الحلقة الخامسة والسادسة من مسلسل اسكتش الاجبية واولادها
اسكتش مسلسل الاجبية واولادها الحلقة الخامسة
صلاة الغروب والنوم
اهمية صلاة الحادية عشر والثانية عشر .
- نتذكر فى صلاة الغروب نهاية اليوم وأن نكون فى حالة استعداد .
- نتذكر انزال جسد السيد المسيح من على الصليب .
- فى نهاية هذا اليوم نشكر الرب على نهايته ونعترف بخطايانا امامه .
يدخل شيكو وينادى على مرمر .
شيكو: يا مرمر يا مرمر فينك كدا ؟
مرمر : ايوه يا شيكو انا هنا بعمل اكل عشان جعانه .
شيكو : وانا كمان عايز ساندوتش عشان جعان كمان وتعال نقعد نشرب شاى فى البلكونه نشم شويه هواء يلا بسرعة .
يدخل شيكو لمرمر وتجهز شندوتش وكبايه شاي ويحط كرسيين يجلسون كانهم فى البلكونه ويبدأ الحديث مع بعض .
مرمر : ايه رايك يا شيكو فى الاكل ؟
شيكو : حلو خالص يا مرمر تسلم ايدك شكرا خالص على الساندوتش الصغنن وكوبايه الشاى انا مبسوط خالص بيهم .
مرمر : العفو يا شيكو انت اخويا ولازم نساعد بعض فى البيت .
وكمان يا اصحابى لما اخوك الصغير يكون عايز حاجه نعملها ليه ومش نزعق خالص ونخدم الناس ونقف ونساعد اخواتنا .
ياكل شيكو ومرمر ثم ينظرون كانهم بيبصوا على الشارع .
شيكو : يااه يا مرمر الساعه 6 داخلين على غروب الشمس دلوقت .
مرمر : ايوه صح يا شيكو هنعمل ايه طيب ؟
شيكو : بصى بصى كدا يا مرمر شايفه اللى هناك اللى ماشين مع بعض .
مرمر : فين يا شيكو ؟
شيكو : هناك اهو بصى كويس هتشوفى .
مرمر : ايوه دى ماما اجبية وياترى مين اللى ماشية معاها دى ؟
شيكو : ننادى عليهم يقعدوا معانا شويه ونصلى شويه .
مرمر : ايوه صح نادى يا شيكو بصوت عالى .
شيكو : يا ماما اجبيبة يا ماما اجبية انا شيكو .
تتحدث اجبية من داخل الستار .
اجبية: ايوه مين شيكو ازيك يا شيكو عامل ايه ؟
شيكو: نشكر ربنا كويسين تعالى اقعدوا معانا شويه انتى واللى معاكى دى عشان عايزين نصلى شويه واحنا كمان مبسوطين اننا شوفناكى .
اجبية : حاضر يا شيكو احنا جايين .
تخبط اجبية على الباب وتدخل .
شيكو : اتفضلى يا ماما اجبية انتى واللى معاكى .
اجبية : ازيكم يا اولادى دى بنتى غروب دلوقت معادها الساعه سته وهتحكى ليكم اكيد على كل حاجه ياريت تسمعوها .
مرمر : اومال فين اولادك الباقيين ؟
اجبية : دول كل واحد رايح يصلى فى حته وموجود منهم فى البيت .
ياترى فاكرين اولادى اللى قابلتوهم ولالا ؟
مرمر : اكيد يا ماما دول حبناهم خالص خالص .
اجبية : طيب ممكن نعمل مراجعه ليهم مع اصحابنا هنا ولا انتوا هتعملوا ايه ؟
مرمر : اكيد يلا يا حبايبى اول صلاة باكر دى بنصليها الصبح اول ما نصحى علطول وبنتذكر قيامة بابا يسوع من الاموات وبنشكر ربنا انه بدأ معانا يوم جديد .
شيكو : وتانى صلاة يا اصحابى صلاة الساعه الثالثه ودى بنصليها الساعه تسعه الصبح وبنتذكر محاكمة المسيح امام بيلاطس وكمان تذكار صعود المسيح للسماء واهم حاجه نتذكر حلول الروح القدس على التلاميذ .
اجبية : برافو وقابلتوا مين تانى ؟
مرمر : وبعد الساعه الثالثه بنصلى الساعه السادسه ودى ميعادها بيبقى الساعه 12 الظهر وبنتذكر اهم حاجه هى صلب السيد المسيح على الصليب .
شيكو : واخر حاجه اخدناها الساعه التاسعه ودى ميعادها الساعه ثلاثه العصر وبنتذكر فيها موت السيد المسيح على الصليب عشان خاطرنا .
اجبية : برافو يا اولادى خالص دى بقى بنتى اللى بعديهم الغروب وصلاة الغروب بتبقى الساعه سته وهتحكى ليكم على القصة كلها بتاعتها وهتعرفكم بنفسها همشى انا عشان رايحه مشوار بقى سلام يلا سلام .
تخرج اجبية ويستمر الحديث مع الباقى .
غروب: سلام يا ماما انا يا اصحابى صلاة الغروب بيصلوا بيا الساعه سته وقت غروب الشمس وطبعا ساعات الناس تصلى بيا مع اختى النوم يعنى نبقى مع بعض فى الصلاة كتير خالص يبقى صلاة الغروب والنوم وفى ناس تصلى بيا وباليل تصلى النوم اهم حاجه يا اصحابى ان الناس تصلى وتبقى فرحانه وبابا يسوع يبقى فرحان بيكم اما تصلوا .
مرمر : واحنا ليه بنصلى بيكى طيب يا غروب ؟
الغروب: احنا يا اصحابى بنصلى صلاة الغروب بنتذكر حاجتين مهمين خالص خالص .
شيكو : ايه هما بقى ممكن نعرفهم ؟
غروب: نتذكر إنزال السيد المسيح من على الصليب وكمان وقت الغروب نفتكر نهايه اليوم ونشكر ربنا انه حفظنا لحد اخر اليوم كويسين شوفتوا بقى حاجتين مهمين خالص خالص .
مرمر: ايوه صح دول حاجتين مهمين خالص ممكن تقوليهم لينا تانى يا غروب .
غروب : اكيد نتذكر إنزال السيد المسيح من على الصليب وكمان وقت الغروب نفتكر نهايه اليوم ونشكر ربنا انه حفظنا لحد اخر اليوم كويسين .
شيكو : طيب يا غروب احنا بنشوفك فى القداس ولالا ؟
الغروب :اكيد يا اصحابى بس مش كتير خالص بتبقى القداسات المتاخره فى النهار ودى بتبقى فى الصوم الكبير كل قداس ببقى موجوده اما الشمامسة بتلبس التوانى البيضة بنصلى صلوات الاجبية واخواتى بيبقوا موجودين معايا بنصلى فى الصوم الكبير الصبح طبعا باكر وبعد ما نلبس التوانى الثالثه والسادسه والتاسعه والغروب واختى النوم بتبقى موجوده كمان عشان دى قداسات متاخرة وصوم من الدرجة الاولى عشان ده طقس الكنيسة وتبقى قداسات حلوه خالص خالص .
شيكو : طبعا اكيد وباقى السنه بنصلى فى البيت بيكى عادى وبردو فى الكنيسة علطلول بس مش فى القداس صح ولالا ؟
الغروب: ايوه اكيد انا موجوده معاكم علطلول كل يوم فى الكنيسة والبيت والشارع بس طقس القداس ببقى موجوده فيه فى الصوم الكبير بس عشان ده طقس الكنيسة .
مرمر : ايوه فهمنا يا غروب وعرفنا عنك حاجات حلوه خالص .
الغروب : برافو عليكم لازم نتعلم الصلاة فى البيت ونشكر ربنا وانا صلواتى زى اخواتى حاجات كتير موجوده عندى صلاة الشكر والمزمور الخمسون ارحمنى يا الله ومزامير صغننه حلوه خالص وقطع صغننه وكيرليسون وكمان تحليل وختام الصلاة ارحمنا يا الله ثم ارحمنا وبس واكيد كلنا حافظين منها حاجات كتير .
شوفتوا صلاتى حلوه ازاى ايه رأيكم بقى ؟
مرمر : اكيد حلوه خالص لازم نتعلم الصلاة فى البيت والكنيسة ونحضر القداسات ونحترم الكنيسة ومنعملش هيصه خالص ومنتخانقش فى الكنيسة ولا ناكل شيبسى ولا اى حاجه عشان ببيتك يارب تليق القداسة .
غروب : ايوه صح برافو يا مرمر ياريت كل الناس تبقى كويسه كدا وتصلى ويحبوا بعض ومحدش يتخانق ونسامح كمان بعض ونحب الخير لكل واحد فينا .
يلا بقى همشى عشان ماما مستنيانى فى البيت ومش نتاخر .
يلا سلام يا اصحابى سلام .
مرمر وشيكو : سلام يا غروب
يخرج الجميع إلى الخارج وينتهى الفصل .
الحلقة السادسة من مسلسل اسكتش الاجبية واولادها .
عن تعريف وشرح صلوات الاجبية وتعريف المخدومين بأهمية الصلاة وصلوات الاجبية ممكم تعملوها اونلاين او فى الكنيسة فقرة افتتاحية فى مدارس الاحد .
الساعه الثانية عشر ( صلاة النوم ) .
يدخل شيكو ويفكر شوية .
شيكو : ياااه النهارده كان يوم مليان مذاكرة خالص خالص .
وانا بحب اذاكر دروسى كتير خالص عشان ابقى شاطر كدا زيكم وبحب اصحابى فى المدرسة والكنيسة ومش بتخانق مع حد خالص عشان كدا ببقى مبسوط اما بروح المدرسه
ده الساعه داخلة على 7 بالليل ياترى يا مرمر يا اختى فينك اتاخرتى ليه بره كدا ؟
تخبط مرمر على الباب
شيكو : مين بيخبط على الباب ؟
مرمر : انا مرمر يا شيكو افتح انا مرمر .
يفتح شيكو الباب بسرعه وتحدث معها .
مرمر : ازيك يا شيكو شوفت انا اهو جيت رحت الكنيسة وجيت بسرعه اهو متاخرتش وجايبه معايا حاجه حلوه خالص .
شيكو : ايه يا مرمر قولي بسرعه عايز اعرف .
مرمر : واحده من اولاد ماما اجبية يا ترى تعرفها ولالا ؟
يبدأ شيكو فى التفكير لبعض الوقت .
شيكو : امممم باكر ولا ثالثه ولا سادسه ولا تاسعه ولا غروب ؟
مرمر : امممم ولا حد من دول فكر بسرعه .
شيكو : ياااه حد من اولادها متقبلناش معاه قبل كدا ولا ايه ؟
مرمر : ايوه صلاة النوم اتفضلى اتفضلى يا صلاة النوم .
تدخل صلاة النوم
صلاة النوم : ازيكم يا اصحابى انتوا مش عارفينى ولا ايه ؟
شيكو ومرمر : لسه متعرفناش بيكى ياريت تحكيلنا عن نفسك يا صلاة النوم عشان عايزين نعرف عنك كل حاجه زى ما اتعرفنا على اخواتك .
صلاة النوم : انا يا حبايبى صلاة الساعه الثانية عشر يعنى صلاة النوم علطلول ببقى بعد صلاة الغروب وانا واختى صلاة الغروب بنكون مع بعض .
مرمر : حلو خالص طيب وانتى موجوده فى الاجبية ليه يا صلاة النوم؟
صلاة النوم : صلاة النوم يا اولادى فى الاجبية موجوده والصلاة دى بنتذكر فيها دفن السيد المسيح فى القبر بعد موته على الصليب وبردو صلاة النوم لازم نصليها قبل ما ننام حتى لو حاجات بسيطة .
مرمر : طيب احنا بنصلى امتى صلاة النوم كدا ؟
صلاة النوم : ممكن نصليها مع اختى صلاة الغروب مع بعض وبردو ممكن تصلوها بالليل الساعه سته او سبعه باليل اهم حاجه يا اصحابى نصلى صلاة النوم عشان حلوه خالص وفيها حجات كتير حلوه ونحفظها بسهوله .
شيكو : ممكن تقولى لينا موجود فيها ايه ؟
صلاة النوم : زى اخواتى بالظبط يبقى فيها صلاة الشكر عشان لازم اى صلاة او اى حاجه نشكر ربنا فيها وساعه ما نصحى من النوم نشكر ربنا وقبل ما ننام نشكر ربنا عشان حفظنا اليوم كله وبعدين المزمور الخمسون ارحمنى يا الله وبعدين مزامير سهله خالص وصغننه وانجيل صلاة النوم وقطع حلوه خالص .
وصلاة تانى عشان ربنا يحفظنا باليل اسمها تفضل يارب ان تحفظنا وممكن نقول قدوس الله وباقى صلواتنا وكيرليسون وتحليل صلاة النوم حلو خالص عشان ربنا يسامحنا على اى حاجه غلط عملناها وبعدين ختام كل صلاة ارحمنا يا الله ثم ارحمنا بس كدا .
يلا بقى قولولى اى رايكم ؟
مرمر : الله حلوه خالص خالص انا مبسوطة بالصلوات دى .
شيكو : بس احنا مش بنشوفك فى صلوات القداس كتير ليه يا صلاة النوم ؟
صلاة النوم : طبعا يا حبايبى صلوات القداس ليها طقس معين ونظام معين فى الاصوام والفطار يعنى اما الشمامسه تلبس التوانى البيضة فى القداس ويبدأوا يصلوا فى الاجبية صلاة السواعى احنا واختى الغروب مش بنبقى موجودين غير فى الصوم الكبير بس عشان ده قداساته بتبقى متاخره فنصلى فيهم مع اخواتى الغروب والنوم .
بس انتوا لو موجودين فى الكنيسة بالليل اجتماع او اى حاجه ممكن تصلوا عادى صلاة النوم او فى البيت او اى مكان تصلوا صلاة النوم عشان دى حلوه خالص خالص .
مرمر : انا حبيتك خالص يا صلاة النوم احنا هنصلى صلاة النوم كل يوم قبل ما ننام عشان نبقى حلوين ونشكر ربنا على حفظه لينا وكمان هنقعد هاديين فى القداس مش هنعمل هيصة خالص خالص ونسمع كلام الاستاذ فى مدارس الاحد ومش نتخانق فى التناول او فى الكنيسة خالص ونحترم بيت ربنا .
صلاة النوم : برافو يا حبايبى لازم نحترم الكنيسة عشان ده بيت ربنا وكمان ده للصلاة مش عشان نلعب فى الكنيسة ولا نهزر مع بعض احنا نحافظ كمان على نظافة الكنيسة ومنرميش ورق فى الكنيسة ولا اكياس شيبسى لو معانا حاجه نشيلها ونرميها فى الزبالة .
مرمر وشيكو : ايوه هنعمل كدا وهنبقى حلوين خالص خالص .
صلاة النوم : برافو برافو يلا بقى هسيبكم دلوقت عشان تروحوا تصلوا وتناموا وتصحوا بدرى عشان القداس ومدارس الاحد يلا باى باى .
شيكو ومرمر: باى باى .
يخرج الجميع وينتهى الاسكتش .
فى نهاية الاسكتش علينا ان نسأل المخدومين مدى الاستفادة من هذا الاسكتش ومعنى هذه الصلوات سواء صلاة الغروب او النوم وان الكنيسة دائما فى كل يوم تصلى صلاة الغروب والنوم على مدار السنة لنتذكر نهاية اليوم وأن نعمل اعمال صالحة ونتوب ونعترف وننتظر الرب يسوع المسيح .
وعلى كل مخدوم ان يهتم بالصلوات تلك التى تجعلنا نتعلم الصلاة سواء فى الكنيسة او البيت وان يأخذ تدريب بسيط يتعلم فى اهمية الصلاة من صلاة الغروب والنوم سواء مزمور بسيط او انجيل او ايه بسيطة على حسب المخدوم وسنه .
ويتعلم الجميع طريقة الصلاة واهميتها فى الكنيسة .
كذلك ان يعرف الطفل توقيتات الصلاة فى الكنيسة وطقسها بالنسبة لصلاة الغروب والنوم ومتى نصلى هذه الصلوات فى الكنيسة وخصوصا فى القداسات ؟ ومتى ونصلى فى البيت بهذه الصلوات ؟ وان يبدأ فى ترديد الصلاة فى البيت مع بابا وماما حتى يتعود على طريقة الصلاة لان مزامير الغروب والنوم من اسهل المزامير ويسهل حفظها مع التكرار .
اخيرا هذه الصلوات تعتبر اساس وتمهيد لنا لكى نعرف كيف نصلى لانها تعلمنا كيف الصلاة امام الرب الهنا ونشكره على كل الخيرات التى يقدمها لنا دائما .