اسكتش البابا كيرلس السادس 116
قداسة البابا كيرلس السادس
الاهداف من الاسكتش
1- معرفة كيفية اختيار الراهب مينا للبطريركية .
2- سيرة قداسة البابا كيرلس السادس وهو فى رتبة البطريرك .
3- المعجزات الكثيرة التى اجراها الرب يسوع على يديه .
4- بناء دير الشهيد مارمينا وهو شفيع القديس .
5- يوم نياحة وعيد القديس واهمية الشفاعه فى كنيستنا القبطية .
بداية الاسكتش :-
اسكتش
البابا كيرلس السادس الجزء الثالث اختيار الراهب مينا البراموسى .
يدخل طفل صغير ويسحب ورقة من الورق المنتخبين للبطريركية ويعرف نفسه .
رفيق باسيلى : اهلا يا اصحابى انا اسمى رفيق باسيلى من طنطا والنهارده يا
اصحابى يوم الاحد 19 ابريل 1959واختارونى عشان اسحب ورقه من الثلاث ورقات
اللى اسمائهم مكتوبة عشان ربنا يختار منهم راعى الكنيسة البطريرك اللى
هيكون
قبل ما اسحب هقولكم اسماء الثلاث المترشحين عشان نختار منهم .
اول واحد القمص دميان المحرقى .
ثانى واحد القمص انجيلوس المحرقى .
ثالث واحد القمص مينا البراموسى المتوحد .
تعالوا بقى نشوف ربنا يختار مين .
يرفع ايده ويختار
الورقه اللى طلعت بأسم القمص مينا البراموسى .
تم الاختيار على القمص مينا المتوحد البراموسى .
ثم يخرج صوت من الداخل الستار لحن اكسيوس .
ثم يخرج الى الخارج
يدخل البابا كيرلس بلبس البطريرك .
البابا كيرلس : كنت اود ان اعيش غريبا واموت غريبا ولكن لتكن ارادة الله
اشكرك يارب عشان اختاروا ليا اسم البابا كيرلس السادس
عارفين ليه يا اولادى عشان فى كنيستنا 5 بطاركة اسمهم كيرلس وانا السادس
بتاعهم
عشان كدا اسمى البابا كيرلس السادس
هروح اصلى بقى نصف الليل والمزامير والقداس فى الكنيسة احنا لازم دايما نتعلم الصلاة فى البيت او الكنيسة او اى مكان نكلم فيه ربنا وانا هروح اصلى دلوقت .
يخرج الى الخارج
يدخل خادم البابا كيرلس ومعاه اشخاص
الاستاذ عزمى : يا سيدنا سيدنا البابا مش راضى يفتح وحاولنا كتير نفتحه ومش عارفين والساعه واحده الصبح
هنعمل ايه دلوقتى ؟
البابا كيرلس : شد حيلك وهات ابونا متى معاك تعال يا ابونا متى زق الباب
معاه .
ابونا متى : الباب مقفول يا سيدنا خالص مش قادرين عايزين مساعدة .
البابا كيرلس : طيب اوعى كدا
يرسم الصليب ويقول خين افران ام افيوت نيم ابشيرى نيم ابنفما اثؤؤواب اونوتى
ان اوؤؤوت امين
افتحى ايتها الابواب الدهرية ليدخل ملك المجد .
يفتح الباب ويسمع صوت فتح الباب .
الاشخص مع بعض : بسم الصليب المجد ليك يارب شكرا يارب الباب اتفتح .
البابا كيرلس : يلا بينا عشان مش نتاخر نصلى ونعمل التسبحه يلا بقى عشان نجهز للقداس الصبح وكلنا نصلى يلا بينا .
يخرج الجميع يدخل البابا كيرلس يتحدث مع نفسه .
البابا كيرلس : يارب ساعدنى نفسى اخلص شراء ارض مريوط 100 فدان ابنى عليهم
دير لشفيعى مارمينا
ولازم ادفع نص المبلغ الاول 50 فدان واكيد يارب هتساعدنا لان عارفين يا رب انك معانا دايما ومش هتسيبنا خالص .
يخرج الى الخارج
البابا كيرلس يدخل ويصلى .
البابا كيرلس : اشكرك يارب عشان دبرت موضوع الدير اللى هنبنيه
وكمان رئيس الجمهورية جمال عبد الناصر اتبرع بفلوس واشترينا حتة الارض
وحطينا حجر الاساس لدير الشهيد مارمينا فى مريوط فى عيد مارمينا فى 24
نوفمبر سنه 1959 .
وبعدها يخرج
ويسمع صوت من الداخل وتمر السنين وفى عام 1962
يدخل البابا اولا ويدخل بعده الانبا ثاؤفيلس والراهب انطونيوس السريانى .
الانبا ثاؤفيلس : سلام يا سيدنا ز
الراهب انطونيوس : سلام يا سيدنا .
البابا كيرلس : اتفضل يا انبا ثاؤفيلس انت وابونا انطونيوس .
يقعدوا يتكملوا من غير صوت شويه مع موسيقى
الانبا ثاوفيلس : طيب عشان ترتاح يا سيدنا البابا هنسيبك عشان انت لسه طالع
من القداس وعايز تاكل لقمة وترتاح هنسيبك شوية ترتاح .
البابا كيرلس : ربنا معاكم تعال يا ابونا انطونيوس اصلى ليك قبل ما تخرج .
يضع البابا كيرلس يده على ابونا انطونيوس
البابا كيرلس : انا بضع الصليب على راسك واعلن رسامتك يا انبا شنودة اسقف
للتعليم
ويوم 30 سبتمبر 1962هيتم رسامتك مع الانبا صموئيل اسقف للخدمات .
ويخرج الجميع
يتحدث صوت من الداخل وتمر الايام والسنين
يدخل البابا كيرلس .
البابا كيرلس : ياااه الايام بتمر بسرعه ده يوم 24 يوليو سنه 1965 كان
يوم بركة خالص وضعنا حجر الاساس لبناء كاتدرائية جديدة
بارض الانبا رويس بالعباسية وكانت ايام بركة
وكمان فى 2 ابريل سنه 1968اخدنا بركة كبيره جدا جدا
يوجه كلامه للجمهور الحاضر
عارفين ايه
ده يوم ظهور القديسة العذراء فى كنيسة العذراء بالزيتون
ياااه كانت ايام
بركة خالص وناس كتير شافت الظهورات دى واخدت بركة كبيرة .
يخرج البابا
يفتح ستر المسرح وموجود الدكتور يكشف على البابا كيرلس ومعه ابونا بنيامين
كامل .
الدكتور : تمام امشى يا سيدنا على العلاج ده بالظبط .
البابا كيرلس : روح يا ابونا وصل الدكتور وتعال علطلول .
يخرج الدكتور وابونا بنيامين ويدخل ابونا بنيامين مرة تانى .
البابا كيرلس : وصلت الدكتور يا ابونا ولا ايه ؟
ابونا بنيامين : ايوه يا سيدنا طمنا على صحتك شعبك عايز ياخد البركة
البابا كيرلس : اسمع يا ابونا بنيامين انت سكرتيرى عايز اوصيك
واوصى كل الاباء خلوا بالكم من الكنيسة واهتموا بيها خلاص كل شئ انتهى .
ابونا بنيامين : ربنا يخليك لينا يا سيدنا ربنا يخليك لينا .
البابا كيرلس : النهارده كام فى الشهر يا ابونا
ابونا بنيامين : النهارده 9 مارس 1971
وكمان 30 امشير 1687 للشهداء .
البابا كيرلس : طيب انا هخرج للشعب عشان اباركهم وبعدين اروح قلايتى ربنا
معاكم ربنا معاكم .
يتحدث ويقفل الستر ويقول لحن اجيوس من الدخل الحزاينى ويفتح الستر على
النياحه
هوجالس على الكرسى البابا
بركة شفاعته تكون معانا امين
فى نهاية الاسكتش وقصة القديس البابا كيرلس على المخدوم ان يعرف من هو البابا كيرلس السادس وسيرته كاملة ونقوم بطرح مجموعه من الاسئلة على سيرة القديس وممكن فى نفس الوقت تحكوا ليهم عن بعض المعجزات اللى تمت بشفاعة البابا كيرلس لان ناس كتير جدا بتتشفع بيه وتطلب شفاعته فى كثير من دول العالم ولازم نعرف ان الشفاعة فى كنيستنا مهمة خالص وكل الاولاد يعرفوا قيمة الشفاعة عشان القديسين اللى فى السماء بيشعروا بينا وبيبقوا كمان مبسوطين اما نتشفع بيهم وهما بيصلوا عشاننا كمان فى السماء قدام ربنا يسوع المسيح وطبعا قصة البابا كيرلس حلوه جدا والمخدومين يعرفوا القصة من خلال الاسكتش عشان يكون المخدوم استوعب القصة بالكامل بركة القديس البابا كيرلس السادس تشملنا جميعا ولالهنا كل مجد من الان والى الابد امين .