الحلقة الاخيرة من مسلسل اسكتش صلوات الاجبية واولادها
الاجبية واهميتها فى الكنيسة
التعريف بصلوات الاجبية
اهميتها فى البيت والكنيسة تنفع عرايس او اونلاين او فقرة افتتاحية فى مدارس الاحد .
1- الصلاة بالمنزل واهميتها وكيفية التعود على الصلاة .
2- اهمية الاجبية ولماذا نصلى بها .
3- التعريف بصلوات الاجبية وعن كل صلاة والقراءت والانجيل والمزامير .
صلاة نصف الليل الثلاث خدمات .
يدخل شيكو ومرمر كأنهم داخلين الكنيسة ويسجدوا ثلاث سجدات قدام المذبح ويصلوا ابانا الذى فى السموات ثم يبدأ الحديث بينهم .
شيكو : ازيكم يا اصحابى انتوا عارفين انا فين النهارده .
انا النهارده فى الكنيسة عشان كدا انا دخلت الكنيسة بهدوء ولازم اما ادخل الكنيسة مش اعمل هيصة ولا اجرى ولازم كمان ادخل اسجد قدام الهيكل وارشم الصليب واصلى ابانا الذى فى السموات واقعد فى هدوء ومش اتحرك كل شوية من مكانى .
كمان النهارده عندنا سهره باليل كدا وهنقعد فى الكنيسة لحد الصبح كمان وهنعمل قداس بس لسه هنبدأ الساعه 12 بالليل بالظبط ونصلى .
مرمر : ايوه صح يا شيكو لازم نحترم بيت ربنا ومش نعمل اى هيصة خالص .
شيكو : بصى يا مرمر شايفه مين اللى قاعد هناك وجاى علينا .
مرمر : ياااه دى ماما اجبية ومعاها ثلاثة من اولادها .
شيكو : ايوه بس دول مش نعرفهم تعالى نروح نشوفهم قبل ما نبدأ الصلاة .
مرمر : ازيك يا ماما اجبية عاملين ايه ؟
اجبية : كويسين يا مرمر ازيك انتى وازيك يا شيكو .
شيكو : نشكر ربنا احنا كويسين ومين اللى معاكى دول يا ماما اجبية ؟
وجايين ليه الوقت ده ؟ عايزين نعرف كل حاجه .
اجبية : دول اولادى الثلاثه اسمهم مع بعض نصف الليل وكل واحده منهم ليها صلاة خاصة دى اسمها الخدمة الأولى ودى اسمها الخدمة الثانية ودى اسمها الخدمة الثالثه .
شيكو : بس يعنى ايه صلاة نصف الليل ؟
اجبية : دى يا اولادى صلاة من صلوات الكنيسة فى الاجبية موجوده اسمها صلاة نصف الليل ودى طبعا بنفتكر ونخلى بالنا ونتذكر المجئ الثانى للسيد المسيح عشان دى بتتكلم على المجى الثانى اللى بابا يسوع اتكلم عنه فطبعا المقصود بيها اننا نبقى على طول اولاد كويسين ونتوب ونعمل حاجات خير وحلوه ونتناول ونصلى علطلول .
وطبعا صلاة نصف الليل دى بتتقسم لثلاث خدمات زى ما قولنا .
الخدمة الاولى والخدمة الثانيه والخدمة الثالثه .
عارفين ليه ثلاثة ؟
شيكو : لا ممكن تحكى لينا .
اجبية : بتتقسم صلاة نصف الليل لثلاث خدمات عشان زى صلاة السيد المسيح فى بستان جثيمانى وطبعا بنتعلم من الصلاة حاجات كتير .
شيكو : ايوه صح احنا بنحب الصلاة خالص خالص .
اجبية : هقدم ليكم او صلاة صلاة الخدمة الاولى من نصف الليل .
الخدمة الاولى : ازيكم يا اصحابى انا اول صلاة فى نصف الليل وطبعا زى اخواتى بنبدأ بصلاة الشكر والمزمور الخمسون ارحمنى يا الله كعظيم رحمتك .
وطبعا معايا مزامير كتير والانجيل بتاعى عن العذارى الحكيمات اللى كانوا سهرانين وحلوين منتظرين العريس عشان يمكن يجى فجأه عليهم فلازم يكونوا مستعدين . والمقصود بالسهر يا حبايبى مش يعنى نتأخر فى الليل ومش ننام لا طبعا المقصود بيها اننا نبقى علطلول حلوين ونتوب ومش نعمل حاجه وحشه خالص ونتناول علطلول ونسمع الدرس فى مدارس الاحد ونحترم الكنيسة .
وكمان بنصلى قطع حلوه خالص وكيرليسون والتحليل والختام واللى جنبى دى اختى الخدمة الثانيه تعالى عرفيهم بنفسك يلا بسرعه .
الخدمة الثانية : ازيكم يا اصحابى انا زى اختى الخدمة الاول ممكن يصلوها مع اختى او لوحديها يعنى صلاة الشكر والمزمور الخمسين ارحمنى يا الله ومزاميرى الحلوه وايات من الانجيل وقطع وكيرليسون وتحليل وختام الصلاة ارحمنا يا الله ثم ارحمنا ودى اختى
الخدمة الثالثة زى ما انتوا شايفين وكمان هتعرفكم بنفسها .
الخدمة الثالثه: ازيكم يا اصحابى انا صلاة الخدمة الثالثة و زى اخواتى بالظبط ممكن يصلوا الثلاث خدمات مع بعض او ممكن كل واحده لوحديها يعنى نبدأ بصلاة الشكر والمزمور الخمسون ومزامير حلوه عندى وايات حلوه من الانجيل وقطع تتصلى حلوه بتاعتى وبعدين كيرليسون والختام .
اجبية : شوفتوا يا اصحابى اولادى حلوين ازاى لازم نتعلم الصلاة يا اولادى ونتعلم اننا نحب الصلاة عشان هى دى اللى هتوصلنا للسماء ونقرى فى الانجيل ونتعلم كمان اهم حاجه اننا نحترم الكنيسة ومنتخانقش فى الكنيسة ومش نعمل هيصة وقت القداس ونحب بعض ونسمع الدرس فى مدارس الاحد .
وكمان فى البيت نسمع كلام بابا وماما ومش نزعق خالص ونذاكر دروسنا فى المدارس عشان نبقى حلوين ونحترم الاكبر منا كمان .
شيكو ومرمر : اكيد يا ماما اجبية احنا استفدنا حاجات كتيره خالص منكم شكرا خالص خالص هنسيبكم دلوقت عشان رايحين نبدأ الصلاة يلا سلام .
اجبية : يلا يا اولاد سلام سلام .
فى نهاية الاسكتش ان يقوم كل خادم بعمل جدول بسيط للمخدومين عن الصلاة بالاجبية وان يبدا كل مخدوم بالصلاة بها فى المنزل بدايات بسيطة مثل صلاة باكر والنوم او حسب امكاينات كل مخدوم بحيث تصبح هذه الصلوات دئما مع الاطفال ويستمروا بها ويعرفوا اهمية كل صلاة .
وان يتعلم الطفل الفرق بين كل صلاة وتوقيت كل صلاة والصلوات فى الاجبية فى الكنيسة فى القداس فلنجعل هذه الصلوات كرائحة بخور امام عرش المسيح
اذكرونا فى صلاتكم .
نجد فى صلاة نصف الليل تقسيمات الثلاث خدمات والتى من الخدمة الاولى حتى الخدمة الثالثة وكل خدمة من الخدمات لها توقيت معين والكنيسة وضعت هذه الخدمات والصلوات للتذكير دائما بالصلاة فى اوقات الهزيع .
كما ذكر الرب يسوع فى انجيل لوقا واذا جاء فى الهزيع الاول او الثانى يجدهم ساهرين فالسهر هنا من اجل انتظار الرب يسوع لانه فى اى وقت يأتى رب البيت يجدهم مستعدين. ونحن نتذكر ذلك عالمين ان الرب يسوع يأتى ليجدنا مستعدين للقائه وهنا تنقسم هذه الصلوات الى الخدمة الاولى ونتذكر فيها فى انجيل متى قصة العذارى الحكيمات وايضا الجاهلات ومن ثم ينتظرون قدوم العريس .
واذا جاء العريس فى يجدهم منتظرين وليس كالجاهلات اللتين مصابيهحن انطفت ولم يجدن زيت لمصابيحهن فعلينا ان يعرف الطفل والمخدوم بأهمية الاستعداد للقاء الرب مثل التلميذ الذى يستعد للامتحان المفاجئ فعليه ان يجتهد ويذاكر ويتعب ويسهر من اجل هذا الامتحان الذى ربما يأتى فجأة فى اى يوم ولذلك يكون فى حالة استعداد دائما .
ونجد فى صلاة الخدمة الثانية وخاصة فى انجيل الخدمة الثانية قصة سمعان والمرأة الخاطئة التى دهنت بالطيب قدمى الرب يسوع واحب الرب يسوع المسيح كثيرا .
لذلك من اجل محبتها قالها لها السيد المسيح مغفورة لكى خطاياكى وهنا المحبة الكثيرة من اجل جميع الناس يجب ان يكون درسنا ومحبة الرب من كل الفكر والقلب والعقل ومحبة القريب كالنفس هى اساس مسيحيتنا فعلينا ان نخدم الرب بكل محبة من داخلنا ويكون المخدوم يعرف اهمية المحبة للجميع وعدم التفريق بين شخص واخر .
والخدمة الثالثة نجد ربنا يقول لا تخف ايها القطيع الصغير وهنا عدم الخوف من اى شئ مهما حصل حتى لو فى الهزيع الاخير الرب يسوع يجعلنا مطمئنين وان لا نخاف مهما كانت الاسباب والظروف الاطمئنان فى كل شئ طالما الرب الهنا معنا .
علينا ان نجعل كل مخدوم ان يحفظ اجزاء من هذه الصلوات حتى لو بسيطة لكى يعرف قيمة الصلاة فى كل ساعة وان الكنيسة جعلت هذه الصوات من اجلنا وان نرفع قلوبنا الى الله لكى يقبل صلواتنا فى كل حين .