اسكتش خلف وكرنفال عيد الميلاد
اهداف الاسكتش :-
1-معرفة المخدوم باهمية المشاركة فى فقرات الكنيسة .
2- اهمية الصلاة ومحبة الاخرين والاهتمام بهم .
3- معرفة عقيدتنا وليه ربنا نزل من السماء عشانا .
3- محبة ربنا لينا تفوق كل وصف
يخرج طفل صغير اسمه خلف ويقول : يوووه كل يوم كده انا زهقت خالص كل يوم واحد من بتوع الكنيسه دول يجولي ويقولو تعالي يووه انا كل يوم اروح الكنيسه ولاايه احسن حاجه انام هنا لا لا انام فين عشان محدش يشوفني ولايصحيني انام تحت السرير ولا فوق الدولاب ولا جوه النمليه .!!!
ارشدني يارب انام فين ؟؟
يخرج الاب وهو صعيدي ويقول: مالك ياض صوتك عالي ع الصبح ليه؟
خلف: امي مصحياني اروح الكنيسه
الاب:وانت هاتروح ولا زي كل يوم
خلف: متقولش كده يابوي انت عارفني
الاب : يعني هاتروح؟
خلف:لا زي كل يوم ؟
الاب: جدع ياولدي طالع لابوك .
خلف : ال خلف مماتش يابوي .
تخرج الام وتقول: ياراجل حرام عليك بدل ماتنصحوا تقوله جدع هاتروح من ربنا فين؟
الاب: انا بقول اهو ياوليه هو ال مش راضي
الام: يابني متتعبش قلبي شوف اصحابك ال من سنك عاملين ايه؟
خلف : عاملين ايه؟..كويسين هههاي
الاب: لا حلو ياولدي طالع لابوك ههههه
الام: بتضحك ياراجل بدل ماتقوله روح الكنيسه مع زميلك
خلف:ومين هايبيع البلح معا ابوي؟
الام: ملكش دعوه انت
الاب: خلاص خش اسمع كلام امك البس عشان نطلع نبيع البلح
الام بعصبيه تقول: ايه؟
الاب: قصدي عشان تروح الكنيسه
خلف: دلوقتي؟
الام: ايوه عشان تلحق تتناول من جسد الرب ودمه
خلف: طب هافطر وهاروح!
الاب: ايوه ياولدي كلك لقمه وبعدين روح اتناول
الام بانفعال تقول: بس كفايه انتو عاوزين تجننوني؟
الاب : متزعلش امك ياولدي امشي بجوعك وابقي معاك سندوتشات لو جعت كلها
خلف: حاضر يابوي (يتجه نحو الستاره )
الام: رايح فين يابني؟
خلف:هاعمل السندوتشات !
الام تنظر الي الاب وتقول: شايف ابنك؟!
الاب: ايوه شايف..ابقي اعملى سندوتش فول بطماطم معاك.
خلف: واجبلك بصله يابوي؟
الاب: ياريت
الام: يووووه دي مش عيشه دي (تدخل الستاره )
الاب: عيله ممخوله ربنا يرحمنا
خلف: سيبك منها تعاله نبيع البلح
الاب : والكنيسه
خلف : يلا نطلع قبل ما الخدام بتوع الكنيسه يجوا
الاب : عندك حق ياولدي
يخرج الاب وهو صعيدي ويقول: مالك ياض صوتك عالي ع الصبح ليه؟
خلف: امي مصحياني اروح الكنيسه
الاب:وانت هاتروح ولا زي كل يوم
خلف: متقولش كده يابوي انت عارفني
الاب : يعني هاتروح؟
خلف:لا زي كل يوم ؟
الاب: جدع ياولدي طالع لابوك .
خلف : ال خلف مماتش يابوي .
تخرج الام وتقول: ياراجل حرام عليك بدل ماتنصحوا تقوله جدع هاتروح من ربنا فين؟
الاب: انا بقول اهو ياوليه هو ال مش راضي
الام: يابني متتعبش قلبي شوف اصحابك ال من سنك عاملين ايه؟
خلف : عاملين ايه؟..كويسين هههاي
الاب: لا حلو ياولدي طالع لابوك ههههه
الام: بتضحك ياراجل بدل ماتقوله روح الكنيسه مع زميلك
خلف:ومين هايبيع البلح معا ابوي؟
الام: ملكش دعوه انت
الاب: خلاص خش اسمع كلام امك البس عشان نطلع نبيع البلح
الام بعصبيه تقول: ايه؟
الاب: قصدي عشان تروح الكنيسه
خلف: دلوقتي؟
الام: ايوه عشان تلحق تتناول من جسد الرب ودمه
خلف: طب هافطر وهاروح!
الاب: ايوه ياولدي كلك لقمه وبعدين روح اتناول
الام بانفعال تقول: بس كفايه انتو عاوزين تجننوني؟
الاب : متزعلش امك ياولدي امشي بجوعك وابقي معاك سندوتشات لو جعت كلها
خلف: حاضر يابوي (يتجه نحو الستاره )
الام: رايح فين يابني؟
خلف:هاعمل السندوتشات !
الام تنظر الي الاب وتقول: شايف ابنك؟!
الاب: ايوه شايف..ابقي اعملى سندوتش فول بطماطم معاك.
خلف: واجبلك بصله يابوي؟
الاب: ياريت
الام: يووووه دي مش عيشه دي (تدخل الستاره )
الاب: عيله ممخوله ربنا يرحمنا
خلف: سيبك منها تعاله نبيع البلح
الاب : والكنيسه
خلف : يلا نطلع قبل ما الخدام بتوع الكنيسه يجوا
الاب : عندك حق ياولدي
يدخلوا ولد وبنت زملاء لخلف ومعهم استاذ مدحت
استاذ: صباح الخير
خلف بصوت منخفض: ياساتر استر يارب
الاب : اتفضلوا يااهلا وسهلا
خلف: مادخلوا خلاص دخلوا
استاذ: ايه يا خلف محدش شايف ليه؟
خلف: محدش شايفني ليه مانا طول بعرض وباين اهو
الولد اسمه مينا والبنت اسمها مريم
مينا : استاذ مدحت قصده ف الكنيسه يعني
مريم: ايوه احنا ملاحظين انك مش بتيجي زي الاول
خلف: معلش بساعد ابويا ف الشغل
استاذ : حد قال متسعدهوس بس ادي لربنا يوم واحد الاسبوع
خلف : حاضر هاجي معاكم النهارده
مينا : وكمان عشان تجهز نفسك للكرنفال
الاب : برتقال !؟ برتقال ايه ده يا خلف؟
خلف : يابا بيقول كرنفال مش برتقال
مريم : السنه دي داخلين ف كرنفال عيد الميلاد
خلف : عيد الميلاد!؟
استاذ: ايوه ومينا ومريم داخلين بوسائل الايضاح
مريم : وعشان عارفين انك بتحب قصص عيد الميلاد سبنالك المهمه دي يابطل
خلف : انا !؟؟
استاذ : ايوه طبعا
خلف : بس الحكايه دي محتاجه ترتيب
استاذ: يبقي اتفقنا رتبوا انتو نفسكم وانا هاروح اجهز حاجات للكرنفال ..سلام
(يخرج الاستاذ)
الاب : وانا هاروح ابيع البلح
(يتجه نحو الستاره...)
خلف : قول لامي تعملنا شاي معاك
الاب : حاضر (يخرج الاب )
خلف : بس ازاي هانتكلم عن عيد الميلاد بالصوره دي
مينا : لا ازاي عايزالها قعده تاني
مريم: خلاص نتقابل بكره هنا
مينا : اتفقنا سلام (يخرجو )
خلف : يارب خليك معانا ونفوز كمان اروح اجهز نفسي انا كمان
يدخل الاب: يابوي دا كلام كبير قوي ده ازاي ربنا خالق الكون دا كله يتولد ف مزود بقر
الاب : وليه؟ عشان ايه؟
الاب : يارب سامحني لجهلي بس انا شفت الواحد خلف بيتكلم مصدقتش نفسي
تدخل الام : ومتصدقش ليه ياراجل
الاب : قصة الميلاد دي قصه جميله بس انا مش فاهمها
الام : انا مش عارفه ايه الهدف من الميلاد والتجسد بس
يدخل الاستاذ وخلف
خلف : انا هاقولك ياامي
الاب : اهلا استاذ مدحت
استاذ : ازيكم يا جماعه
الام : ربنا يخليك يااستاذ
خلف : ربنا ليه حكمه ف كل قصة ميلاده
الاب : حكمة ايه ياولدي نورنا
استاذ : ادم زمان لما اخطئ ربنا طردوا من الفردوس
الام : مظبوط
خلف : بس ربنا حكم عليه بالموت ومموتوش
الاب : ازاي بقي!؟؟
استاذ : محبة ربنا ليه مهانش عليه يهلك ادم بالموت
الام : اومال حكم عليه ليه من اصله
خلف : عشان ربنا صادق ف كلامه لما قال لادم يومأ تأكل من الشجره موتآ تموت
استاذ : اذا كان لازم ربنا ينزل ويتجسد ف صورة انسان ويشيل عنا الخطيه
الاب : ليه الله نفسه هو ال نزل كان ممكن يبعت اي حد تاني
خلف : يابويا ..عشان ال اخطأ انسان فكان لازم يتجسد ف صورة انسان
استاذ : وكمان لازم يكون بلا خطيه ومفيش بلا خطيه الا الله وحده
خلف : وكمان لازم يكون غير محدود وكتير من الصفات الالهيه
الام : وليه اتولد ف مزود البقر؟
استاذ : اقوي سبب عشان يعلمنا التواضع
خلف : تخليلي يا امي لما ملك الملوك ورب الارباب يتولد ف مزود
استاذ : والسبب الاقوي انه بيعلن محبته لينا لما يسيب مجده ويعيس وسطينا
الاب : الله ع الكلام انا حاسس ان بتولد من جديد
استاذ : بميلاد المسيح اتولدنا من جديد
يدخلوا مينا ومريم
مريم : انتو قاعدين هنا واحنا عندنا شغل كتير
مينا : انا جهزب الايه عن الميلاد
استاذ : برافو ياولاد
استاذ : ياريت كل واحد يخلي قلبه مزود لرب المجد
الاب : كلامكم ريحنا كتير ياولاد .
استاذ : يلا عشان بكره الكرنفال نجهز حاجتنا
الكل : يلا (يخرجون)
المشهد الاخير
يخرجو الجميع وتقال ترنيمه مناسبه لعيد الميلاد
استاذ: ياه قد ايه الكرنفال ده كان جميل جدا
الاب : ايوه ياستاذ اني اول مره استفاد ف حياتي
خلف : ولما طلع ابونا وقال نتيجة الميلاد
الام : ال هي ايه ياولدي؟
خلف : بالجسد والميلاد صلح الارضيين مع السمائيين
مريم : بالخطيه ال عملها ادم زمان
استاذ : صح يامريم
مينا : والنتيجه طبعا فداء البشر
خلف : بس الميلاد نفسه يعلمنا المحبه والتواضع
استاذ : يلا كلنا دلوقتي نصلي ربنا ينور حياتنا ويخلي قلب كل واحد فينا مزود روحي للرب
استاذ : كل واحد يرفع ايديه لربنا
ويقفو صف منظم ويرفعون عيونهم وتقال ترنيمة الهنا عظيم .
وتقفل الستار
النص من تاليف :
الاستاذ مينا فوزى