اسكتش بابا نويل هنا
بابا نويل والاطفال
اهداف الاسكتش :-
1- معرفة قصة القديس نيقولاوس وقصة بابا نويل بهذا الاسم .
2- مساعدة الاخرين والصلاة من اجلهم .
3- احترام بيت ربنا واحترام الاخرين .
قصة بابا نويل يحكيلها للاطفال ويعرفوا مين هو القديس نيقولاوس .
الشخصيات ( مينا - مرينا- الام - بابا نويل )
مرينا: ازيك يا مينا عامل ايه النهارده؟
مينا : انا كويس نشكر ربنا بس انتي مالك فرحانه ليه؟
مرينا :فرحانه ليه؟ ايه انت مش عارف النهارده ايه؟
مينا : النهارده بس هو اليوم ده يفرح اوي .
مرينا : اليوم ده يفرح جدا
مينا : في ايه؟؟ انا مش فاهم حاجه يا مرينا
مرينا : طيب يا مينا ... بص بص انت تروح تغير ورقة النتيجه... شوف النهارده ايه .
بسرعة اوعى تتأخر مستنياك .
مينا : حاضرايه ده ده النتيجه ماعدش فيها الا ورقه واحده....النهارده 31 ديسمبر
النهارده اخر يوم في السنه اه فهمتك النهارده راس السنه النهارده راس السنه .
مرينا : عرفت انا ليه فرحانه يا مينا
مينا : اه طبعا مانا عارف من الاول بس كنت بختبرك هههههه بصي بقي احنا هنجيب لبس جديد انا هاجيب بنطلون جينز حلو و تيشرت و كوتشي اى رأيك ؟
مرينا : حلو خالص وانا كمان هاجيب فستان حلو بس الحاجات دي هتاخد فلوس كتير.
مينا : ايوه ايوه مانا عارف الكلام ده بس انا محوش فلوس هو انا صغير انا معايا فلوس كتير وهنجيب كل حاجه عايزينها متقلقيش قولى يارب .
مرينا : بجد و انا كمان بص انا هاروح اجيب فلوسي وهنعد فلوسنا مع بعض ههههه .
(يخرج الاثنان مينا ومرينا ) و يرجع بالنقود معهم .
مينا : ها وريني بقي معاكي كام يا مريانا ؟
مرينا : ادي 2 3 4 5 يبقى كام كدا 5 جنيه و نص الله حلوين خالص .
مينا : ايه ده قليلين اوي بصي انا معايا ادي ربع نص جنيه 2 كم كدا اها 2 جنيه و ربع
ههههه مش مشكله ماما هتكملنا يالا نروح نقولها .
(تدخل الأم عليهم وهما مع بعض )
الام : تقوليلي ايه يا ولاد خير فى اى ؟
مرينا : بكره راس السنه يا ماما انتي مش عارفه و لا ايه
الام : اه كل سنه و انتم طيبين ...
( تكح الام وتكون تعبانه شويه )
مينا : انتي بتكحي ليه يا ماما؟ سلامتك هو مش الدكتور كتبلك دوا؟
الام : ايوه الدكتور كتبلي الدوا بس انا ما جبتوش للاسف .
مينا : ليه كدا يا ماما ؟ماجبتيش الدواء ليه بس يا ماما ؟ ده الدكتور كاتبهولك من اسبوع.
الام : اصل يا مينا الدوا ده غالي اوي اوى والفلوس اللي ويايا ما كملتش ( تكح الام ) فمعرفتش اجيب الدواء للاسف معلش هنعمل ايه طيب ؟
مينا : سلامتك يا ماما ما تخافيش انتي ادخلي استريحي و احنا هنصليلك و بابا يسوع هيكون وياكي متخافيش خالص ربنا اكيد هيشفيكى وهنصلى كتير عشانك .
(تخرج الأم لوحديها ويفضل مينا ومرينا)
مينا : انا زعلان اوي ماما عيانه و مش هتقدرتقضى معانا راس السنه و مش هتروح الكنيسه وانا مش عارف اعمل ايه بصراحه وكمان الدوا غالى .
مرينا : الدوا غالي عليها ايوه الفلوس اللي معاها ماكملتش احنا لازم حاجه .
مينا : هنعمل ايه يا مرينا طيب ؟
مرينا : نحط الفلوس اللي معانا دي علي فلوسها و نكمل و نجيبلها الدوا
مينا :الفلوس فكرة حلوه اه طبعا لازم نكمل انا كنت لسه هاقول كده خدي خدي انا مش عايز حاجه وهنجيب ليها الدواء كمان عشان تخف وتبقى كويسه .
مرينا : طيب احنا ناخد الروشته و نحط فلوسنا علي فلوس ماما و نروح الصيدليه ونشترى كل الدواء اللى محتاجاه ماما عشان ترجع زى الاول وتبقى كويسه .
مينا : طيب يالا بينا عشان مش نتأخر .
(يخرج مينا ومارينا الى الخارج ويغلق الستار)
( يفتح الستار علي الام و هي مريضه و يدخل الاولاد بالدواء )
الام : ايه كنتوا فين يا ولاد انشغلت عليكم خير عملتوا ايه ؟
مينا : كنا بنجيبلك الدوا يا ماما خدي بابا يسوع يشفيكي متخافيش .
الام : طيب جبتوا الفلوس منين؟ انا مكانش معايا يكمل ومعرفتش اجيب الدواء .
مرينا : احنا كان معانا فلوس شايلينها وكملنا علي فلوسك و جبنا الدواء .
مينا : ايوه يا ماما احنا كنا هنجيب بالفلوس دي هدوم راس السنه عشان نروح بيها الكنيسة بس انتي يا ماما اهم عندنا وكمان صلينا عشان بابا يسوع يشفيكي .
الام : آمين يارب انا متشكره اوي يا اولادى وحبايبى متشكره خالص و ماتخافوش بابا يسوع مش هينسانا عشان هو بيقول ان نسيت الام رضيعها انا انساكم .
مرينا : يالا يا مينا عشان نسيب ماما تستريح ونطمن عليها شويه .
مينا : انا كنت هاقول كده برده يلا بينا .
(يخرج الأثنان مينا ومرينا و تبقي الام تصلي ثم تغلق الستار)
( يدخل مينا ومرينا مرة اخرى )
مينا : طيب دلوقتى هنروح الكنيسه ازاي ؟ و احنا مش عندنا هدوم جديده .
مرينا : عادي يا مينا هو احنا بنروح عشان احنا لابسين جديد و لا بنروح عشان بنحب بابا يسوع احنا هنروح عادي اهم حاجه نروح عشان نصلى ونرنم ونشكرربنا كتير .
مينا : يعني ماما ما كانتش تبقي سليمه و كنا نجيب هدوم بس عارفه انا برده فرحان و عارف ان بابا يسوع مبسوط و بيحبنا و مش هينسانا اكيد انا واثق من كدا .
مرينا : صح يا مينا اكيد ربنا هيكافئنا بس انا مش عارفه ازاي ؟
(ينام الاثنان علي الارض و يتردد سؤال يا تري ازاي ؟ يا ترى ازاى ازاى ؟؟؟؟)
(و يدخل بابا نويل بلبسه ويضع بجوارهم كيس الهدايا)
مرينا : ايه ده انت سمعت حاجه يا مينا سمعت حاجه ؟
مينا : لاء ما سمعتش ايه اللي حصل ؟ انتى سمعتى ايه ؟
(تقوم كدا فجأه ) مش عارفه ايه ده قوم شوف يا مينا فى ايه .
مرينا : اه انا مش قولتلك في حاجه ايه الكيس ده يا تري فيه ايه تعالي نشوف
مينا : الله ده بنطلون جينز و كوتشي و تيشرت الحاجات اللي كنت عايزها حاجات حلوه كتير بصى الكوتش ده عامل ازاى الله حلوه خالص والتيشرت الجميل ده والبنطلون .
مرينا : و انا كمان لاقيت فستان حلو الله ده فستان جميل خالص
مينا يا تري مين اللي جابهولنا يا ترى مين ؟
مارينا : مش قولتلك بابا يسوع مش هيسيبنا.
مينا :اه بس مين اللي جابهولنا؟
( في اثناء كلام مينا تلتفت مرينا فتري بابا نويل فتسكت بينما يظل مينا يتكلم )
مينا : بس دي هدوم حلوه خالص بس لو اعرف مين اللي جابها يا مرينا انتي ما بترديش ليه ؟ مالك فى ايه اللى حصل كدا ؟
مرينا : عشان عرفت مين اللي جابها شوفت ادينى عرفت .
مينا : بجد مين مين مين ؟
مرينا : اه هناك كدا بص بابا نويل اهوه .
مينا : بجد صح هو بابا نويل اللي جابلنا الحاجات دي انا كنت عارف كده من الاول
مرينا : ازيك يا بابانويل احنا بنحبك كتير وبنسمع عنك حاجات جميلة حلوه خالص .
بابا نويل : كل سنه و انتم طيبين يا ولاد وسنة جديدة عليكم .
مينا : و انت طيب يا بابا نويل .
مرينا : شكرا يا بابا نويل انك جبتلنا هدايا واحنا فرحانين خالص دلوقت .
بابا نويل : ههههه العفو يا ولاد انتوا تستاهلوها عشان ساعدتوا مامتكم و جبتوا بفلوسكم ليها دواء عشان تخف وكل ده بدل ما تجيبوا لكم لبس فطبعا بابا يسوع بعتني و قالي اجيب لكم الحاجات دي عشان انتوا بتحبوا كتير بابا يسوع وكنتوا بتصلوا عشان مامتكم .
مرينا : ياااااااه انا بحب بابا يسوع اوي و بحبك كمان يا بابا نويل بس عايزين منك حاجه.
بابا نويل : اتفضلوا يا اولاد عايزين ايه تانى ؟
مرينا : عايزين نعرف حكايتك ولا مش تحكيلنا بقي علي حكايتك و لبسك ده .
باب نويل : انتوا عايزين تعرفوا انا مين ؟
مينا : طبعا طبعا طبعا .
مرينا : ايوه يا بابا نويل احكيلنا حكايتك عشان نسمعها .
قصة بابا نويل
يتوجه للجمهوررليحكى قصة حكايته .
بابا نويل : انا يا اولادى كان اسمى نيقولاوس وهحكيلكم ازاى جه الاسم ده .
كان يا اولادى فى بلد اسمها مورا بعيده خالص بابا اسمه ابيفانوس وماما كان اسمها تونة وكان معاهم فلوس كتير خالص بس كانوا بيصلوا ويرحوا الكنيسه كتير بس مش معاهم اطفال لحد ما كبروا فى السن وقعدوا يصلوا لحد ما ربنا عطاهم ولد وسموه نيقولاوس وفضل يتعلم ويبقى شاطر فى الكنيسة لحد ما بقى شماس .
ترهبنت في دير كان ابن عمى رئيسًا عليه، فعشت حياة النسك والجهاد والفضيلة حياة حلوه خالص لحد مت اترسمت قسًا وكان عمرى 19 سنه ربنا عطانى نعمة عمل الآيات ومنها إخراج الشياطين وشفاء المرضى .
وبعدين بابا وماما راحوا السما وقعدت اصلى كتير خالص وطبعا قعدت اوزع فلوس ع الناس الغلبانه وواحد مكانش معاه فلوس خالص عشان يجيب حجات لبناته كنت بحط فلوس ليه من عند الشباك واجرى عشن مش يشوفنى وكذا مره لحد ما فجاه بص كد وشافنى واحنا لازم نساعد الناس المحتاجه ونحط العطاء فى الكنيسة ونحترم بيت ربنا ومش ناكل فى الكنيسةولا نرمى حاجه خالص .
وبعدين يا اولادى انا اترسمت بقيت اسقف وبعد كدا الاضهطهادات زادت خالص وانتوا عارفين الملك دقلديانوس كان بيعذب وقتها المسيحين كتير وقعدت اصلى كتير واخدم الناس فى السجن لحد ما قبض عليا ورمانى فى السجن وبعدين جه الملك قسطنطين اللى امه تبقى الملكة هيلانة اللى اكتشفت الصليب وطلعنا من السجن وكنت كبير خالص فى السن وبعدين بعد فتره رحت للسما وكان عمرى يجى حوالى 80 سنه ايه رايكم فى قصتى بقى ياريت اتكونوا استفدتوا منها .
مرينا : اكيد يا بابا نويل احنا مبسوطين خالص خالص انك كنت معانا وسمعنا قصتك واحنا مش هننسى اليوم ده خالص وهنحتفل بيه دايما وهنفتكرك علطلول .
مينا : ايوه مش هننسى بابا نويل خالص وهنفتكرك كتير كتير .
بابا نويل : انا مبسوط بيكم خالص يا اولادى عشان انتوا ساعدتوا ماماتكم فى البيت ومرضيتوش تشتروا لبس ليكم واحنا كلنا يا اولاد لازم نساعد بابا وماما فى البيت ومش نعلى صوتنا عليهم ونحترم الكبير ونساعد بعض وكمان نروح الكنيسة نحترم بيت ربنا ونصلى لغيرنا بردو لو حد تعبان نصلى عشان ربنا يشفيه وصلاة الايمان تشفى المريض .
يلا بقى عشان نسيبكم تحتفلوا برأس السنه باى باى باى .
مرينا : باى باى .
مينا: باى باى .
( يخرج الجميع ويغلق الستار )