اسكتش يونان ابن امتاى
النبى يونان واهل نينوى
مناسب لمرحل اعدادى وثانوى وجامعه
اهداف الاسكتش :
1- معرفة القصة كاملة وما يدور حوله الاسكتش .
2- اهمية الصلاة فى حياتنا واهمية النذور .
3- الغضب ليس الحل فى حياتنا الله رحيم ورؤوف على خليفته .
4- اهمية الخدمة فى حياتنا الروحية .
الراوى : ربنا امر يونان بن امتاى ان يطلع لمدينة نينوى ونينوى كانت مدينة عظيمة ويبلغ اهلها ان خطيتهم زادت اوى .
يونان : انا ايه اللى يودينى نينوى وابلغ اهلها الكلام ده اصلا وهما كمان اعدائنا اما اشوفلى حتة اروحها احسن .
يخرج يونان يجد سفينة مسافرة عند البحر
البحار 1 :امسك ياريس امسك الحق بسرعة .
البحارة 2 : ارمى اهو انا مستنى .
البحارة 1 : اربط بقى يلا عشان نطلع اربط .
يونان يأتى جرى من بعيد
يونان : ياريس ياريس على فين العزم ؟
البحار 1: احنا طالعين على ترشيش .
يونان : معاكم فى اى حتة معاكم المهم متكونوش رايحين نينوى .
البحار 2 : يلا تعال ادفع اجرتك واطلع المركب .
البحارة 3 : الجو مغيم وشكلة مش اوى النهارده .
البحارة 2: الغريب ان الجو فى الوقت ده عمره ما يغيم اى اللى هيحصل ياترى .
البحارة 3: ياريت حظنا يبقى حلو وميقلبش احسن اما الجو يغيب كدا من غير مناسبة تبقى مصيبة ومحدش عارف هيحصل ايه .
البحارة 2 : ايه ده فى مطره وريح بدات تقوم .
البحارة 1: الحق نلم القلع بسرعه ده الريح شدت اوى .
البحارة 2 : المركب هتتكسر يارجالة ياريس المركب هتتكسر امسك معاى شد القلاع .
صوت رياح شديدة وامواج
البحار 3: فين يونان يا رجالة ؟
البحار2 : ارمى الحاجات اللى ملاهاش لازمة معاك اى حاجه ملهاش لازمة .
البحار 1 : يا اخوالنا فين يونان حد يشوفه لينا فى اى حتة .
البحار 3 : اهو اهو لقيناه نايم تحت والمركب هتغرق باللى فيها .
البحار1 : قوم صلى وادعى لألهك يمكن ينقذنا من الغرق والموت.
البحار 3 : احنا بس عملنا ايه عشان يجرى لينا اللى كل اللى احنا فيه بس .
البحار 2 : لازم واحد فينا عامل حاجه غلط .
البحار 1: ايه رايكم نعمل قرعة ونعرف مين السبب ونرميه فى البحر عشان كلنا ننجى من الموت عشان شكل المصيبة دى فيها واحد عامل حاجه .
البحار1 والبحار 2 والبحار 3: ايوه نعمل قرعه يلا نعمل قرعه هى القرعه .
يعملوا قرعه عشان يشوفوا اى اللى هيحصل .
البحار 3 : القرعه طلعت على يونان يا ريس .
البحار 2 : قولنا اي اللى عملته وايه اللى حصل لينا بسببك ؟
البحار 3 : انت بتشتغل ايه ومن اى بلد ؟
البحار 2 :ومن اى عيلة قولنا يلا بسرعه ؟
يونان بتردد : انا انا عبرانى يعنى من بنى اسرائيل وبصراحه انا خايف من ربنا اللى قادر على كل شئ اللى عمل البر والبحر .
البحار 2 : وايه اللى مخوفك منه اى اللى عملته خلاك خايف كدا ؟
يونان : بصراحه انا هربان منه .
البحار 2 : وليه بس بتعمل كدا ؟
البحار 1 : دلوقتى نعمل ايه معاك عشان البحر يهدا ؟
البحار 3 : هااااااااااا يالا اتكلم ده الموج بيعلى والبحر مليهش كبير .
يونان : احسن حاجه انكم ترمونى فى البحر ساعتها البحر هيهدا وانتوا تنجوا من الموت عشان انا عارف ان العواصف دى كلها قامت بسببى .
الراوى : لكن المراكبية مسمعوش كلام يونان ولا رموه فى البحر زى ماطلب منهم لكن حاولوا يطلعوا على البر
البحار 2 : جدفوا للبر يا رجالة يلا بايد واحده كلنا هيلا هووووووب هيلا هووب .
البحار 3 : مفيش فايدة يا رجالة الموج بيعلى اكتر والبحر بيهيج زيادة عن الاول .
البحار 2 : نعمل ايه بس يا رجالة ؟
البحار2 : ايه الاله نجينا نجينا عشان يعيش الراجل اللى معانا ده .
البحار 3 : ومتحملناش ذنبه وهو برئ .
البحار 2: مفيش قدامنا حل عشن ننقذ كل الناس اللى فى المركب غير اننا نضحى بيونان ونرميه فى البحر .
البحار 1 : يظهر هو الحل الوحيد اتفقنا يلا بينا .
البحار 1 و2 و3 : يلا بينا شيل هيلا هووووووب هيلا هووووووب .
يرمى البحاره يونان فى البحر
البحار3 : غريبة البحر ابتدا فعلا يهدا من اول ما رمينا يونان .
البحار 2: ده معناه ان هو كان السبب فى العواصف .
البحار 1 : يظهر ان محدش يقدر يهرب من الله اللى بيعبده يونان ده .
البحار 3 : يظهر انه فعلا زى ما قال يونان انه رب السما القادر على كل شئ .
البحار 1 : لازم نعمل حاجه نقدم لله ذبيحه او ننذر نذر .
موسيقى
الرواى : وفى اثناء يونان ما كان نازل لاعماق البحر تاب وصرخ لله عشان ينجده وهو بيصرخ نذر حياته عشان يخدمربه ويسمع اوامره فى الوقت ده ربنا جهز حوت عشان ينقذ يونان وبعته للحته اللى هو اترمى فيها
قام بلع يونان وخلاه فى جوفه
يونان بصوت عالى ااااااااااااااااااااااااااااااااااااه .
الرواى : وهو فى جوف الحوت شكر يونان الله
يونان : دعوت الرب من ضيقى فاستجاب لى صرخت من جوف الهاوية فسمعت صوتى .
لانك طرحتنى فى العمق فى اعماق البحار فاحاط بى نهار .
يكمل صلاة يونان فى الاصحاح الثانى اذا كان متسع من الوقت .
الرواى : فى الوقت ده ربنا امر الحوت بانه يخرج يونان ويرميه على الشاطئ ومرة تانى الله يأمر يونان انه يروح نينوى ويبلغ اهلها الرساله اللى بعتها ليهم
وفضل يونان ماشى فى نينوى لمدة يوم وبعدين .
يونان : يا اهل نينوى يا اهل نينوى يا اهل المدينة العظيمة اسمعوا كلكم بعد اربعين يوم المدينة كلها هتخرب .
يكرر الكلام وهو ماشى مع موسيقى .
احد اهل نينوى 1 : قوموا قوموا يا اهل البلد قوموا قوموا بينا نصوم ونلبس هدوم الحزن والندم على خطيتنا عشان ربنا يرحمنا يلا الكبير قبل الصغير .
احد الاهل 2 : ايه ده مش معقول ده حتى الملك كمان لابس هدوم الحزن والندم ياترى هيقول ايه تعالوا كدا نشوف اى اللى هيحصل دلوقت .
احد الحراس : كل الناس تسمع وتنتبه فى اوامر للملك لكل الناس بامر من جلاله الملك المعظم وكل الوزرا محدش من الناس ياكل ولا يشرب مش بس الناس ده كمان البهايم
والغنم والبقر وعلى كل الناس يلبسوا المسوح دليل الحزن والندم ويدعوا ربنا انه يتوبوا عن شرهم والظلم اللى ارتكبوه عشان الله يرحمنا ويرجع عن غضبه ومش يقتلنا .
يكرر مره تانى : بامر من جلالة الملك المعظم ...............ويكرر مع موسيقى .
الراوى : وفعلا ربنا تاب على اهل نينوى وقبل توبتهم وعدل عن العقاب اللى كان عايز يعاقبهم بيه وهو خراب بلدهم .
يدخل يونان .
يونان : مش معقول ايه اللى بيحصل يعنى بعد ما ربنا يخلينى اجى واحذر الناس واقولهم هيخرب بلدهم يرجع ويسامحهم نبى ايه انا دلوقت.
يونان : مش ده يارب الكلام اللى قولتله وانا فى بيتى عشان كدا هربت ورحت ترشيش انا كنت عارف انك اله رحيم وعطوف مش بسرعه بتغضب واحساناتك كتير وبترجع عن العقاب وانت رحيم على كل البشر .
خلينى اموووووووووت دلوقت .. انا الموت احسنلى من العيشة دى .
الرواى : فى الوقت ده الله كلم يونان وقاله انه ملهوش حق يغضب الغضب ده
خرج يونان من نينوى ونصب لنفسه حاجه تضلل عليه وقعد يتفرج على اللى بيحصل للناس ويشوف هيحصل اى فى البلد .
يونان : ايه ده الشجره عما تكبر وتضلل عليا اخيرا حاجه كويسه ربنا بيعملها معايا.
ينام يونان وعند الصبح بدرى جات دودة جات وقرضتها فنشفت ودبلت فحزن يونان .
يونان : ياااااه الشمس سخنه اوى انا تعبت منها مش قادر اقف على رجليا ما تخدنى بقى يارب وتريحنى انا الموت احسنلى من العيشة دى .
الرواى : وكلم ربنا يونان وساله ان كان عنده حق يزعل عشان الشجرة اللى طلعت وماتت فى يوم واحد .
وقال الله ليونان انه زعلان على الشجرة اللى متعبش فيها ورباها اللى يدوب عمرها ليلة واحدة وهو كمان لازم يزعل على شعب نينوى اللى يجوا اكتر من 120 الف بنى ادم مش عارفين اى حاجه وطبعا غير البهايم اللى مليهاش عدد .
فى نهاية الاسكتش يقوم المخدوم بوضع بعض الاسئلة فى قصة يونان وما هى الاستفادة من القصة وما يجب علينا ان نتمثل فى قصة يونان والايجابيات والسلبيات اللى حدثت وظهرت فى القصة ويقوم كل مخدوم يبدى رأيه فى قصة يونان وماذا استفاد من القصة.