اسكتش توتا وشجرة الكريسماس و بابا نويل

 اسكتش توتا وشجرة الكريسماس مع بابا نويل

اسكتش مناسب لرأس السنة مرحلة ابتدائى الهدف منه معرفة اهمية بداية السنة وقصة بابا نويل وشجرة الكريسماس والعطاء ومحبة الاخرين .

الشخصيات : عم كومبيش / فانتس \ شجرة الكريسماس \ توتا \ بابا نويل  .

تبداء المسرحية بموسيقى ترانيم للتوضيح .

عم كومبيش: ازيكم يا اصحابى عاملين اية  انتم وحشتونى قوى انتم فاكرينى طب انا اسمى اية ( كوكش المهرج ) ههههههههه  .
فانتس: بس بس استنا انت نسيت اسمك يا عم كومبيش وله اية ؟
عم كومبيش: انا كومبيش المهرج اضحك ال بيتفرج عليا هههههه واصحصح النعسان واشجع الغلبان وانت اسمك ايه  ؟
فانتس: انت نسيت اسم صاحبك انا اسمى فانتس  .
عم كومبيش: فأنتا تفاح هههههههههههههههه .
فانتس: اية رأيك لما نلعب شوية مع صحابنا يا عم كومبيش يلأ اعملوا داوئر كتير .

  ويبداء عم كومبيش وفانتس يلعبوا مع الاطفال .

عم كومبيش: يلا بقى نقعد بسرعة علشان هقولكم على مفأجاة وحجات حلوة كتيررررة هنشوفها دلوقتى يلا نقعد بسرعة .

  وبعد ماتقعد الاطفال يبدأ الحديث .

فانتس: عارفين يا اصحابى احنا عاملين لية حفلة النهاردة عارفين ليه ولالا .

هقولكم انا ليه علشان بنحتفل براس السنة يعنى بداية سنة جديدة  happy new year  وفى كل سنة جديدة بنشوف فيها مين يلا قولوا بقى  (مين فاكر) فاكرين بنشوفة فى اول السنة الجديدة .... (صح بابا نويل ) 
عم كومبيش: بس قبل ما كلنا نشوف بابا نويل فية ناس تانية جايين انهارده يحتفلوا ويلعبوا ويضحكوا معانا عارفين مين ؟ خليها مفاجاة هنعرفها اخر الحفلة .
عم كومبيش: يجرى ويطنطيط شوفوا انا بحب اضحك كتير هههههه وبحب اعيط كتير اهيه اهيه اهيه اهيه اهيه اى رأيكم فى عياطى ؟
فانتس: ايه يا عم كومبيش انت قلبتها حزن ليه 

( هيزق عم كومبيش فى كتفه وعم كومبيش هيزوقوا ويتخانقوا ويضربوا بعض ثم عم كومبيش يقع على الارض و يقول اه قلبى بوم )

+ تشتغل ترنيمة انا قلبى بوم بوم مع الحركات والاطفال يجروا ويعملوا حركات مع عم فرحان وفانتس .
عم كومبيش: كل سنة وانت طيبين انتم وحشتونى الحبة دول انا مبسوط اوى وانتم مبسوطين واننا مع بعض كمان .
فانتس: وانا كمان تيجى نجرى ونلعب شوية مع بعض يلا هيا هيا 
عم كومبيش: تعالوا نركب القطر كلنا نقف فى مكانا جاهزين تووووت تووووت تووووت يالة هنشوف القطر هيقف فين 
فانتس: بس هوب هنا عند حديقة الحيوان 
عم كومبيش وفانتس يقعدوا الاطفال ويبداءوا يقلدوا الاصوات صوت عصفورة وصوت خروف وصوت بقرة وصوت اسد .. الخ 
فانتس: احنا تعبنا قووى بس فرحانيين قووى معاكم 
عم كومبيش:عارفين انا نفسى اقول اية .. اقول اية .. اقول اية .. عايز افتكر .. افتكرت

 ( بحركات تتضحك الاطفال جدا ) 

عايز اقول ان بابا يسوع بيحبينا .. ( يسوع بيحبينى)

+ تشتغل ترنيمة ( ربى يسوع بيحبينى مع الحركات والاطفال يجروا ويعملوا حركات مع عم فرحان وفانتس ) .

عم كومبيش: دا انا بحب الترانيم قوى عارفين لية علشان بنقول بيها كلام ربنا اللى بيحبنا وبيفرحنا دائما وكلنا لازم نقول مع بعض كمان الترانيم الحلوه دى .
فانتس: زى ما احنا عارفين اننا بنحتفل النهاردة براس السنة يعنى بداية سنة جديدة وزى كل سنة بنشوف فيها حد بنحبة قوى قوى عارفينه مين اكيد هو ( بابا نويل ) 
عم كومبيش: بابا نويل دا راجل عجوز عجوز ( ويعمل حركات رجل عجوز ) وكبير فى السن .. السن.. السن.. سنسونا ههههههههههههه ( مع حركات مضحكة لاطفال) وكمان لية دقنة طويلة وقد كداااا (بالحركات)
عم كومبيش: على فكرة ان اعرف اعمل بابا نويل ( موجة كلامة للاطفال ) شوفونى كدا وانا بعمل بابا نويل .
ازززيكم يااا اصحابى .. عاااملين اية .. انااا انااا بابا نوويل الى بيحبكم هههههههه..  انا لى اسم تانى اه اسمى قولادوس 
لا لا لا اسم تانى اللى غير بابا نويل اسمى نيقولاوس صح يا فانتس يوووو... انا .... بابا نويل ...

(فانتس يزق عم كومبيش ويبداء يتكلم هو )

فانتس: احكيلكم بقى حكايتى انا بحب الفقراء وبعطيف على المساكين ودائما بحيب معايا لاطفال بجيبلهم هدايا  وحاجات حلوة ... اقولكم لما يجى بابا نويل هو بقى يحكلكم حكاياته احسن عشان تسمعوها كلها منه .
فانتس: يجرى ويطنطط هو وعم كومبيش وبحيب كل الاطفال ارفعوا ايدك لفوق نزل ايدك لتحت نط 3 نطاط ..1و2و3.... تحبوا بقى تشوفوا المفاجأة الثانية.. عارفين اية هى ... تعالوا هندخل شوية مع بعض وبعد كدة هنشوف النفاجأة ..يلا بينا .

(يدخل عم كومبيش وفانتس ).

المشهد الثانى 

تفتح الستار على طفلة نايمة وشجرة الكريسماس واقفة .

توتا: ناايمة حزينة .
توتا: ياااة دة يوم جميل اوى اوى بس انا مضايقة علشان كان نفسى يكون عندى شجرة كريسماس عشان بحبها كتير خالص .

الشجرة تبتدئ تتحرك مع الموسيقى . وثم تبص حوليها

الشجرة : اية دا..انا في .. واية اللى جبنى هنا…. افتكرى كدا يا شجراية ..اية اللى جابك هنا.. ومين اللى نايمة .. دى طفلة جميلة... هى مالها كدا شكلها .
زعلانة.. ياترى زعلانة من اية  ...وباستغراب انا فى اية وبقول اية انا فين وتبص لنفسها اية دا ..اية الحاجات الحلوة اللى راكبا فيا دية جرس وكور صغيرة وحلوة وشكل بابا
نويل كمان  على صغير خالص.

وتمسك شكل بابا نويل .

الشجرة : انا بحبك قوى يا بابا نويل  انا شجرة الكريسماس انت مش فاكرينى انا عارفة انك مش بتنسى حد واكيد فاكرنى طبعا .

وتبتدى الطفلة توتا تقوم من النوم  .

الشجرة: اية دا الطفلة الجميلة بتصحى يلا  اجرى واروح اقف مكانى .

(وتقف الشجرة مكانها تصحى الطفلة ) 

توتا: (تصحى ) النهاردة لازم ابتدية اليوم فى الكلام مع بابا يسوع. 

الطفلة بتصلى وترشم الصليب .

توتا : اشكرك يا بابا يسوع لانك دائما معايا ومحافظ عليا ومش بتسبنى ابدأ .

 بس انا نفسى واحنا فى بداية السنة نفسى اروح الكنيسة اشوف بابا نويل انا بحب بابا نويل قوى لانة قديس وعارفة انة بيحب كل المساكين والفقراء وبيعطف عليهم وانا مسكينة وفقيرة ومعندناش فلوس نجيب حتى شجرة .

وكمان انا نفسى يا بابا يسوع ان فى كل بداية سنة نجيب شجرة ازوقها زى اصحابى 

( تفضل توتا رافعة ايديها لربنا مع كلام غير صوت ) .

شجرة الكريسماس: ( تحرك نفسها وتنادى )  يا توتا انا موجوده هنا يا توتا انتى مش شايفنى  انا شجرة الكريسماس بصى كدا .
توتا: اية الصوت دا ( شجرة الكريسماس ) وهى واقفة الصوت ده جاى منين 
الشجرة: توتا يا توتا يا طفلة يا جميلة انا هنا انا هنا 
توتا: مين  اية دا  انا مش مصدقة  شجرة الكريسماس عندى فى البيت انا مبسوطة قوى قوى مش مصدقة نفسى خالص خالص .
الشجرة: وانا كمان مبسوطة لانى موجودة هنا معاكى .
توتا: ممكن اسلم عليكى واتصور معاكى .
الشجرة : طبعا وتعملى كل اللى انتى عاوزة .
توتا: قوللى يا شجرة الكريسماس انتى جيتى هنا ازاى .
الشجرة : مش عارفة مش فاكرة.
توتا: اصلى مش معقول انتى جيت لوحدك كدا اكيد حد جابك هنا علشان ابقى مبسوطة وفرحانة فى بداية السنة زى ما كل الناس بتبقى فرحانه .
الشجرة: افتكرت ايوة افتكرت يا توتا.
 توتا: هياااااااااااااا .. افتكرتى افتكرتى اية ؟
الشجرة: افتكرت ان ........... خلاص نسيت .
توتا: ههههههههههه  نسيتى بسرعة كدا طب قوللى يعنى اية شجرة الكريسماس.
الشجرة: شجرة الكريسماس يعنى شجرة الميلاد .. ميلاد بابا يسوع 
توتا: ميلاد بابا يسوع .
الشجرة: هو عيد ميلاد بابا يسوع قرب خلاص وعلشان كدا الناس بتحبنى وبتعلق فيا حاجات الحلوة ده وتبقى مبسوطة خالص خالص .
توتا: دا انا مبسوطة وفرحانة قوى انك معايا هنا فى البيت .. علشان تفرحينى زى ما بابا يسوع فرحنا بميلاده .
شجرة : انا خلاص افتكرت وعرفت مين الى جايبنى هنا ( وتجرى تتنطط)
توتا: بجد طب قوللى بسرعة بسرعة .
شجرة: انا كنت فى محل بيبع كل الاشجار اللى الناس بتشتريها وانا فاكرة انى كنت واقفة مع باقى الاشجار الكريسماس اصحابى وفى الوقت دا راجل جميل قوى ودقنة بيضة خالص ولابس احمر فى احمر وماسك فى ايدة شنطة كبيرة قوى باين عليها مليانة هدايا.
توتا: واحد دقنة بيضة طويلة وكبيرة ولابس احمر فى احمر هوووووو ايوة هو الى نفسى اشوفة هو بابا نويل .
شجرة: بابا نويل صح يا توتا هو اللى اشترانى وجابنى هنا علشان تبقى مبسوطة وفرحانة فى السنة الجديدة .
توتا: انا نفسى اشوف بابا نويل قووى اسلم علية ويقولى كل سنة وانتى طيبة يا توتا ويكون معاة هدايا جميلة نفسى بجد اشوفه واسلم عليه كتير خالص .
الشجرة : هو اكيد جاى يا توتا هو بيحب كل الاطفال ده قديس عظيم.
توتا : بجد هايجى هياااااااااا بابا نويل احنا فاكرينك انا فرحانة اوى اوى .

 ( وتشتغل ترانيمة لبابا نويل مع استعراض لشجرة مع توتا ) 

المشهد الثالث

(يدخل بابا نويل مع الموسيقى )

بابا نويل: مارى كريسماس ... مارى كريسماس ...
merry Christmas and happy new year 
كل سنة وانتم طيبين .. happy new year يا اطفالى الحلويين 
توتا: بابا نويل اهو يا شجراية انا شايقة اهو 
الشجرة: اهو جة ومعاة هدايا كتير.
توتا: يا بابا نويل يا بابا نويل .. انا اسمى توتا و انا مبسوطة قوى انى شوفتيك وبسلم عليك ده كانت امنيتى فى السنة الجديدة بابا نويل: دانا اللى مبسوط يا توتا انى شوفتك وشوفت كل اطفالى الحلويين دول.
الشجرة: ممكن يا بابا نويل نعرف منك حكاياتك الجميلة ولية دائما بتجينا فى بداية سنة وتيدنا هدايا كتيررررر.
بابا نويل: انا اتولد فى مدينة مورا من اب وام كانوا اغنيا اوى اوى وعندهم فلوس كتير .. وماكانش عندهم ولاد خالص لحد مكبروا فى السن .. فضلوا يصلوا لحد ما ربنا اداهم ولد اللى هو انا ... ربونى احسن تربية وعلمونى فى الكنيسة وكنت بحيب الكنيسة وكنت شاطر اوى .. ولما كبرت وبقا عندى 16 سنة بابا وماما راحوا السماء بعد كده فضلت متمسك بخدمتى والكنيسة لحد مكبرت واترسمت اسقف على مدينتى مورا
توتا: طيب يا بابا نويل حكاية اللون الاحمر ده اللى انت دايما بتلبسه .
بابا نويل : زماااان كان الاسقف بيلبس عباية لونها احمر ومن هنا بقا لبسى لونة احمر وكمان كان فى رسام رسم لى صورة بالشكل ده لابس طرطور احمر وبدلة حمراء ودقنى بيضة طويلة ومن ساعتها بقا دة شكلى المعروف عن بابا نويل .
الشجرة: يا بابا نويل هو انت اسمك بابا نويل ولة سانت كلوز ؟؟! (باستغراب شديد )
بابا نويل : ههههههههه انا هقولك يا شجرة انا اسمى الاصلى نيكولاس وجه منها اسم كلوز بمعنى قديس 
يبقى اسمى سانت كلوز " القديس "
اما بابا نويل فى ده معناها بالفرنساوى اب الميلاد ومقصود بيها طبعا ميلاد بابا نويل لانى كنت بجيب هدايا ايام عيد الميلاد .
الشجرة : دا الاطفال بيحبوك قوى يا بابا نويل .
بابا نويل : وانا كمان بحبهم خالص ومتعود اوزع هدايا عليهم وهما نايمين اول كل سنة . 
توتا : (بفرح ولهفة ) يعنى يا بابا نويل كل الهدايا الى معاك دية ليا ولكل اصحابى الحلويين دول (وتشاور على الاطفال)
بابا نويل : ايوة يا توتا هتاخدى هديتك انتى وكل اصحابى دول 
(ينظر لساعه ايدة ) .... يااااااة انا لازم امشى دلوقتى علشان اروح اوزع الهدايا على كل اولادى الحلوين.
توتا : كل سنة وانت طيب يا بابا نويل 
الشجرة: كل سنة وانت طيب يا بابا نويل
بابا نويل : مااارى كريسماس وكل سنة وانت طيبين .

( يشتغل ترنيمة بابا نويل ... ويبداء بابا نويل وتوتا والشجرة ويسلم على الاطفال ويلعب شوية العاب معهم ويتنهى الاسكتش .                              

      كتبها اندرو اشرف الرب يبارك كل من له تعب فى الخدمة