الحلقة الثالثه والرابعة من مسلسل الاجبية واولادها
صلاة الساعه السادسه والتاسعة
اهمية صلاة الساعة السادسة والساعة التاسعة
ماذا نتعلم من هذه الصلاة ؟
- الهدف من الاسكتش التعريف بصلوات الاجبية واهميتها .
- نتذكر فى صلاة الساعة السادسة صلب الرب يسوع على الصليب .
- نطلب منه من خلال الامه المقدسه ان ينقذنا من الشهوات العالمية .
- موت المسيح فى الساعه التاسعه وان يميت شهواتنا الخاطئة .
- قبول توبة اللص اليمين ونطلب من الرب ان يقبل توبتنا .
مرمر : يا شيكو يا شيكو .
شيكو : ايوه يا مرمر انا هنا .
مرمر : بتعمل ايه بس يا شيكو ؟
شيكو : كنت باكل يا مرمر .
مرمر : يلا عشان نروح ميعادنا مع اجبية عشان النهارده هنقابل حد تانى مع اولادها وتحكى لينا عليهم ومش عايزين نتأخر يلا بينا .
شيكو : ايوه صح يلا بينا عشان نقابلهم دلوقت .
يخرج مرمر وشيكو بسرعة .
تدخل اجبية ومعاها الساعه السادسه .
يخبط شيكو ومرمر عليهم .
اجبية : مين اللى بيخبط علينا دلوقت ؟
شيكو : انا شيكو ومعايا مرمر .
اجبية : ايوه اهو احنا هنفتح ليهم افتحى ليهم يا الساعه السادسه .
الساعه السادسه : حاضر يا ماما اجبية .
شيكو : اهلا اهلا بس احنا مش نعرفك انتى مين ؟
الساعه السادسه : انا الساعه السادسه انتوا مش عارفينى ولا ايه ؟
شيكو ومرمر يدخلوا عليهم .
مرمر : لا لسه مش اتعرفنا عليكى خالص
اجبية : دى يا اصحابى الساعه السادسه بنتى حلوه خالص وموجوده عندى علطلول بعد باكر والثالثه وهتعرفكم اكيد على نفسها دلوقت .
شيكو : ايوه احنا عارفين صلاة باكر عشان قابلناها وكمان بنصلى بيها علطلول كل يوم وكمان قولنا لأصحابنا فى الكنيسة لازم تصلوا باكر كل يوم عشان حلوه خالص وبنحبها وكمان فيها مزامير حلوه خالص وقولتلهم بنصلى باكر الصبح اما نصحى عشان بنفتكر قيامة بابا يسوع من الموت.
صح يا اصحابى فاكرين ولالا ؟
مرمر : ايوه يا شيكو اكيد فاكرين وكمان قابلنا الساعه الثالثه اللى بعد باكر علطلول فى الاجبية
فاكر يا شيكو اما اتقابلنا معاهم ؟
شيكو : ايوه فاكراكيد مفيش حاجه بتتنسى .
مرمر : وكمان فاكر كنا بنصلى امتى الساعه الثالثه ؟
شيكو : ايوه بتبقى الساعه تسعه الصبح .
مرمر : ايوه صح عشان بنفتكر فيها محاكمة السيد المسيح امام بيلاطس وكمان نتذكر صعود السيد المسيح للسماء .
وكمان حاجه مهمه تانى نتذكر حلول الروح القدس على التلاميذ .
شيكو : ايوه صح يا مرمر باكر والثالثه حلوين خالص .
مرمر : بس احنا لسه معرفناش قصتك يا ساعه سادسه خالص ممكن تحكيلنا عنك عشان نتعرف بيكى وعايزين نعرف كل حاجه عنك .
الساعه السادسه : انا يا اصحابى موجوده مع ماما اجبية علطلول وبتلاقونى فى الاجبية بعد صلاة الساعه الثالثه كمان وموجوده علطلول معاكم فى الاجبية كل يوم .
شيكو : وايه تانى ممكن نعرف عنك حاجات تانى ولالا ؟
الساعه السادسه: انا موجوده فى الاجبية وميعادى كل يوم بتوقيتكم الساعه 12 الظهر. عارفين ليه ؟
مرمر : لا ممكن تقولي لينا وتحكيلنا .
الساعه السادسه: عشان فى الميعاد ده بابا يسوع اتصلب على الصليب ونتذكر صلب السيد المسيح وكمان موجوده صلوات كتير عندى حلوه خالص ومزامير حلوه خالص .
مرمر : حلوه خالص وموجوده فى كل قداس معانا يا ساعه سادسه ولالا ؟
الساعه السادسه : ايوه طبعا انا واخواتى باكر والثالثه والسادسه كل قداس كل يوم موجوده علطلول وكمان فى ناس بتصلى فى البيت الساعه السادسه وبتبقى مبسوطه خالص وبابا يسوع بيبقى مبسوط خالص بيهم .
شيكو : ايوه طيب وموجوده فى صلاة الساعه السادسه ايه تانى ؟
الساعه السادسه: اى حد بيصلى فى البيت ممكن يصلى فلنشكر صانع الخيرات والمزمور الخمسين ارحمنى يا الله كعظيم رحمتك اللى بيبقى موجود فى أول الاجبية .
وكمان مزامير حلوه وانجيل متى حلو خالص صغنن عندى وقطع حلوه خالص عن صلب السيد المسيح وكيرليسون وكمان التحليل وختام الصلاة ارحمنا يا الله ثم ارحمنا .
مرمر : حاجات حلوه خالص خالص يعنى انتى يا ساعه سادسه موجوده فى الاجبية عشان تذكار صلب السيد المسيح على الصليب صح كدا ؟
الساعه السادسه: ايوه صح برافو ياريت تقولوا لاصحابكم عن قصتى عشان يعرفوا ليه انا موجوده فى الاجبية ؟ وليه موجوده فى الوقت ده بالظبط ؟
شيكو : ايوه صح احنا اتعلمنا حاجات حلوه كتير خالص .
تدخل اجبية عليهم وهم يتحدثون .
اجبية : ايه رايكم يا اصحابى فى الساعه السادسه ؟
شيكو ومرمر : حلوه خالص واحنا اتعلمنا حاجات كتير منها واستفدنا .
مرمر : ايوه احنا عرفنا مكانها فى الاجبية وهنصلى بيها فى القداس علطلول كمان .
اجبية : ايوه برافو لازم تركزوا فى الصلاة فى القداس عشان تعرفوا بنصلى امتى الصلوات دى وكمان نحترم الصلاة ومش نتكلم اثناء الصلاة مع حد .
شيكو : ايوه صح احنا بنصلى فيها فى القداس بعد ما الشمامسة تلبس التوانى البيضة صح كدا ولا لا ؟
اجبية: ايوه برافو خالص وكل قداس بيصلوا علطلول كدا
شيكو : شكرا خالص يا اجبية والمره الجايه نقابل حد تانى من اولادك الحلوين ونتعلم صلاة تانى حلوه ونعرفها .
اجبية : ايوه يا اصحابى انا موجوده علطلول ولازم تتعملوا الصلاة بالاجبية وتتعلموا تصلوا فى الكنيسة والبيت كمان .
وتبقى معاكم اجبية خاصة بيكم فى البيت عشان تصلوا بيها وفيها مزامير حلوه خالص يلا بقى عشان تلحقوا تروحوا البيت .
شيكو ومرمر : يلا باى باى .
اجبية: باى باى .
اسكتش مسلسل اجبية واولادها الحلقة الرابعه
الاسكتش الساعه التاسعه
تنفع تتمثل عرايس وفقرة افتتاحية او فى الفصل واونلاين عشان الاطفال يتعرفوا على صلوات الاجبية وليه بنصليها ويتعودوا على الصلاة سواء فى البيت او الكنيسة .
يدق جرس التلفون وتدخل الساعه التاسعه ترد .
الساعه التاسعه : ايوه مين مين عايزينى ؟
صوت شيكو من التيلفون من الداخل كأنه من التليفون
شيكو : ايوه انا شيكو ماما اجبية معاى ولا مين ؟
الساعه التاسعه : لا انا الساعه التاسعه مين انت ؟
شيكو : ايوه يا اساعه التاسعه انا شيكو واصحابي باكر والثالثه والسادسه وكنا جايين نهارده عشان نتعرف عليكى بسرعة .
انتى قاعده فى البيت دلوقت ؟
الساعه التاسعه : ايوه يا شيكو انا افتكرت ماما اجبية قالتلى هيجى واحد اسمه شيكو ومرمر يتعرفوا عليكى استنيهم عرفتكم ايوه تعالوا بسرعة .
شيكو : ايوه صح احنا جايين دلوقت .
الساعه التاسعه : طيب انا هنتظركم متتاخروش .
شيكو : حاضر يلا سلام
تغلق التليفون الساعه التاسعه وتخرج
تدخل الساعه التاسعه وتكلم نفسها
الساعه التاسعه : ياااه الساعه ثلاثه العصر دلوقت اتاخروا ليهم شكل المواصلات صعبه والجو حر خالص بره انا لازم استناهم بردو .
يدق الباب ويسمع صوت من الخارج .
الساعه التاسعه : ايوه انا جاى اهو انا جاى .
تفتح ويدخل شيكو ومرمر ويبدأ الحديث .
الساعه التاسعه : اهلا اهلا انت شيكو ومرمر صح ؟
مرمر : ايوه برافو يا ساعه تاسعه احنا جايين فى ميعادنا ولا ايه ؟
الساعه التاسعه : ايوه صح ميعادكم بالظبط انا ميعادى فى الاجبية الساعه ثلاثه العصر بالظبط برافو عليكم انتوا باين عليكم شاطرين خالص .
شيكو : طيب احنا عايزين نتعرف عليكى عشان نستفاد اكتر ممكن تحكيلنا على نفسك شويه عشان نستفاد اكتر ونتعلم بردو .
الساعه التاسعه : اكيد انا بس هفكركم باخواتى الصغار باكر والثالثه والسادسه عشان دول اخواتى وانا بحبهم خالص مالص مالص .
شيكو : اه طبعا لازم نحب بعض ومش نتخانق خالص فى اى مكان صح صح ؟
الساعه التاسعه : ايوه اكيد طبعا لازم نحب بعض كتير ونصلى من اجل بعض وكمان نحترم بعض وبلاش نعمل مشاكل ونتخانق كل شوية هحكيلكم بقى .
فاكرين اخواتى اول حاجه طبعا باكر فى اول الاجبية بنصلى الصبح وبنفتكر قيامة السيد المسيح وبنصليها الصبح اول ما نصحى من النوم عشان نشكر ربنا على بدايه يوم جديد وحلو وانه واخد باله مننا .صح ولا ايه يا اولاد ؟ يلا عايزه اسمعكم .
يرد الأولاد فى مدارس الاحد
الساعه التاسعه وبعدين اختى الساعه الثالثه دى بنصليها الساعه تسعه الصبح وبنفتكر ثلاث حاجات فاكرهم يا شيكو ولالا ؟
شيكو : ايوه طبعا فاكرهم اول حاجه بنتذكر محاكمة السيد المسيح امام بيلاطس وثانى حاجه بنتذكر صعود السيد المسيح الى السماء والحاجه المهمة خالص فيهم هى حلول الروح القدس على التلاميذ .
الساعه التاسعه : برافو يا شيكو صح كدا وبعدين اختى الساعه السادسه بردو بنصلي بيها الساعه ال 12 الظهر عارفين بنتذكر ايه قوليلى يا مرمر .
مرمر : ايوه ده فيها حدث مهم خالص بنفتكر ونتذكر صلب بابا يسوع على الصليب عشان خاطرنا ومن اجل خلاصنا .
الساعه التاسعه : ايوه صح برافو وانا الساعه التاسعه بعد اختى الساعه السادسه فى الاجبية علطلول وفى حاجات حلوه خالص خالص عندى بردو .
شيكو : طيب ممكن نعرفها بردو ولالا ؟
الساعه التاسعه : اكيد انا ميعادى فى الاجبية الساعه ثلاثه العصر عارفين فى الوقت ده بنتذكر ايه فكروا كدا عارفين ولالا ؟
شيكو : لا ممكن تقولي لينا عشان احنا لسه مش عارفين .
الساعه التاسعه : بنتذكر موت السيد المسيح على الصليب وكله ده عشان خاطرنا ومن اجل خلاصنا عشان نرجع ليه ونبقى كويسين .
شيكو : ايوه صح السيد المسيح اتحمل حاجات كتير عشان خاطرنا .
الساعه التاسعه : وكمان انا فى الكنيسة ليا مواعيد مختلفة فى القداسات ومش بقابل اخواتى كتير فى القداس وده يا أولادى طقس الكنيسة .
شيكو : ياااه طيب ممكن نعرف ازاى ؟
الساعه التاسعه : هقولكم يا حبايبى انا فى اى صوم فى الكنيسة فى القداس لازم يصلوا الساعه التاسعه مع اخواتى باكر والثالثه والسادسه يعنى اى صوم ببقى موجود مع اخواتى صوم الاربع والجمعه وصوم الميلاد والصوم الكبير وصوم الرسل وصوم العذراء واى يوم بيبقى فيه صوم ببقى موجوده فى القداس مع اخواتى .
بس ممكن تصلوا فى البيت عادى فى ميعادى فى اى يوم انا بتكلم على القداس قبل تقديم الحمل اما الشمامسة بتلبس التوانى البيضة بنصلى صلوات الثالثه والسادسه والتاسعه بس انا ببقى مع اخواتى فى الصوم لكن ايام الفطار بيصلوا الثالثه والسادسه بس فى القداس . فهمتوا يا حبايبى الحاجات دى ؟
شيكو : ايوه فهمنا يعنى كل يوم بنصلى الساعه التاسعه فى ميعادها سواء فى البيت او الشارع او الشغل او المدرسه او اى مكان عادى بس وقت القداس فى الكنيسة فى مواعيد الاصوام فى الكنيسة بنصلى بيكى بس صح كدا ؟
الساعة التاسعه : ايوه برافو وانا فى صلاتى موجوده صلوات كتير ومزامير حلوه زى اخواتى وايات من انجيل لوقا صغنن وقطع حلوه خالص وبردو بنصلى كيريلسون والتحليل وختام كل ساعه ارحمنا يا الله ثم ارحمنا .
مرمر : الله حاجات حلوه خالص ان احنا فى الساعه التاسعه بنتذكر موت السيد المسيح عشان خاطرنا على الصليب وفدانا واحنا لازم نبقى كويسين .
شيكو : احنا استفدنا كتير خالص منك النهارده .
الساعه التاسعه: يلا بقى هسيبكم دلوقت عشان تروحوا البيت ومتنسوش تصلوا قبل النوم واما تصحوا وقبل الاكل بردو حتى لو هترشم الصليب عشان الاكل يتبارك ونحب بعض كلنا زى ما انا بحب اخواتى ومنعملش هيصه فى الكنيسة وقت القداس ومدارس الاحد عشان بابا يسوع بيبقى وسطينا وبيبقى مبسوط خالص اما نبقى هاديين .
مرمر وشيكو: حاضر هنسمع كلامك وهنصلى ونبقى هاديين بردو فى الكنيسة يلا بقى هنمشى دلوقت عشان اتاخرنا .
الساعه التاسعه: يلا سلام يا اصحابى سلام .
شيكو ومرمر : يلا سلام سلام
ننظر فى نهاية المسرحية اهمية صلاة الساعه السادسة والتاسعه فى الكنيسة ودى اهتمام الكنيسة بهذه الصلوات فى القداسات .
والكثير من المسيحيين لا يعرفون اشياء كثيرة عن الصلوات فعلينا ان نهتم دائما بالصلاة والمزامير الموجودة بها والانجيل والقطع تدل على مدى اهمية كل ساعه ونتذكر فى كل وقت امامنا الهنا القدوس وعلى كل مخدوم ان يعرف توقيت الصلاة فى القداس ومواعيدها من ناحية اخرى ولازم المخدوم يعرف طقس كل صلاة .
متى نصلى هذه الصلاة فى الكنيسة اثناء القداس ؟
متى نصلى بها فى المنزل ؟
كل هذه الاشياء علي كل مخدوم ان يعرف المعلومات وان يحفظ اجزاء من صلوات السواعى حتى لو كانت سهله وبسيطة هذه الصلوات تعرفنا كيف نصلى للرب يسوع
ومحبة الرب تدخل فى قلوبنا اكثر عندما نصلى هذه الصلوات ونتذكر الامه المقدسة من اجلنا نحن الخطاة وموته على الصليب لكى يحيينا ويقيمنا معه فى السماء .