هدية للمولود
الشخصيات : -
-
الراوى )الخادم مقدم الحفلة(
-
توني
-
طنط توتا
-
بابا نويل
اهداف الاسكتش :
1- ازاى نقدم هدية للمولود فى وقتنا دلوقت .
2- من خلال محبة الاخرين والعطاء واللكملة الطيبة .
3- مساعدة الاخرين اللى محتاجين مساعدة .
4- اننا نقدم توبة عن كل حاجه وحشة عملناها ونعترف بيها .
5- نصلى من اجل الاخرين والمرضى ونطلب من ربنا يشفيهم .
6- نحترم بيت ربنا ونقعد كويس ومنعملش هيصة .
7- نشكر ربنا على كل حاجه فى حياتنا وانا هو بيختار دايما الاحسن لينا .
بداية الاسكتش
-
الراوى: النهاردة معانا شخصية كلنا بنحبها
.... وجاية تعيد معانا النهاردة ....
عارفين معانا مين؟؟........ عارفين بابا نويل ..... احنا معانا النهاردة بابا نويل و طنط توتا و ابنها توني جايين عشان يحتفلو معانا بالعيد
*** تدخل طنط توتا
-
طنط توتا صباح الخير عليكو يا اصحابي
..... ازيكوا .... عاملين ايه .... كل سنة وانتم طيبين .... انتوا شكلكوا نايمين .... كل سنة وانتم طيبين ..... صحيح حد يعرف احنا النهاردة جايين ليه الكنيسة ؟ او بنحتفل بايه؟................. صح النهاردة عيد ميلاد بابا يسوع عشان كده انا و توني ابني جايين مع بابا نويل عشان نساعده .....و نع يد عليكوا كلكوا .... و نوزع عليكوا هدايا وحاجات حلوة كتير...... وعشان كده بابا نويل هو الي ملبسنا زيه كده عشان يفرحنا ..... بس بابا نويل علشان راجل عجوز بيمشى واحدة واحدة ..... بس زمانه جاى فى الطريق ... ويارب يلحق ييجى قبل مانمشى..... الله امال توني ابني فين دا كان لسه معايا دلوقتي ..... يا توني .. يا توني .... يللا يا توني انت فين علشان نلحق نوزع باقى الهدايا اللى معانا
- *** يدخل توني
- توني )تعبان( : حاضر يا ماما
..... حااااضر ..... انا جاى اهو .... مش كفاية هدايا -
كدة..... انا تعبت اوى من كتر اللف وتوزيع الهدايا مع بابا نويل .
-
طنط توتا: ازاى تقول كدة يا توني ..... ده يوم عيد ميلاد بابا يسوع ولازم نيجى الكنيسة - كلنا ونشاركه فى عيد ميلاده .
-
توني : احنا بقالنا كتيييير بنلف مع بابا نويل
...... وانا تعبت اوى .... كل يوم بنوزع هدايا ولعب على الاطفال ......وانا بقى تعبت اوى بصراحة.
-
طنط توتا : ده اليوم يا حبيبي اللى احنا بنستناه كل سنة علشان نروح نعي د على كل كنيسة شوية
-
توني: اصلى بصراحة انا قاعد بقالى كذا يوم ...
بفكر ازاى احتفل بعيد الميلاد.....
او ممكن اعمل ايه فى اليوم ده لبابا يسوع
..... غير انى اكل لحمة ليلتها .... واروح الكنيسة يوم العيد الصبح ..... و كماااان اساعد بابا نويل فى توزيع الهدايا ؟؟!!
- طنط توتا: يعنى انت قصدك انك عاوز تقدم حاجة لبابا يسوع؟
- - توني: ايوة بالضبط كدة .... عاوز اقدم حاجة ليه ... بس مش عارف اقدم له ايه؟ -
- طنط توتا : انت ممكن تقدم له حاجات كتير خالص .... زى ما المجوس عملوا.
- توني: والمجوس عملوا ايه ؟
.... ولا قدموا ايه لبابا يسوع؟
- طنط توتا : ايه ده انت ماتعرفش المجوس عملو ايه استنى هحكيلك .... ولا قولك بابا نويل جه اهو و هو يقولنا
*** يدخل بابا نويل العجوز وهو ماسك موبايل
- بابا نويل : أيوة حاضر.....حاضر.....هخلص كنيسة مارمينا وهاجيلكم على طول......ايوة -لسة معايا هدايا كتييير....ايوة هتكفى كل اللى موجودين.....)ثم يخاطب الأولاد( ازيكوا
.... عاملين ايه ..... وكل سنة وانتم طيبين ..... يللا بقى تصبحوا على خير )ويذهب لينام(
- طنط توتا: اييييه يا بابا نويل
..... انت جاى الكنيسة علشان تنام ؟؟ ..... )تكلم الأطفال( حد ييجى الكنيسة برضه علشان ينام؟؟؟؟
...... كمان انت هتنام الصبح كدة؟؟؟؟ .... انت مش هتوزع علينا هدايا السنة دى ولا ايه؟؟
- بابا نويل: ايوة ايوة صحيح
..... معلش يا ولاد..... اصلى انا راجل عجوووز اوى ....
وجاى تعبان من السفر.
- طنط توتا : طب مش هتعيد علينا وعلى اصحابك دول....؟؟
- بابا نويل(يلعب ويغنى) : كل سنة وانتم طيبين ...
happy birth day to yoooou !!!
- توني )باستغراب): (:
happy birth day .....؟؟ happy birth day ايه دى....يا بابا نويل
....؟؟؟
- طنط توتا : - happy birth
day ايه ..... انت شكلك لسة نايم يا بابا نويل ولا ايه؟
)وتسأل الأولاد(
..... happy birth day دى بتتقال امتى؟ ..... ايوة صح .... شفت اننا عارفين ان بتتقال فى عيد ميلادك او عيد ميلاد اى حد..... انما احنا النهاردة فى عيد ميلاد بابا يسوع .... وبنقول merry Christmas ..... او حتى كل سنة وانتم طيبين
- بابا نويل: اه صحيح
.... معلش .... ما انا بقولكوا انى راجل عجووووز ... ومش بفتكر الحاجة بسهولة ..... كل سنة وانتم طيبين
- طنط توتا: كل سنة وانت طيب يا بابا نويل
..... اتأخرت كتير كدة ليه..... احنا كلنا
مستنيينك.
- بابا نويل: معلش يا بنتي
..... أصل بقالى كذا يوم بلف على الكنايس والبيوت..... وأدى ده هدية .... ودى شجرة .... بصراحة تعبت خالص خالص ...
- طنط توتا: معلش يا بابا نويل
..... ده اليوم اللى كلنا بنستناك فيه .... علشان تعيد علينا
وتحكيلنا حكاية من حكاياتك الجميلة.
- بابا نويل : اممممم
..... احكيلكوا حكاية ..... احكيلكوا حكاية !
- توني: انا كنت لسة بسأل ماما سؤال
..... وكانت لسة هتحكيلى حكاية المجوس واللى قدموه ..... ياريت تحكيلنا حكاية المجوس دول ...... و ممكن اعمل ايه فى العيد ده لبابا يسوع.
بابا نويل: شوف يا توني يا حبيبي وشوفوا كلكوا
..... لما اتولد بابا يسوع زمان فى
اورشليم ... ماما العدرا مالقتش مكان علشان تولد فيه النونو بتاعها..... ومالقتش غير مزود او مكان صغير وفقير علشان تحط فيه بابا يسوع ..... وكان فى الوقت ده ناس فى مكان بعيييد اسمهم المجوس .... وكانوا اغنياء جدا ..... دول شافو نجمة كبيييرة اوى فى السما ... وكان شكلها غير اى نجمة تانية .... فعرفوا ان فى ملك او حد مهم جدا هيتولد......وقالوا فى نفسهم " احنا ازاى هنروح لمكانه الملك اللى اتولد ده ؟... او مين هيوصلنا لغاية عنده.؟" .... بس وهم بيفكروا يعملوا ايه.... لقوا النجم ابتدا يتحرك قدامهم ..... ففهموا على طول ان النجمة دى هى اللى هتوصلهم لمكان الملك العظيم ده.
- توني: وأكيد بقى كان لازم ياخدوا معاهم حاجة او هدية تليق بالملك ده .
- بابا نويل: طبعا يا حبيبي
..... كل واحد قال لصاحبه "احنا مش هينفع نروح للملك ده من غير هدية"
وصاحبه يقوله
"بس احنا لازم ناخد هدية كبيرة اوووى وغالية تليق بالملك ده"..... وفضلوا يدوروا ويدورا .... لغاية ما عرفوا هييجبوا هدايا ايه ... يا ترى تعرف اختاروا هدايا ايه يا نويل؟
- طنط توتا: استنى يا بابا نويل
.... اصحابي هنا عارفين الاجابة وممكن نسألهم كمان
)وتسأل طنط توتا الأطفال ...
ايه الهدايا اللى قدمها المجوس لبابا يسوع(
...وبعد سؤال
الأولاد
- بابا نويل: تمام كده
.... قدموا هدايا ذهب ولبان ومر ..... وكل واحدة فيهم كانت بترمز
لحاجة فى شخص السيد المسيح ..... يعنى الذهب بيرمز أنه ملك الملوك .... اللبان أو
البخور كان بيرمز لكهنوت السيد المسيح ..... والمر كان بيرمز لآلامه على الأرض
والصليب.
- توني: بس أنا معنديش نفس الهدايا اللى قدمها المجوس.... يعنى معنديش ذهب او لبان أو مر علشان أقدمه لربنا.
- بابا نويل: انت ممكن تقدم نفس الهدايا بس بطريقتك أنت
.... يعنى لو عاوز تقدم ذهب... يبقى تتعود انك تشكر ربنا على كل حاجة اداهالك.
- توني: وده هيبقى ذهب؟؟؟
- طنط توتا : طبعا يا حبيبي ده هيبقى أعظم ذهب ممكن تقدمه لربنا ...
انك تتعود تشكره
على كل حاجة فى حياتك.
- بابا نويل: وممكن كمان تقدم له اللبان
..... وده بقى انك تطلب منه طلبة او صلاة علشان حاجة معينة
....زى انك تصلى لربنا علشان واحد صاحبك عيان أو حد فى مشكلة او اي حد محتاج تصلي له
- توني: يعنى لو شكرت ربنا يبقى كأنى بقدمله ذهب ؟؟...... ولو صليت علشان حد يبقى
كأنى قدمت له لبان زى المجوس بالضبط؟
- بابا نويل: طبعا يا حبيبى
...... ربنا بيقبل أى هدية تتقدم له ... المهم انك تقدمها بفرح -
- توني: وايه حكاية المر ده ؟ ... و ازاى ممكن اقدمه لربنا؟
- بابا نويل: المر ده حاجة مهمة جدا ممكن تقدمها لربنا
..... و زى ما قلتلك ده بيرمز لالام بابا يسوع.... او الحاجت اللى بتزعله مننا ..... و ممكن تقدمها لما تروح و تعترف لأبونا على اى حاجة وحشة بتعملها ..... او اى حاجة حلوة مش بتعملها .... زى انك مش بتصلى او مش بتقعد كويس فى مدارس الأحد .
- توني: يعنى بكدة اكون قدمت لربنا الهدية المر ؟؟؟؟ -
- طنط توتا: طبعا يا حبيبى
..... واحنا كلنا بكدة نقدر نقدم لربنا نفس الهدايا اللى قدمها -
المجوس بالضبط ..... الذهب و اللبان والمر .... هم قدموا هداياهم بطريقتهم واحنا كمان
ممكن نقدم نفس الهدايا بس بطريقتنا احنا
- توني: بجد اشكرك يا بابا نويل .... اشكرك يا ماما... علشان علمتونى ازاى ممكن اقدم
هدايا للسيد المسيح فى عيد ميلاده .....
- طنط توتا: و ياترى بقى يا بابا نويل
.... لسة معاك هدايا لينا ولا خلصتهم فى كنايس تانية وانت جاى على هنا؟؟؟
- بابا نويل: لا طبعا انا معايا هدايا كتييييير هنا
.... وهقف بره انا وانتى و توني علشان
نوزع الهدايا اللى معانا على كووول الاولاد اللى هنا.... يلا بينا
منقول من جروب الخدمة
