اسكتش موكا والاغانى
اهداف الاسكتش :-
1- معرفة المخدوم بخطورة سماع الاغانى وتأثيرها عليه .
2- اهمية سماع الترانيم والالحان وحفظها وانها لغة الكنيسة والصلاة .
3- الطاعه وسماع كلام الخادم وبابا وماما فى المنزل .
4- محبة الاصدقاء وعدم عمل شئ بدون علم بابا وماما .
بداية ومقدمة الاسكتش :-
اسكتش
موكا والاغانى
للحد من خطورة الاغانى والمهرجانات على الاطفال اسكتش مهم جدا اسمه موكا
والاغانى طبعا كلنا عارفين ان الموضوع ده خصوصا بقى كتير جدا ان الطفل ممكن
يلاقى اخوه الكبير بييسمع الحاجات دى او فى الشارع او المحلات اللى بتحط
الاغانى دى فى اجهزه صب او الافراح او المواصلات العامة .
فالموضوع ده بقى
خطير جدا وخصوصا ان كل بيت بقى فيه تلفزيون ودش وانترنت ومممكن اطفال بيبقى
معاهم تليفونات محدش يقول ان الحاجات دى صغيره على الاطفال بالعكس الطفل
عايز يشوف ويعرف دلوقتى كل حاجه فياريت نخلى بالنا جدا ونفهم الاطفال
بالاشياء الايجابية .
الشخصيات التى يدور حولها الاسكتش :-
كوكى وموكا وروكا وتوكا .
بداية الاسكتش من هنا :-
موكا: هاااااى اصحابى كوكى وروكا وتوكا .
الاصحاب : ازيك يا موكا عامل ايه
فينك مش باين خالص كنت عيان ولا ايه احكيلنا مالك مش بتيجى مدارس الاحد ليه ؟
موكا : ياااه ياربى انتوا معرفتوش اللى حصلى ولا اى ؟
كوكى : خير مالك يا موكا فى ايه بس؟ احكيلنا احنا كنا جايين نزورك
النهارده عشان قلقنا عليك وانت صديقنا .
موكا : انتوا عارفين انا اتخبطت كم خبطه صعبين خالص مالص مالص.
كوكى وتوكا : من ايه كدا خييييييير ؟
موكا : الاسبوع اللى فات واللى قبله
دول كنت فى المستشفى وتعبان خالص خالص ومش عرفت اروح الامتحانات كمان .
الاصحاب : ليه كدا يا موكا بس كدا .
موكا :اممممممم حكيلكم اسمعوا بسس محدش يضحك عليا .
الاصحاب : ماشى محدش هيكلمك قووووووول بس بسرعه .
موكا : اصل اخويا الكبير عنده توكتوك وموتيسكل بيشتغل وانا بقف معاه وبيشغل
اغانى كدا بتخبط جامد خالص كدا وبشوف ناس بترقص وخلاص عليها وكمان انا بسمع الحاجات دى الاغانى دى ساعات فى البيت .
الاصحاب : ها وبعدين اى اللى حصل ؟
موكا : وبعدين كمان حاطط الاغانى دى على
التلفون بتاعه وانا بسمعها وبقيت برقص كدا وخلاص هههههه لحد ما تعبت من الرقص .
الاصحاب : ياااه ليه كدا بس يا موكا ؟
موكا : اسمعوا بس وبعدين فى يوم كدا اخويا حاطط التلفون بتاعه ومسكته كدا
وشغلتها ونزلت بيه فى الشارع من غير ما يعرف .
الاصحاب : يااااه ياربى ده غلط خالص يا موكا مينفعش ناخد حاجه من غير ما
نستاذن خالص مينفعش .
موكا : ايوه صح انا حرمت اعمل كدا خلاص.
الاصحاب : وبعدين حصل اى؟
موكا : وبعدين قعدت امشى فى الشارع وانا حاطط
التلفون فى ودنى وبسمع الاغانى دى وبتنطط وفجاه كدا ؟
الاصحاب : ايه ايه اللى حصل ؟
موكا : فجاه كدا بعدى الشارع جات عربيه خبطت فيها وقعدت
ابكى واصرخ خالص. الاصحاب : ياااااه حد يعمل كدا بردو يا موكا .
موكا : انا حرمت اسمع حاجات زى الاغانى خالص ومش هاخد اى حاجه تانى من حد
غير اما استاذن.
الاصحاب : وبعدين حصل اى؟
موكا : وبعدين رحت المستشفى وربطوا رجلى كدا ولسه طالع اهوو وبقيت كويس . الاصحاب : شفت بقى يا موكا عشان تعرف الاغانى دى والحاجت اللى بتخبط عالى
وصوتها عالى والمهرجانت اللى بيجبوها فى التلفزيون بتنسينا حجاات كتير.
موكا : ايوه صح انا كنت بسمع الاغانى دى ونسيت اصلى خالص او ازاكر وبابا
زعل منى بس انا حرمت خالص وبطلت خالص .
الاصحاب : ايوه كدا يا موكا برافو عليك.
موكا : ايوه بطلت عشان ابونا جالى فى البيت وقالى يا موكا متسمعش الحاجات
دى تانى ولازم تصلى احسن فى الصبح وبالليل وتقرى فى الانجيل وتروح الكنيسه .
وكمان لازم نحضر مدارس الاحد ومنعملش اى مشاكل .
الاصحاب : ايوه شفت ياموكا اللى حصلك اى اهو ربنا ساعدك وخلاك خفيت بسرعه
اهو عشان متعملش كدا تانى وتسمع الكلام كويس .
موكا : ايوه يا اصحابى ده انا كنت تعبان خالص وقعدت ابكى عشان ودانى وجعتنى
من صوت الحاجات دى وهسمع ترانيم احسن واصلى واروح الكنيسه بس كدا .
الاصحاب : ايوه كدا يا موكا الاغانى دى ولحاجات دى بتضيع الوقت مننا خالص . ومنعرفش نذاكر وبابا يسوع مش بيحب يشوفنا نسمع الحاجات دى عشان عايزنا
نسمع ترانيم ونحفظ الحان الكنيسه ونصلى علطول .
موكا : انا بعد كدا مش هعمل كدا تانى واواظب على الكنيسه واسمع فى البيت
اما اخلص مزاكره قناه كوجى الحلوه اللى بتجيب ترانيم احسن .
الاصحاب : ايوه كدا يا موكا برافو عليك وكمان تصلى ابانا الذى فى البيت ونقول لبابا وماما عشان يصلوا معاك وتسمع كلامهم علطلول ومتعملش حاجه من وراهم وكمان لازم نبطل نسمع الاغانى اللى بنشوفها فى التلفزيون والشارع .
موكا : ايوه صح انا هعمل كدا وهبطل اسمع الاغانى دى خالص واحفظ ترانيم والحان علطلول واروح الكنيسة ومدارس الاحد.
وهقول لاخويا متسمعش الاغانى دى بردو خالص عشان مش كويسه ونسمع ترانيم ونحفظ ايات فى الانجيل ونبقى حلوين خالص ونيجى مدارس الاحد ونحضر القداس ونتناول عشان ربنا يكون معانا دايما.
الاصحاب : ايوه صح برافو يا موكا شاطر خالص .
يلا بينا دلوقتى عشان ندخل الكنيسه
ونصلى ونحفظ الترنيمة يلا بينا .
نهاية الاسكتش على الخادم ما يلى :-
1- ان يسال المخدوم على ما خطورة الاغانى والتوضيح لخطورتها اكثر .
2- ان يعرف المخدوم خطورة هذه الاغانى عليه وعلى من يسمعها .
3- الطاعه والمحبة والصلاة وعدم فعل شئ بدون الاهل .