب والكراهية وتضيح هدف الاحترام فى البيت واحترام الوالدين واحترام الاصدقاء والكبير سنا واحترام بيت ربنا والكنيسة والحفاظ على نظافة الكنيسة .
الاحترام وطول الاناة مطلوب لجميع الناس السيد المسيح احترم الكهنوت وكان بيستحمل اليهود واستحمل ناس كتير عشان كان منتظر بس على الاقل يتغيروا ويبقوا ناس كويسين استحمل كمان الاهانة من اليهود وقت الصلب .
غير كدا لولا صبر وطول اناة ربنا علينا كان زمان العالم كله فى ضياع لانه بيحتمل ويصبر علينا كتير .
كان طويل الاناة على العالم وقت بناء فلك نوح وكان بيعمل لاجل خلاص البشرية لكن رفضهم للرب وعدم الاهتمام واستمر نوح يبنى الفلك وهما لا يكترثون ليه لحد ما جه الطوفان واهلك العالم كله وحفظ نوح فى الفلك .
احتمال وكان طويل الاناة على شعب اسرائيل واحتملهم فى البرية وكذلك اهل نينوى وكمان يونان النبى بالرغم من هربه لترشيش لكن الله كان طويل الاناة وارجعه لنينوى تانى عشان يحذرهم ويرجعوا يتوبوا وفعلا تابوا بمسوح وصوم والرب قبل توبتهم .