اسكتش رحلة عظيمة
الرحلة الى الميلاد
اهداف الاسكتش :
1- المحبة كلنا للازم نحب بعض واحترام الاخرين2- مينفعش نتريق على حد مهما كان شكله وكلنا خليقة ربنا
3- اهمية الوقت فى حياتنا
4- ممكن كلمة يسيطة مننا تسعد اولاد كتير وده بردو من العطاء
بداية الاسكتش
يفتح الستار على ظلام وعدم الإفصاح عن الديكور او شاشة فديو لااتوبيس رحلات
من بعيد على الطريق
او صورة اتوبيس رحلات معلقة خارج المسرح ومسلط عليها بؤرة ضوئية
ونسمع أصوات من الخارج مع أصوات الشارع والعربيات مسجل
أصوات بنات تغنى اغانى الرحلات المشهورة
أصوات كلاكسات شديدة
وصوت فرامل قوية مع صرخة البنات
صوت المشرفة وهى تهدئ البنات
مع أصوات عشوائية للشارع مثلا
( انت اللى جاى من ورا وغلطان –
انا مديك إشارة – انت ماشى سرحان – مش تاخدوا بالكم )
المشرفة اهدوا يابنات
ماتخفوش مافيش حاجة حصلت ,, خير يااسطى
السواق الاتوبيس
اتخبط وعطل مش ينفع يتحرك
صوت توتر البنات شديد مع صوت المشرفة
المشرفة خلاص يابنات
هاننزل هنا مؤقتا لحد ما الاتوبيس يتصلح ونتحرك , كل بنت تاخد
حاجتها
معاها , خلوا بالكم , انزلوا على مهلكم ,
انخفاض في أصوات الضوضاء مع ارتفاع الإضاءة على المسرح تدريجا
فنجد ديكورات لقرية ريفية فلاحى مع أصوات جاموس
ونجد البنات يدخلون المسرح وهما في حالة استغراب شديدة
ومعهم شنطهم ويدخلون حتى تدخل المشرفة
مشهد جديد
بنت1 اية الريحة والتراب دا
؟
بنت2 شكلنا نزلنا في مكان غريب
اوى , حتى مافيش اى سوبر ماركت او اى مول نشترى منة
حاجة
بنت3 انا مش عايزة اشترى اى
حاجة انا عايزة اقعد واهدى واحمد ربنا انى لسة عايشة
بنت4 هي البنت صفية ,, فضلت
تقول يابختكم طالعين حفلة المدرسة ,, عليها عين ,,
بنت5 هي صفية بس ؟! دا كل
بنات المدرسة كانوا واقفين يتحسروا واحنا بنركب الاتوبيس
الصبح
بنت6 طبعا لازم يتحسروا ,
دا كلنا تعبنا في المسابقات علشان المدرسة تختار اشطر تلاميذ
ويطلعوهم الحفلة
الكبيرة دى ,, دا العالم كلة هايشوفها , دا الحفلة هاتترجم لكذا لغة
بنت1 انا فرحانة اووووووووى
, حلم واتحقق , هاقدم قدام ناس مهمين اوى اوى
بنت2 قولى بس يارب الاتوبيس
يتصلح علشان نلحق ميعاد الحفلة
( تدخل المشرفة )
المشرفة هايابنات , كلكم
موجودين ولا اية ( تقوم بعدهم ) طب تمام , احنا هانفضل هنا حبة بسيطة
لحد ما عمو يشوف
الاتوبيس فية اية ونتحرك
بنت3 هو احنا فين كدا يامس
,,
المشرفة ( تخرج التليفون )
استنى اعرفلكم من الجى بى اس ,, ( تحاول وتفشل ) التليفون قاطع
شبكة خالص , بصوا
كدا في تليفوناتكم ..
( البنات كلها تخرج
تليفوناتها ويراعى ان تكون التليفونات مغلقة )
بنت4 انا كمان فاصل – وانا
كمان ( الجميع )
المشرفة اظاهر ان المنطقة دى
مافيهاش شبكة
بنت5 دا واضح ان مافيهاش اى
حاجة خالص
بنت6 حتى الناس هنا شكلهم
غريب كل الستات لابسة جلاليب كدا يااما
الوانها غريبة اوى او
يااما اسود , حتى
الرجالة كلهم لابسين جلاليب ,,
بنت1 والريحة
يااااااااااااااااااايى صعبة صعبة صعبة اوى ,,
المشرفة انا هاروح اشوف
السواق عمل اية في الاتوبيس ( تخرج )
بنت2 انتى مش ملاحظين حاجة
يابنات
الجميع اية
بنت2 البيوت هنا شكلها قديم
اوى وكلها دورين ,
بنت3 على فكرة المكان اللى
احنا فية دا اسمة الريف , انا مرة سافرت مع بابا في البلد بتاعتة
وكان شبة المكان دا
بالظبط وقالى اننا في الأرياف ,
بنت4 اها قصدك عزبة بقا
وجناين وكدة
بنت3 اة بس حاجة فقيرة شوية
, او زى ماتقولى فقيرة في الإمكانيات والتطور والتكنولوجيا
( تدخل المشرفة )
بنت4 ها يامس هانتحرك ولا
اية
المشرفة للأسف يابنات هانستنى
شوية هنا ,, انا خليت السواق يرجع للمدرسة بالمواصلات علشان
يجيب اتوبيس تانى ,
وهايكون معاه مديرة المدرسة علشان اكيد هاتكون قلقانة وعايزة
تطمن
بنت5 يامس كدا مش هانلحق
الحفلة وهانتاخر ,, احنا متحركين من المدرسة بقلنا في حدود ساعة
ونص ,,
بنت6 يعنى عمو السواق
هايرجع تانى ساعة ونص وعلى مايردلنا تانى كمان ساعة
ونص , يعنى هانقعد
هنا 3 ساعات
المشرفة يابنات الساعة دلوقتى
1 والحفلة لسة 6 ماتقلقوش هانلحق انشاء الله ,
الجميع يارب
المشرفة انتوا اول مرة تيجوا
الأرياف ولا اية , على فكرة المكان هنا شكلة جميل اوى اوى وبسيط
ومافيش الدوشة بتاعة
القاهرة , ولا الزحمة ولا الزعيق والكلاكسات الجامدة
بنت2 ولا شبكة تليفون
ولاكافية نقعد فية ولاحتى مول نشترى منة ماية وشبسي وبيبس او عصير
( تدخل 3 بنات
فلاحين فقراء بملابس مبهدلة وهيئة متسولة )
فلاحة1 يلة بينا نروح بقا قبل
ما الشمس تحمى على راسنا
فلاحة2 اية دا مين دول ,
انتوا شكلكم غريب عن هنا
المشرفة مساء الخير ياحبايبى
, احنا فعلا مش من هنا
فلاحة3 (
تتكلم معها بقرف ) باين من ريحتكم انكم مش من هنا ( ثم تهرش في راسها وباقى البنات
يقرفون )
فلاحة1 وانتوا بقا اية اللى
جايبك هنا ليكم حد هنا في البلد قرايبكم
بنت1 لا ابدا احنا أصلا
تايهين ( نجد بنت2 تمسكها من زراعها لبعيد وتكلمها سرا)
بنت2 اية اللى بتقولية دا ,
لو عرفوا اننا تايهين داممكن يخطفونا او ياكلونا مش شايفة شكلهم
بنت1 اه معاكى حق بصى البنت
الأخيرة اللى عمالة تقطع في شعرها دى شبة الزومبى
فلاحة2 ( تاخد اصدقائة
وتكلمهم على جنب ) الناس دى شكلها مايطمنش , ياخوفى ليكون وراهم
مصيبة ولا حاجة ولا
يكونوا من بتوع المظاهرات وكدا ويودونا في داهية تعالوا نبعد عنهم
فلاحة3 اه معاكى حق شكلهم
يخوف أصلا ,, دانا مخضوضة منهم وريحتهم كدا عملالى حرقان
في مناخيرى ,,
فلاحة2 دا ممكن يابت يكون
ريحة الغاز المسيل للدموع بتاع المظاهرات دا
فلاحة1 ياخبر ابيض ,, لو حد
شافنا واقفين معاهم هانروح في الرجلين ,, يلة نهرب منهم ,,
( يحاولوا الخروج وتمنعهم المشرفة )
المشرفة تعالوا انتوا رايحين
فين ,, احنا ضيوف عندكم وهانقعد حوالى 3 ساعات مافيش مكان
ممكن نستنى فية
فلاحة2 هو كل الأماكن هنا شبة
بعض ,, بس احنا جدعنة منا هانخلينا معاكم لحسن حد يضايقكم ولا حاجة ,,
المشرفة متشكرة جدا جدا ,,
وانتوا يابنات عندى ليكوا فكرة هايلة اوى
الجميع ها
المشرفة نستفيد من الوقت دا
ونعمل بروفة ونثبت شغلنا لحد ما المديرة تيجى وتجيب معاها
الاتوبيس اللى هايوصلنا ,, يلة نشغل نفسنا
بالبروفة علشان الوقت يجرى بسرعة
تبداء البنات في الاستعداد ويخرجون الماسكات
والاوشحة ويقفون بحركة استعراضية
للبدئ , والثلاث بنات الفلاحين منبهرين بيهم
( ثم يدخل 5 بنات صغيرن أطفال فقراء يقفون
بجوار الثلاث فلاحين)
ونجد علامات توتر من المشرفة والبنات
فلاحة1 ماتخفوش دول غلابة
جيرانا مش هايضايقوا حد منكم , اشتغلوا انتوا واحنا هنا واقفين
نحرسكم ونتفرج ,,
فلاحة2 الله شبة الحاجات اللى
بنشوفها في التلفزيون ,,
( الثلاث فلاحين
والأطفال يثقفون مما يشجع البنات في البدء في الاحركة ويقومون
بااستعراضات وبالماسكات ونجد اندماج البنات مع
الفقراء ويمسكون أيديهم ويتشاركون
الرقصات ونجد البنات يعلمون الفقراء كيف
يتحركون ويرقصون بارجلهم وسط فرحة
البنات وكسوف الفلاحين الممزوج بالفرح
والانبهار )
كل هذا وسط استعراض او اغنية
وحالة اندماج شديدة من الجميع لنجد البنات
يفتحون شنطهم ويخرجون منها علب هدايا
والأطفال والفلاحين يرقصون فرحا ويمدون
أيديهم لهم
تدخل المديرة والكل يتوقف عما يفعلة
المشرفة حضرة المديرة ,,
حمدالله على السلامة
المديرة البنات كويسين
المشرفة اة الحمد لله
المديرة طب الحمد لله ,, يلة
يابنات بسرعة نجهز لحسن الوقت اتاخر اوى على الحفلة
فلاحة1 انتوا خلاص هاتمشوا
بنت2 اه علشان اللى عملناه
قدامكم دا المفروض اننا هانعملة في حفلة كبيرة اوى
فلاحة2 ياخسارة ال 3 ساعات
خلصوا بسرعة اوى
فلاحة3 انا اول مرة في حياتى
ارقص كدا من غير خوف وافرح اوى كدا , ماتخليكوا شوية
المشرفة معلش ياحبايبى احنا
مرتبطين بحفلة وناس مهمين اوى لازم نقدملهم الشغل دا
طفلة1 طب هانقعد هنا
نستناكوا لحد ماتروحوا وترجعوا لينا تانى
المشرفة احنا بعد الحفلة
الاتوبيس هايروحنا على بيتنا ومش هانيجى هنا تانى
طفلة2 طب هو ينفع نيجى معاكم
المشرفة مش هاينفع ياحببتى
خالص
طفلة3 عشان خاطرنا , احنا
اول مرة نشوف الحاجات دى , اول مرة ننبسط ونفرح اوى كدا
المديرة يلة يابنات الوقت ,
الحفلة هاتضيع علينا
( نجد 3 فلاحين يطبطبون على
الأطفال الفقراء ويجلسون على الأرض وايديهم على خدهم )
المشرفة وانتوا يابنات يلة
لموا حاجتكم في الشنط ورتبوا اموركم يلة بسرعة
( البنات يقمون بترتيب اشيائهم ونجد عيون
البنات تترقب حزن الفقراء )
وتقف المشرفة والبنات يتقدمون ورائها
والمديرة تتقدمهم
وفى الاستعداد للرحيل
نجد الفقراء يقمون يقفون وينظرون لهم بكل عطف
مما يجل البنات ينظرون لبعض بنظرات سريعة
وفجاءة كل بنت تفتح شنطتها وتخرج هدية وتعطيها للفقراء وحالة من الفرح الشديد على
الفقراء ويتراقصون من السعاده
المشرفة تحاول ان تمنعهم ولكن نجد المديرة
تمسك المشرفة وتحرك راسها بالرضى عن مافعلة البنات
المديرة كدا مش هانلحق
الحفلة المهمة
بنت1 مش مهم المهم اننا
نلحق نفرح الناس دى
المديرة الحفلة فيها ناس
مهمين اوى هايشفوكوا
بنت2 مش هايكونوا اهم من
القلوب البسيطة اللى عنيها بتلمع لينا
المديرة معقولة هاتضحوا
بااهم حفلة في السنة
بنت3 علشان نصنع اهم فرحة
باادينا
المديرة استنوا عندكم
الجميع اية
( حالة ثبات شديد لدى البنات
والفقراء والمشرفة ينتظرون قرار المديرة التي تسير وسطيهم)
المديرة انا موافقة انكم
تكملوا الحفلة وسط اخواتكم البسطاء ,, أصحاب اغلى قلوب ,, القلوب النقية
البيضاء اللى تستاهل
انكم تعملوا علشانها كل حاجة حلوة ,, بس بشرط واحد بس
البنات اية
المديرة ان انا اللى اغنى
اغنية الحفلة
الجميع هييييييييية
( فرحة شديدة لدى الجميع مع اغنية النهاية عن
السعادة والعطاء والفرح وتكون بصوت
المديرة )
من تأليف الاستاذ اشرف عبده منقول
من جروب نصوص مسرحية