اسكتش البابا كيرلس السادس
الجزء الاول عازر يوسف عطا
الراهب مينا المتوحد
بداية الاسكتش على المخدوم ان يعرف :-
1- قصة قداسة البابا كيرلس السادس .
2- معرفة شخصية القديس وكيف نستفاد روحيا من القصة .
3- معرفة الشخصيات المؤثرة فى حياة قداسة البابا كيرلس .
اسكتش البابا كيرلس قبل الرهبنة
الجزء الاول
يدخل يوسف عطا والد عازر ومعه ابونا تادرس والاستاذ ساويرس .
يوسف عطا : اهلا اهلا يا ابونا تادرس اتفضل اتفضل ادخل انت والاستاذ ساويرس .
ابونا تادرس : شكرا خالص يا استاذ يوسف شكرا ربنا يبارك حياتك وانت عارف ان كل ما انزل دمنهور بلدكم انا والاخ ساويرس اعدى عليكم
عشان هو اللى يمشى معايا والعكاز اللى بشوف بيه عشان انت عارف نظرى دلوقت عامل ازاى .
يوسف عطا : ناخد بركة يا ابونا ناخد بركة .
ابونا تادرس: متنساش يا استاذ يوسف كمان ان النهارده 2 اغسطس عيد ميلاد حبيبى عازر وده يوم مميز عندى اوعى تنسى .
الاستاذ يوسف : ايوه صح يااااه انا كنت ناسى يا ابونا خالص ان النهارده عيد ميلاد ابنى عازر وانت يا ابونا كمان فاكر .
ابونا تادرس : لا انا منساش خالص خالص تاريخ ميلاده 2 اغسطس 1902 يعنى النهارده عمره 4 سنين انا فاكر مقدرش انسى عيد ميلاد حبيبى عازر .
ابونا تادرس : ياااه اومال فين حبيبى عازر؟ انا النهاردة جاى عشان جايب ليه بركة من الدير هدية عيد ميلاده عشان ياخدها .
الاستاذ يوسف :نايم من شويه علطلول كل ما تيجى يا ابونا بينام على حجرك ههههههه
ابونا تادرس : صدقنى يا استاذ يوسف انا حاسس ان عازر ده من نصيبنا .
يخرج الجميع وتبدأ مرحلة جديدة وتعدى السنين .
يدخل عارز صبى 10 سنين
عازر يكلم نفسه ويقف قدام المرايه ويلبس جلابيه سوداء على مريلة المدرسة .
عازر : الله حلوه عليا ازاى الجلابيه السودا دى .
ياااه نفسى ابقى راهب زى ابونا تادرس حبيبى
انا هصلى ابانا الذى وهنام
يوجه كلامه للمخدومين واحنا يا اولاد لازم نتعلم الصلاة قبل ما ننام ونصلى ان ربنا يحفظنا ونشكره كمان عشان حفظنا اليوم كل من اى حاجه وحشه ولازم نتعود نصلى كل يوم قبل ما ننام ونرشم الصليب ونصلى ابانا الذى .
يصلى ابانا الذى وينام ثم يسمع صوت من الداخل .
تعدى السنين وينتهى عازر من الدراسة ويكبرعازر ويتشغل فى شركة .
يدخل مدير الشركة ومعه شخص اخر اجنبى اخر
مدير الشركة : اهلا بك يا مارشال اهلا بك فى شركتنا استنى الاستاذ عازر خلص شغل وجاى معاه الورق انتظر هو جاى علطلول مش هيتأخر عازر مواعيده مظبوطة.
يدخل عازر عليهم ويخبط الباب.
المدير : ادخل اتفضل عازر اتفضل .
المدير : خلصت الورق عازر افندى ولا لسه ؟
عازر : ايوه يا فندم وكمان فى حاجه تانى خاصة بالمرشال الانجليزى .
المدير : ايه عازر افندى ؟
عازر : فى محفظة لقيتها بتاعت القائد مرشال .
المدير: برافو عازر دى مليانه فلوس انت ليه مش اخدتها عازر افندى ليه ؟
عازر : مينفعش يا فندم غلط دى تبقى سرقه عشان الحاجه دى مش بتاعتى وربنا قال لا تسرق واحنا لازم نتعلم فى حياتنا الامانة عشان ربنا هيحاسبنا على امانتنا .
المدير : برافو يا عازر انا هحكى للقائد الانجليزى اللى حصل .
يحكى المدير فى اذن القائد الانجليزى ويمسك القائد بمبلغ فلوس يعطيها لعازر .
المدير : خد عازر افندى الفلوس دى هدية عشان امانتك خد يا عازر .
عازر : لا يا فندم شكرا خالص انا مش هقدر اخد اى حاجه عشان امانتى ربنا هيكافئنى فى السما شكرا خالص احنا كلنا لازم نتعلم الامانة فى حياتنا .
المدير : برافو عازر افندى انت راجل امين برافو برافو .
عازر : استاذن حضرتك يا فندم عشان عندى شغل .
المدير : اتفضل عازر اتفضل .
المدير يكلم الحضور شايفين يا اولاد ازاى عازر كان امين فى حياته وازاى لقى محفظة ومرضيش ياخد اى فلوس منها احنا كلنا لازم نتعلم من القصة دى ان لو لقينا حاجه مش تخصنا لازم ندور على صاحبها ولو لقيت فلوس واقعه فى الكنيسة مينفعش ناخدها لازم نشوف الاستاذ ونديها ليه عشان دى امانة ومينفعش ناخد اى حاجه مش بتاعتنا .
يخرج الجميع يدخل عازر وامه .
عازر : ادى الحكايه يا ماما وانا مرضيتش اخد فلوس وسلمت المحفظة لصاحبها
ماما : برافو يا عازر ايوه كدا احنا لازم نبقى امينين فى حياتنا ومناخدش حاجه مش بتاعتنا عشان ده غلط واى حاجه لازم نسأل على صاحبها ونردها ليه .
عازر : انا عايز اقولك حاجه يا ماما .
ماما : اتفضل يا عازر.
عازر : نفسى اروح الدير يا ماما واعيش هناك علطلول وابقى راهب .
ماما : ياااه ياعازر عايز تسيب ماما ولا ايه ؟
عازر : انا بحب ربنا خاالص خالص ونفسى اعيش معاه علطلول واصلى .
ماما : وبعدين يا عازر انا عايزك تقعد معانا هنا وتصلى فى البيت .
عازر: انتى مش فاكره يا ماما كلام ابونا تادرس البرموسى وانا صغير ؟
ماما : ايوه فاكره يوم ما قالى ده عازر هيبقى من نصيبنا .
عازر : ايوه انا فاكر الكلام ده ياماما وعايز ابقى معاهم فى الدير .
ماما : ما احنا هنا بنصلى ونروح الكنيسة وباباك شماس .
عازر : انا بحب الدير وبحب شفيعى مارمينا بردو وكمان هرب اتعبد سنين وفى الاخر
راح اتعذب واستشهد وبقى قديس عظيم وانا نفسى ابقى راهب واعيش مع ربنا .
ماما : خلاص هنشوف الموضوع ده يا عازر مع بابا .
عازر : حاضر يا ماما يلا نروح ناكل .
يخرج الجميع
يدخل الاستاذ يوسف والد عازر ومعه عازر وامهم .
الاستاذ يوسف : ينفع كدا يا عازر الكلام اللى حصل.
ماما : ايه اللى حصل يا حنا ؟
حنا : عازر مشى من الشغل ومش هيروح تانى واخد الورق بتاعه من الشغل .
ماما : يااه ليه كدا يا عازر؟ ايه اللى حصل بس كدا انت كنت شغال كويس .
عازر : يا امى يا بابا سامحونى انا اخدت طريقى وانتوا عارفين انا بحب ربنا ازاى
ولو دخلتوا الاوضه بتاعتى هتلاقوا كل حاجه جهزتها .
والد عازر :على فكره يا عازرالانبا يؤانس مطران البحيره بعتلى النهارده وقالى انك رحتله عشان تترهبن
واشترط انه اوافق على طلبك .
عازر : طيب يا بابا انا بحب ربنا خالص ونفسى اترهبن .
والد عازر : انا مش هقف طريقك يا عازر ربنا معاك اكيد
بس اطلب منك طلب تروح القداس بكره الاحد وتصلى كتير عشان ربنا يقف معاك .
عازر : اكيد يا بابا حاضر حاضر .
يخرج الجميع
يدخل عازر ووالده .
عازر : انا اخدت جواب توصية لامين دير البراموس من الانبا يؤانس اللى هروح بيه الدير يا بابا ومش هنساكم اكيد هناك وهصلى عشانكم كتير خالص .
والد عازر : ربنا معاك يا عازر عايزك تصلي لينا هناك ربنا معاك .
عازر : سلام يابابا سلام سلام
يخرج الجميع .
فى نهاية الاسكتش يعرف المخدوم قصة البابا كيرلس قبل الرهبنة
ومدى تأثير حياة القديس فى الجميع وان يعرف اهمية الامانة فى حياتنا لكى نسمع الايه ليروا اعمالكم الحسنة فيمجدوا اباكم الذى فى السموات.
واهمية الطاعه سواء للوالدين او للغير وواهمية الصلاة فى حياتنا قبل تنفيذ ايه هدف فى حياتنا نقوم بالصلاة وتقديم مشيئة الله .
وكمان اهمية الامانة فى حياتنا وكل واحد يعرف لو مكان عازر ووجد محفظة مليانه فلوس هيعمل ايه وقتها وهيتصرف ازاى هل ممكن ياخدها لنفسه ولا هيعمل ايه ؟
عشان كدا لازم كلنا نتعلم الامانة فى حياتنا ونتعلم مناخدش حاجه مش تخصنا .