اسكتش مسلسل الاجبية واولادها
صلوات الاجبية فى الكنيسة
اسكتش مسلسل جديد عبارة عن 7 حلقات
اهمية صلاة باكر وصلاة الساعه الثالثة .
- صلاة باكر تصلى الساعه السادسة صباحا عند الاستيقاظ .
- عند ظهور النور الحقيقى وهو الهنا الصالح .
- نشكر الرب انه اقامنا ليوم جديد من سبات النوم .
- نتذكر فى الثالثه حلول الروح القدس على التلاميذ .
- محاكمة الرب يسوع وايضا نتذكر صعوده الى السماوات .
(شيكو ومرمر والاجبية واولادها ) .
قصة صلوات الاجبية ويتعلموا الاطفال يصلوا بيها مناسب لمراحل ابتدائى جارى
الحلقة الأولى ماما اجبية وابنها باكر .
ينفع فقرة افتتاحية فى مدارس الاحد وممكن عرايس او اونلاين وممكن تضيفوا عليه على حسب امكانياتكم ويمكن تقديمه بطرق عديدة .
اسكتش مسلسل اخوات الاجبية عن صلوات السواعى
شيكو ومرمر والسبع اخوات باكر والثالثه والسادسه والتاسعه والغروب والنوم ونصف الليل واهمية الصلاة فى الكنيسة والبيت وكل مكان .
تدخل مرمر وتنادى على شيكو .
مرمر : يا شيكو يا شيكو
شيكو : ايوه يا مرمر انا هنا
مرمر : فينك يا شيكو ؟ يلا عايزين نصلى وعندنا ميعاد مع الاجبية وهتحكيلنا على اولادها كلهم يلا يا شيكو بسرعة مش عايزين نتأخر .
شيكو : يمكن نايمين دلوقت طيب عشان لسه احنا فى الصبح .
مرمر : لا تعال بس نروح نشوفهم يلا بينا عشان مش نتاخر .
شيكو: يلا بينا تعالى نروح وخلاص .
يخرج شيكو ومرمر
يدخل شيكو ومرمر ويجد سبعه اشخاص نايمين
شيكو : شايفه يا مرمر اللى نايمين دول مالهم كدا ؟
مرمر : شكلهم نايمين متاخرين باليل .
شيكو : ايه ده يا مرمر مين اللى جاى علينا كدا بصى .
مرمر : مش عارفه ده جاى هنا نشوفه مين .
تدخل الاجبية عليهم .
الاجبية : ازيكم يا اولادى عاملين ايه ؟
مرمر و شيكو : كويسين مين حضرتك ؟ احنا مش بنعرفك .
الاجبية : انا الاجبية انتوا مش عارفينى ولا ايه ؟ دول اولادى اللى نايمين باكر والثالثه والسادسه والتاسعه والغروب والنوم ونصف الليل واحفادى اولاد نصف الليل عندها ثلاث اولاد الخدمة الأولى والخدمة الثانيه والخدمة الثالثه .
مرمر : وانتى بتعملى ايه هنا يا اجبية ؟
الاجبية : انتوا مش عارفينى يا اولاد انا علطلول معاكم كل يوم انا واولادى علطلول علطلول ودايما بتلاقينى فى كل قت فى البيت والشارع والكنيسة واى مكان حتى دلوقت موجوده فى تليفونات عند ناس كتير .
مرمر : امممممم طيب ممكن اعرف بتعملوا ايه فى االاماكن دى ؟
الاجبية : احنا من زمان خالص ودايما بتصلى بيا فى القداس وفى البيت وفى كل وقت واولادى دول بيحبوا الكنيسه خالص وموجودين دايما وكل وقت الناس بتصلى بيهم .
وانا اللى اخليكم بتتعلموا الصلاة اما تعرفوا اوقات الصلاة وتصلى مزامير وقطع وانجيل ازاى عشان كل حاجه موجوده عندى واخدينها من الانجيل عشان كلنا بنحب بابا يسوع خالص ودايما كل مراحل الحياه احنا موجودين .
شيكو : طيب واولادك دول بيعملوا ايه يا اجبية ؟
الاجبية : اولادى دول حلوين خالص بيمشوا معاكم علطلول فى اليوم .
الاجبية : اى ده الساعه كام دلوقت ؟
شيكو : الساعه 6 الصبح .
الاجبية: ياااه ده ميعاد ابنى باكر تعالوا نصحوه من النوم نايم كتير امبارح .
الاجبية : يا باكر يا باكر اصحى بقى كفايه نوم .
باكر : ياااه اتصحونى ليه دلوقت سيبونى نايم شويه .
الاجبية : اصحى بقى يا باكر معانا ضيوف .
باكر : اهو صحيت ازيكم يا اصحابى عاملين ايه ؟
شيكو ومرمر : ازيك يا باكر انت ميعادك دلوقت ولا ايه ؟
باكر : ايوه يا اصحابى انا ميعادى كل يوم الساعه 6 الصبح وكل الناس تصحى من النوم تلاقينى معاها علطلول ساعات بصحى براحتى يعنى ممكن 7 الصبح حسب كل واحد وظروفه بس احسن حاجه اما الواحد يصحى من النوم ويصحينى معاه عشان انا بكون فى بدايه اليوم ولازم نتعلم نصلى باكر كل يوم يا اصحابى عشان بنشكر ربنا دايما فى بداية كل يوم على حبه لينا وانه سترنا وحفظنا واحنا نايمين طول الليل .
مرمر: وبتعمل ايه يا باكر فى اليوم ؟
باكر : انا ماما الاجبية حطانى اول صلاة عندها ودايما بكون فى اول حاجه عندها عشان ببقى بدرى عشان الناس تتذكر قيامة بابا يسوع من بين الاموات باكر يوم الاحد وانا بحب اصحى بدرى واخلى الناس تصلى الصبح .
مرمر : طيب وايه اللى معاك ده يا باكر ؟
باكر : شايفين انا علطلول معايا الناس تصلى ابانا الذى وصلاة الشكر والمزمور الخمسون ارحمنى يالله كعظيم رحمتك اللى بعد صلاة الشكر علطول وموجود فى كل صلاة كمان . ومزامير وانجيل صغنن من بشارة يوحنا وقطع مخصوصه ليا وبعدين باقى الصلوات فلنسبح مع الملائكة وقدوس الله والسلام لكى ومقدمة قانون الايمان وقانون الايمان وكيرليسون وفيه تحليل والختام ارحمنا يالله ثم ارحمنا وخلاص .
وطبعا فى ناس حفظانى حفظ من غير اى حاجه عشان بيصلوا دايما صلاة باكر فتلاقيهم حفظوا الصلاة من كتر التكرار ودايما بكون معاهم فى الكنيسة او البيت او الشارع او الشغل اى مكان الناس عايزانى تلاقينى الصبح وفى اى وقت موجود بس انا ميعادى الصبح علطلول عشان اما الناس تصحى تصلى علطول باكر .
مرمر : برافو يا باكر انت شاطر خالص خالص واحنا مبسوطين خالص بيك .
باكر : ايوه طبعا عشان انا واخواتى بنحب بابا يسوع وهو موجود دايما معانا عشان كدا بقول لكل الناس هنا مينفعش متصلوش من غيرى كل يوم لازم تبدأوا بيا كل يوم عشان تتعودوا على الصلاة وتحفظوها كمان .
شيكو : يعنى موجود دايما يا باكر معانا ولا ايوه ؟
باكر : ايوه ماما بتحبنا خالص وبتقولنا اى حد عايزكم تروحوا معاه علطلول عشان كدا لازم تتعلموا تصلوا بيا عشان تبدأوا يوم حلو خالص قبل ما تروحوا المدرسه او تعملوا اى حاجه لازم نشكر ربنا كتير خالص خالص عشان بيبقى مبسوط بابا يسوع اما الناس تصلى بيا كتير والملايكه تبقى فرحانه كمان .
مرمر : ايوه يا شيكو احنا لازم نخلى باكر معانا علطلول مينفعش نسيبه خالص خالص .
شيكو : ايوه طبعا ده مهم خالص كل ما نصحى من النوم نصحيك يا باكر يعنى متزعلش .
باكر : لا خالص انا بحبكم خالص كتير اما تصلوا باكر الصبح وببقى مبسوط عشان انتوا بتصلوا لربنا من خلالى والصبح بنشكر ربنا انه عدى اليوم بخير وسلام ونمنا كويس من غير ما نشوف اى حاجه وحشه فلازم نشكر ربنا .
مرمر : ايوه صح انا هصلى باكر كل يوم بعد كدا مش هنبطل ابدا ابدا ابدا ودايما كل يوم بعد ما اصحى اصلى على اد ما اقدر .
باكر : برافو يا مرمر انا موجود علطلول معاكم فى مزامير معايا كتير على اد ما تقدروا صلوا بيهم وسهلين خالص وصغننيين وبحبهم خالص فلازم نتعلم نصلى باكر كل يوم
مرمر وشيكو : صح يا باكر احنا مبسوطين خالص خالص .
الاجبية : برافو يا مرمر وشيكو اولادى بقى لسه نايمين بكره تعالوا الصبح تانى ونشوف واحد تانى منهم يحكى ليكم قصته ماشى .
مرمر وشيكو : ماشى حاضر احنا هنسيبكم دلوقتى .
باكر : استنوا استنوا .
شيكو : ايه تانى فى حاجه ولا ايه ؟
باكر : نسيتوا تاخدونى معاكم دلوقت وتبدأوا اليوم بيا .
مرمر وشيكو : ايوه صح احنا فى أول اليوم .
باكر: يلا عشان تبدأوا بيا اول اليوم وتصلوا صلاة باكر .
يبدا صلاة باكر مبسطه خالص للاطفال حسب الوقت .
وبعد الانتهاء يبدأ الحديث مع بعض مرة اخرى .
مرمر وشيكو : الله حلوه خالص صلاة باكر دى احنا مش هنسيبك خالص خالص يا باكر وهنيجى ناخدك كل يوم من الاجبية ونصلى علطلول صلاة باكرفى الصبح .
الاجبية: احنا موجودين علطلول معاكم علطلول .
يلا بقى نسيب اولادى نايمين شويه ونصحيهم كدا بكره اما تيجوا تانى بكره ونعرفكم بيهم
شيكو : خلاص ماشى يلا بقى نمشى دلوقت عشان نروح الكنيسة ونحضر القداس يلا باى باى ربنا معاكم .
الاجبية وباكر : يلا باى باى .
الحلقة الثانيه من مسلسل اسكتش الاجبيه واولادها
اسكتش تعليمى هدفه معرفة المخدومين بصلوات الكنيسة وليه بنصليها وامتى ممكن تمثلوها فى الكنيسة او عرايس او اونلاين او فقرة افتتاحية فى مدارس الاحد مسموح اضافه او حذف حسب الوقت المناسب ليكم .
بداية صلاة الساعه الثالثة .
تدخل مرمر وتنادى على شيكو .
مرمر: يا شيكو يا شيكو يلا بقى هنتاخر على ميعادنا .
شيكو : ايوه يا مرمر انا جاى اهو الساعه كام دلوقت ؟
مرمر : يلا يا شيكو الساعه قربت على تسعه الصبح .
وعايزين نلحق نشوف اجبيه واولادها عاملين اى النهاردة .
شيكو : ايوه صح النهارده ميعادنا معاهم مرة تانى فاكره يا مرمر المرة اللى فاتت قابلنا مين من اولاد اجبيه فاكر ولالا ؟
مرمر : ايوه طبعا قابلنا باكر وده حلو خالص وانا من ساعة من مشينا من عندهم كل يوم بصحى الصبح اصلى صلاة باكر زى ما قالت لينا اجبيه دى صلاه حلوه خالص خالص
وفيها مزامير حلوه وبنقول فيها حاجات كتير . انت كمان يا شيكو بتصليها ولالا ؟
شيكو: ايوه طبعا كل يوم بصليها دلوقتى وببقى مبسوط خالص وانا بصليها عشان ربنا بيبقى معاى وسامعنى وفيها صلوات حلوه خالص خالص .
مرمر : برافو يا شيكو عشان كدا يا اصحابى لازم نتعلم ازاى نصلى فى البيت من الاجبية حتى لو حاجات صغننه وبعدين نزود صلاتنا شويه بشويه اهم حاجه نصحى الصبح للزم نصلى عشان ربنا بيبقى مبسوط بينا اكتر اما نصلى .
شيكو : يلا بقى يا مرمر عشان نشوف اجبيه واولادها مين هيقابلنا النهارده .
مرمر : ايوه صح يلا بينا .
يخرج مرمر وشيكو
يدخل اجبيه ومعاها بنتها الثالثه ويخبط عليهم مرمر وشيكو
مرمر وشيكو يخبط على الباب
اجبية : ايوه ايوه انا جاى هفتح اهو .
مرمر : ازيك يا اجبية عاملين ايه واولادك عاملين ايه اوعى نكون اتاخرنا عليكم النهارده.
اجبية : لا انتوا جايين فى ميعادكم بالظبط نهارده دلوقت الساعه تسعه الصبح وهتقابلوا الساعه الثالثه وهتبقوا مبسوطين خالص معاها هى لسه صاحيه اهى وقاعده هناك .
مرمر : ايوه يلا يا شيكو تعال بسرعة .
شيكو ومرمر : انتى الساعه الثالثه ولا احنا غلطنا ؟
الساعه الثالثه : ايوه يا اصحابى انا صلاة الساعة الثالثة
ازيكم عاملين ايه ؟
انا مبسوطه خالص خالص انكم جيتم دلوقت عشان تقعدوا معايا انا وماما .
شيكو : طيب احنا منعرفش حاجه عنك خالص ممكن تحكيلنا عنك شويه .
الساعه الثالثه : اكيد يا اصحابى انا اسمى الساعه الثالثه .
وانا بتقابلنى بتوقيتكم الساعه تسعه الصبح زى ما جيتوا فى ميعادكم دلوقت بالظبط وكنت مستنياكم تيجوا عشان اعرفكم بنفسى .
شيكو : ايوه صح احنا دخلنا عندكم الساعه تسعه الصبح .
الساعه الثالثه : وانا علطلول موجود مع ماما اجبية بعد صلاة باكر علطلول اخويا الكبير اول واحد فى الاجبية اكيد عارفينه صح ؟
مرمر : ايوه ده صلاة باكر معانا علطلول دلوقت كل يوم نصحى الصبح نبدأ بيه وبنبقى مبسوطين خالص خالص .
الساعه الثالثه : ايوه وانا علطلول بعديه فى الاجبية بعد ما تخلص صلاة باكر تلاقينى انا موجوده وعدى صلوات حلوه خالص كمان .
مرمر : طيب انتى ليه موجوده فى الساعه دى والوقت ده ؟ ممكن تفهمينا عشان احنا مش عارفين ليه موجوده الساعه تسعه الصبح عشان مش عارفين احنا .
الساعه الثالثه : اكيد يا اصحابى انا احكيلكم على كل حاجه اكيد انا فى الساعه دى الناس فى الكنيسة او البيت او اى مكان تصلى الساعه الثالثه بتفتكر ثلاث حاجات .
مرمر وشيكو : ثلاث حاجات يعنى ايه ؟
الساعه الثالثه : يعنى الكنيسة وضعت صلاة الساعه الثالثه عشان تتذكر وتفتكر ثلاث حاجات هقولكم ايه هما .
اول حاجه بنصلى الساعه الثالثه عشان تذكار السيد المسيح امام بيلاطس البنطى اكيد فاكرين صح ولالا ؟
مرمر : ايوه اما بيلاطس البنطى الوالى كان بيحاكم بابا يسوع وكان واقف قدامه .
الساعه الثالثه : ايوه صح برافو عليكم .
شيكو : طيب ثانى حاجه ايه ؟
الساعه الثالثه : تانى حاجه يا اصحابى بنصلى الساعه الثالثه فيها بنتذكر ونفتكر تذكار صعود السيد المسيح للسماء .
شيكو : ايوه اما اخذ التلاميذ عند الجبل وصعد السماء صح كدا؟
الساعه الثالثه : ايوه صح برافو عليكم شاطرين .
مرمر : طيب وثالث حاجه ايه ؟
الساعه الثالثه: ثالث حاجه يا اصحابى وهى مهمه خالص خالص ومشهوره فى الساعه دى هى تذكار حلول الروح القدس على التلاميذ فى الساعه الثالثه يعنى تسعه الصبح .
مرمر : ايوه صح واحنا فى قطع الصلاة اللى بعد الانجيل فى صلاة الساعه الثالثه بنفتكر حلول الروح القدس على التلاميذ فى الساعه الثالثة .
الساعه الثالثه : ايوه برافو وطبعا انا فى صلاة بتاعتى حاجات حلوه كتير زى باكر كدا .
مرمر : يعنى ايه ؟
الساعه الثالثه : يعنى بنقول ابانا الذى وبعدين صلاة الشكر فلنشكر صانع الخيرات والمزمور الخمسين ارحمنى يالله كعظيم رحمتك و بعدين المزامير بتاعتى صلاة الساعه الثالثه والانجيل والقطع وكيرليسون والتحليل والختام .
وممكن نضيف عليهم بردو قدوس الله والسلام لكى ونعظمك وبالحقيقة نؤمن حسب الوقت بتاعكم اهم حاجه ان احنا نصليها بردو وناخد بركة حلوه .
مرمر: ايوه ده حلو خالص ممكن تقولي لينا تانى ليه بنصلى الساعه الثالثه ؟
عشان نسينا لو سمحتى وعشان نحفظهم مع بعض .
الساعه الثالثه مع الاولاد فاكرين يا حبايبى نقولهم تانى مع بعض .
اول حاجه تذكار محاكمة السيد المسيح امام بيلاطس .
ثانى حاجه تذكار صعود السيد المسيح للسماء .
ثالث حاجه حلول الروح القدس على التلاميذ يوم الخمسين .
مرمر : ايوه صح فهمتهم خلاص شكرا خالص احنا مبسوطين انك معانا نهارده وعرفنا عنك حاجات كتير خالص .
الساعه الثالثه: وحاجه تانى بردو فى القداس علطلول كل قداس لازم يصلوا الساعه الثالثه مع اخواتى بردو حسب طقس الكنيسة ومقسمينا طبعا فى الصوم والفطار بس انا علطلول صوم او فطار انا واختى السادسه موجودين علطلول كل يوم فى القداس .
مرمر : ايوه معلومه حلوه خالص يعنى هنشوفكم فى كل قداس ولا ايه ؟
الساعه الثالثه : ايوه اكيد علطلول وكمان فى ناس بتصلى فى البيت بيا او اى مكان فى اى وقت حسب الظروف بتاعت كل واحد بياخدوا بركة كبيره خالص .
مرمر : شكرا خالص احنا اتعلمنا منك حاجات كتير يا ساعه الثالثه ولينا معاد تانى مع الساعه السادسه المره الجايه .
تدخل اجبية مرة تانى
اجبية : ايوه يا حبايبى اتعلمتوا من الساعه الثالثه ولالا ؟
مرمر وشيكو: ايوه حاجات كتيراتعلمناها شكرا خالص .
اجبية : برافو عليكم لازم نتعلم نصلى علطلول فى الاجبية واما نروح الكنيسة فى القداس نركز فى الصلاة ونسمع كلام ربنا ومش نتخانق ونزق بعض وقت التناول عشان بابا يسوع والملايكه بيكونوا معانا وبيبقوا مبسوطين اما نكون هاديين ومش نعمل دوشه .
مرمر : حاضر يا اجبية هنحترم اكيد الكنيسة .
اجبية : يلا بقى عشان مش تتأخروا وتروحوا البيت .
مرمر وشيكو : حاضر يلا باى باى يا اصحابى نتقابل المرة الجايه باى .
عندما ننظر الى الاسكتش نجد اهمية هذه الصلاة لنا فى بداية يوم جديد نرى الرب يسوع فى حياتنا ونشكره على الخيرات التى قدمها لنا طول اليوم السابق وايام حياتنا .
وهو النور الحقيقى الذى ينير عقولنا وقلوبنا وافهامنا دائما محبة الرب تنسكب فى قلوبنا .
وباكر من اسمها هى فى الصباح الباكر كل مخدوم يجب ان يتعلم الصلاة فى الصباح حتى لو ايات بسيطة تعبيرا وشكرا لله الذى يقودنا فى موكب نصرته وبداية يوم وحياة جديدة .
والساعه الثالثة ايضا فى بداية اليوم وتكون الساعه التاسعة صباحا فعلى الخدام اي يوضح كل منهم توقيات الصلاة للمخدومين فى القداس وفى البيت للتعليم لهم .
علينا ان نصل فى النهاية لاهمية الصلاة بالاجيبة لكى نتعلم الصلاة من خلالها .