اسكتش التنمر والمحبة القوية
المحبة الباذلة
لا للتنمر نعم للمحبة
يدخل الاستاذ مينا ومريم طفلة فى مدارس الاحد الى المسرح .
مينا : ازيك يا مريم عاملة ايه ؟ وبابا وماما عاملين ايه ؟
مريم : كويسين يا مينا . وانت عامل ايه ؟
مينا : نشكر ربنا انا كويس يا مريم
مينا : مالك يا مريم مكنتيش فى مدارس الاحد ليه امبارح ؟ انا استنيت تيجى مكنتيش خالص
وكمان محضرتيش القداس ليه كمان ؟ ممكن اعرف كنتى فين كدا ؟
مريم : اصل يا استاذ مينا انا انا ( تتحدث بتردد )
مينا : مالك بس يا مريم انا زى اخوكى الكبير وكمان انا استاذك فى مدارس الاحد والمفروض تحكيلى
مريم : اصل يا استاذ انا اتخانقت مع صاحبى بيشوى وصاحبتى سارة كمان ومش بحب اقعد معاهم خالص دلوقت .
مينا : ليه كدا بس يا مريم ؟ دول اصحابك المفروض انتى تلعبى معاهم وهما معاكى كمان ونحب بعض
مريم : اصل يا استاذ دايما بيشفونى بيهزروا بطريقة مش حلوه ويقعدوا يقولوا عليا مريم القصيرة اهى اهى .
مينا : لا يا مريم اكيد هما مش يقصدوا يتريقوا عليكى وهما بيحبوكى كمان وانا عارف كدا
مريم : لا يا استاذ محدش فيهم بيحترمنى كدا وكلام ده يزعلنى كمان .
مينا : خلاص يا مريم انا هستناكى الاسبوع الجاى فى مدارس الاحد وهنشوف الموضوع ده كمان .
مريم : بس يا استاذ
مينا : اسمعى كلام استاذك يا مريم وقولى حاضر انا هستناكى الاسبوع الجاى .
مريم : حاضر يا استاذ انا جاية الاسبوع الجاى بس محدش يتريق عليا .
مينا : اكيد يا مريم متقلقيش خالص انا هشوف الموضوع ده كمان ونتصالح ونبقى اصحاب حلوين .
مريم : خلاص تمام يا استاذ مينا انا هستنى الاسبوع الجاى وهاجى .
مينا : تمام يلا سلام دلوقت وخلى بالك من نفسك .
مريم : حاضرسلام سلام .
يخرج مينا ومريم من المسرح ويغلق الستار
يدخل بيشوى وسارة المسرح لوحديهم
بيشوى : ازيك يا سارة النهارده كان قداس حلو خالص وكمان ادينا هنحضر مدارس الاحد دلوقت .
سارة : ايوه كان قداس حلو خالص
بيشوى : شوفتى الراجل ابو شعر منعكش فى القداس هههههههه
سارة : مين ده يا بيشو ؟
بيشوى : عم عوكل ههههههه
سارة : عوكل مين عوكل ده ؟
بيشوى : يووه معرفاش عوكل مين قصدى عم نشأت الراجل العجوز ده هههههههه
سارة : ااه عم نشأت اللى بيقعد جنب الحيطة عند الباب قصدك ده ؟
بيشوى : ايوه احنا بنقول عليه عم عوكل هههههههههههه .
سارة : ماله يعنى عم نشأت ؟
بيشوى : الصبح وانا داخل اخدت منه العصايا وجريت راح هو اتزحلق وقعدنا نضحك عليه
سارة : يا حرام ليه كدا يا بيشوى تعمل فى الناس كدا ؟
بيشوى: بنضحك شويه يا سارة مليناش نفس نضحك ولا ايه
سارة : ماشى يا عم براحتك خالص
بيشوى : شايفه مين اللى جايه هناك دى مريم اللى غابت الاسبوع اللى فات
سارة : اه صح مريم ومعاها الاستاذ مينا جايين عشان مدارس الاحد هتبدأ
بيشوى : ثوانى هعمل حاجه هخليهم يضحكوا عليها .
سارة : بلاش يا بيشوى عشان مدارس الاحد وممكن تزعل بلاش .
بيشوى : انا هخرج اجيب حاجه من فوق واجى بسرعه .
سارة : هتجيب ايه متتاخرش طيب عشان مدارس الاحد هتبدأ .
يخرج بيشوى ويدخل الاستاذ مينا ومريم
الاستاذ مينا : ازيك يا سارة عاملة ايه ؟
سارة : نشكر ربنا يا استاذ مينا انا كويسه
سارة : ازيك يا مريم عاملة ايه ؟ انا اسفة لو كنتى زعلتى منى المرة اللى فاتت انا بحبك خالص وقعدت مع ابونا اعترفت كمان وقولتله قالى مينفعش نتريق على حد ولازم نحب بعض كتيرخالص وقالى لازم تروحى تعتذرى لمريم يا سارة .
مريم : شكرا يا سارة خالص انا بحبك كمان
الاستاذ مينا : لازم يا اولاد نحب بعض ومينفعش نتريق على بعض ولازم نحترم بعض كويس انك اعتذرتى يا سارة لمريم عشان انا كنت هقولك روحى اعتذرى ليها
سارة : ايوه طبعا يا استاذ انا عرفت غلطى ولازم اعتذر لمريم صاحبتى ولازم نحب بعض ونسامح بعض .
يدخل ماركو بسرعه مخضوض .
ماركو : يا استاذ مينا الحقنا يا استاذ مينا
استاذ مينا : مالك يا ماركو فيه ايه ؟
ماركو : بيشوى اللى معاكم فى الفصل كان طالع فوق كدا وبعدين وهو نازل تحت اتزحلقت رجله واتعورت واتخبطت خبطة جامدة شوية وعما يبكى فوق جامد وقالى عايز الاستاذ مينا بسرعه .
الاستاذ مينا : حاضر يا ماركو انا جاى اهو تعالى يا مريم ويا سارة نشوف بيشو ماله .
يخرج الجميع ويدخل الاستاذ مينا وسارة ومريم وبيشوى واقع على الارض وماسك رجله ويبكى .
بيشوى : اه اه اه رجلى بتموتنى خالص اه يا ريت ما كنت طلعت فوق .
الاستاذ مينا : مالك يا بيشوى ايه اللى حصل ؟
بيشوى : وانا نازل يا استاذ وقعت على رجلى اتخبطت خبطة كبيره ووجعانى خالص .
الاستاذ مينا : وانت طلعت ليه يا بيشوى فوق مش مكانك انت تحت فى مدارس الاحد .
بيشوى : اصل يا استاذ اصل
الاستاذ مينا : احكيلى بقى انت اى اللى حصل بأمانه عشان انا عرفت كل حاجه .
بيشوى : عرفت ازاى ؟
الاستاذ مينا : لازم تحكيلى انت بقى عشان تعتذر لكل واحد هنا .
بيشوى : اصل انا كنت هضحك الناس على مريم وهى جايه وكنت بتريق عليها وبقولها يا قصيرة .
الاستاذ مينا : وبعدين احكيلى .
بيشوى : وبعدين انا كمان اتريقت على عم نشأت واخدت منه العصايا وجريت وضحكت عليه الناس وكنت كل ما قابله بقوله يا عم عوكل وطلعت فوق عشان اعمل نكت فى مريم واخلي العيال تضحك عليها .
الاستاذ مينا : طيب وانت شايف اى اللى حصلك دلوقت ؟
بيشوى : ايوه انا تعبان خالص خالص
الاستاذ مينا: لازم يا بيشوى تحب اصحابك وتحترم الكبير مينفعش نتريق على حد عشان احنا نتمثل بربنا وكل الناس خليقة ربنا ومينفعش نقول على اى حد كلام غلط احنا كلنا بنحب بعض .
بيشوى : ايوه صح انا اسف يا مريم انى اتريقت عليكى ومش هعمل كدا تانى انتى صاحبتى اكيد وانا بحترمك دلوقت ومينفعش اقول عليكى اى كلام غلط خالص سامحينى وكمان هعتذر لعم نشأت ومش هعمل كدا تانى .
مريم : خلاص يا بيشوى انا هسامحك عشان انت زى اخويا ولازم نحب ونحترم بعض ومينفعش نقول على بعض كلام غلط خالص كلنا اخوات فى المسيح .
الاستاذ بيشوى : ايوه كدا يا اصحابى لازم نحترم اى حد فى الكنيسة فى الشارع او البيت او اى مكان نروح فيه لازم نساعد الكبير لو محتاج مساعدة فى الكنيسة ونساعد اخوتنا فى اى مكان مينفعش نقول لبعض اى كلام وحش .
بيشوى : خلاص يا اصحابى انا حرمت اعمل كدا بعد الوقعه دى انا هبقى كويس وهحترم كل الناس .
وكمان هروح لحد عم نشأت وهساعده واقوله انا اسف وهعترف لابونا فى الكنيسة بكل حاجه كمان .
الاستاذ مينا : شاطرين يا اصحابى يلا بقى ناخد درس مدارس الاحد هنا .
فاكرين الدرس الاسبوع اللى فات كان على ايه طبعا عن قصة الشهيد اسطفانوس اول الشهداء شوفتوا ازاى رجموه وكان بيقول لربنا يسامحهم وازاى بالرغم انهم ضربوه ورجموه بس هو كان بيحبهم عشان كدا لازم احنا كمان نحب بعض ونسامح بعض ومينفعش نعمل مشاكل فى اى مكان ونحترم كمان بيت ربنا عشان ربنا بيحبنا كلنا .
يلا بقى هنبدا الدرس بتاع النهارده ويخرج الجميع .