اسكتش بابا نويل
الشخصيات:
بابا نويل – أولاد: رامى – شادى - مارينا
الفكرة:
بابا نويل يشرح حكايته للأولاد
الاهداف :
1- معرفة قصة القديس نيقولاوس .
2- معرفة اهمية العطاء فى حياتنا وان لازم كلنا نفرح بالعطاء .
3- مينفعش نزعل بعض ولازم كلنا نبقى فرحانين .
4- محبة الاخرين وكلنا لازم نحب بعض ومحدش يزعل حد .
المسرحية
مارينا : ايه دا .... ايه دا ...... شايف يا رامى، شايف يا شادى اللى انا شايفاه دا؟؟؟
رامى : ايه يا مارينا شايفة ايه؟؟؟
مارينا : شايفة حد لابس أحمر فى ابيض جاى من بعيد، دا شكله راجل عجوز
شادى: أنا مش شايف حاجة خااااالص
رامى: آهه دا دقنه طويلة قوى وبيضاااااااااا
شادى: سانت كلوز ايه يابنى دا بابا نويل بقوللك لابس ابيض x أحمر ودقنه بيضا وطويلة
رامى: دا شايل شنطة كبيرة قوى على ضهره ، على فكرة بقى دا لا سانت كلوز ولا بابا نويل عارفين دا مين؟؟؟ دا القديس نيقلاوس، انتوا مش عارفين حاجة
شادى: مين؟؟؟ القديس نيكولاوس؟؟؟؟ بقوللك بابا نويل تقوللى قديس؟؟؟؟؟ انت بتقول ايه يا رامى!!!
شادى: أهلاً يا سانت كلوز ازيك
مارينا (تزاحمه الكلام): أهلاً يا بابا نويل معلهش أصله فاكرك سانتا كلوز
رامى (يصحح أخطائهم): أهلاً بيك يا قديس نيكولاوس أنا قلت لهم ان انت القديس نيقولاوس ما صدقونيش
مارينا : بس يا شادى، بس يا رامى سيبوه هو يقوللنا هو مين؟؟؟ و ح تشوف انه ح يطلع بابا نويل زى ما أنا قلت (وتسأل مارينا الأولاد المشاهدين للمشاركة معهم): انتوا ايه رأيكم يا أولاد دا مين؟؟؟؟؟ ردوا بأعلى صوت : دا بابا نويل؟؟؟؟؟؟ .......رد الأطفال / دا سانتا كلوز؟؟؟؟؟ / دا القديس نيكولاوس؟؟؟؟؟؟؟
بابا نويل: بس بس يا أولاد أنا ح اقوللك انا مين:أنا فعلاً بابا نويل
مارينا: مش قلت لكم!! صدقتونى؟؟؟
بابا نويل : وكمان انا سانتا كلوز
بابا نويل : وكمان انا سانتا كلوز
شادى: هيييييييه زى ما انا قلت انا شاطر
بابا نويل : وكمان القديس نيقولاوس
بابا نويل : وكمان القديس نيقولاوس
رامى: دا انا اللى صح
بابا نويل : انتوا ال3 يا اولاد صح، ال3 أسامى دى هى الأسامى بتاعتى بس يمكن أكتر اسم الناس بتنادينى بيه هو بابا نويل أو كمان سانتا كلوز لكن ما حدش كتير يعرف انى القديس نيكولاوس
رامى : ايه دا وايه حكاية الأسامى دى كلها؟؟ ممكن تحكيها لنا يا بابا نويل .... قصدى يا سانتا كلوز ......قصدى يا قديس نيكولاوس..... انا اتلخبطت مش عارف أقوللك ايه.
بابا نويل : بصوا يا أولادى أنا ح حكى لكم حكايتى وبالتفاصيل المملة كمان عايزين تعرفوها؟؟؟؟؟؟ يسأل الأولاد الحقيقيين عايزين ولا مش عايزين؟؟؟؟؟؟؟؟
بابا نويل : طيب شوفوا بقى أنا بابا وماما بتوعى كانوا ناس أغنية قوى وكانوا بيحبوا ربنا قوى وبيعطفوا على الفقراء والمساكين وماكانش عندهم أولاد خالص وبعد ما كبروا وعجزوا ربنا أراد انه يديهم ولد اللى هو أنا وربونى احسن تربية وعلمونى فى الكنيسة وكنت بحب الكنيسة قوى وكنت شاطر قوى وياما اتعذبت على ايدين الامبراطور دقلديانوس الشرير اللى كان بيجبرنا اننا نعبد الأوثان وكان ربنا بيشفينى كل مرة.
مارينا : إيه دا كنت بتتعذب زى القديسين بتوعنا مارجرجس ومارمينا وكدا؟؟؟؟؟
بابا نويل : أيوه بالضبط كدا لكن كان ربنا كل مرة بيشفينى لحد ما الوالى مات وجه مكانه واحد تانى.
شادى : طيب مين اللى سماك بابا نويل والأسامى دى جت منين؟؟؟
بابا نويل : الناس هى اللى سمتنى بالاسم دا.
بابا نويل دى اصلاً كلمة فرنساوى عارفين معناها ايه؟؟ معناها أب الميلاد عشان انا كنت بركب العربية بتاعتى اللى بتجرها الغزلان بتوعى عشان افوت على الناس وقت عيد الميلاد واديلهم هدايا احدفها عليهم من المدفأه بعد ما أحط الهدية فى شراب صوف أروح للمدفأة من غير ما حد يشوفنى وارمى اللعب لكل الأولاد اللى لما بيصحوا بيلاقوها بيفرحوا قوى قوى.
عارفين يا أولاد انا كمان كنت بابقى فرحان قوى لما كنت بشوف فرحة الأولاد الصغيرين دول باللعب والهدايا وكنت بحاول انى كل سنة أديلهم الهدايا وكانوا بيستنونى كل سنة مع بداية السنة الجديدة عشان يشوفوا هديتهم ويقولوا يا ترى بابا نويل جاب لنا ايه السنة دى
رامى : طيب وكنت بتجيب الفلوس دى كلها منين يا بابا نويل؟؟؟
بابا نويل : ما انا قلت لكم أهلى كانوا أغنية وانا كنت بآخد الفلوس دى أستعملها فى الخير وكنت بدى كمان المحتاجين
مارينا : طب وشكلك ولبسك الأحمر دا مين اللى عملهولك؟؟؟؟؟؟
بابا نويل : ابداً دا كان راجل رسام رسم لى صورة بالشكل دا: لابس طرطور أحمر وبدلة حمراء وبجزمة بوت سودة طويلة وذقنى بيضة .... يعنى زى ما انتوا شايفين هو دا الشكل اللى رسمنى بيه ومن ساعتها بقى هو دا الشكل المعروف عن بابا نويل.
بابا نويل : وعارفين كمان قبل ما اجيب العربية اللى بيجرها الغزلان عارفين كنت بركب ايه؟؟؟؟؟؟ كنت بركب على حمار طيب كان بيشيلنى وانا تخين وتقيل وكمان شايل الهدايا، كنت بتعبه معايا قوى
مارينا : يااااااه بس انت كدا بتتعب قوى يا بابا نويل
(الثلاثة بصوت واحد): صحيح؟؟؟ ايه هى يا ترى؟؟؟؟؟
بابا نويل : انتوا شكلكم أولاد حلوين وبتسمعوا الكلام ومش بتعملوا دوشة عشان كدا أنا ح أديكم كل واحد هدية من الهدايا اللى معايا عشان كل سنة وانتوا طيببين راس السنة الجديدة 2022بكرة ، خدوا بقى كل واحد هديته .
ويتجه بكلامه للأولاد : وانتوا كمان ما تخافوش أنا جايب لكل واحد هدية حلوة قوى ح تعجبكم و ح أديهالكم دلوقتى بس على شرط لو لاقيتكم بتعملوا دوشة مش ح أوزع حاجة و ح أروح على كنيسة تانية يكون فيها الأولاد هاديين عشان اديلهم الهدايا بتاعتى .
بابا نويل : انتوا ال3 يا اولاد صح، ال3 أسامى دى هى الأسامى بتاعتى بس يمكن أكتر اسم الناس بتنادينى بيه هو بابا نويل أو كمان سانتا كلوز لكن ما حدش كتير يعرف انى القديس نيكولاوس
رامى : ايه دا وايه حكاية الأسامى دى كلها؟؟ ممكن تحكيها لنا يا بابا نويل .... قصدى يا سانتا كلوز ......قصدى يا قديس نيكولاوس..... انا اتلخبطت مش عارف أقوللك ايه.
بابا نويل : بصوا يا أولادى أنا ح حكى لكم حكايتى وبالتفاصيل المملة كمان عايزين تعرفوها؟؟؟؟؟؟ يسأل الأولاد الحقيقيين عايزين ولا مش عايزين؟؟؟؟؟؟؟؟
بابا نويل : طيب شوفوا بقى أنا بابا وماما بتوعى كانوا ناس أغنية قوى وكانوا بيحبوا ربنا قوى وبيعطفوا على الفقراء والمساكين وماكانش عندهم أولاد خالص وبعد ما كبروا وعجزوا ربنا أراد انه يديهم ولد اللى هو أنا وربونى احسن تربية وعلمونى فى الكنيسة وكنت بحب الكنيسة قوى وكنت شاطر قوى وياما اتعذبت على ايدين الامبراطور دقلديانوس الشرير اللى كان بيجبرنا اننا نعبد الأوثان وكان ربنا بيشفينى كل مرة.
مارينا : إيه دا كنت بتتعذب زى القديسين بتوعنا مارجرجس ومارمينا وكدا؟؟؟؟؟
بابا نويل : أيوه بالضبط كدا لكن كان ربنا كل مرة بيشفينى لحد ما الوالى مات وجه مكانه واحد تانى.
شادى : طيب مين اللى سماك بابا نويل والأسامى دى جت منين؟؟؟
بابا نويل : الناس هى اللى سمتنى بالاسم دا.
بابا نويل دى اصلاً كلمة فرنساوى عارفين معناها ايه؟؟ معناها أب الميلاد عشان انا كنت بركب العربية بتاعتى اللى بتجرها الغزلان بتوعى عشان افوت على الناس وقت عيد الميلاد واديلهم هدايا احدفها عليهم من المدفأه بعد ما أحط الهدية فى شراب صوف أروح للمدفأة من غير ما حد يشوفنى وارمى اللعب لكل الأولاد اللى لما بيصحوا بيلاقوها بيفرحوا قوى قوى.
عارفين يا أولاد انا كمان كنت بابقى فرحان قوى لما كنت بشوف فرحة الأولاد الصغيرين دول باللعب والهدايا وكنت بحاول انى كل سنة أديلهم الهدايا وكانوا بيستنونى كل سنة مع بداية السنة الجديدة عشان يشوفوا هديتهم ويقولوا يا ترى بابا نويل جاب لنا ايه السنة دى
رامى : طيب وكنت بتجيب الفلوس دى كلها منين يا بابا نويل؟؟؟
بابا نويل : ما انا قلت لكم أهلى كانوا أغنية وانا كنت بآخد الفلوس دى أستعملها فى الخير وكنت بدى كمان المحتاجين
مارينا : طب وشكلك ولبسك الأحمر دا مين اللى عملهولك؟؟؟؟؟؟
بابا نويل : ابداً دا كان راجل رسام رسم لى صورة بالشكل دا: لابس طرطور أحمر وبدلة حمراء وبجزمة بوت سودة طويلة وذقنى بيضة .... يعنى زى ما انتوا شايفين هو دا الشكل اللى رسمنى بيه ومن ساعتها بقى هو دا الشكل المعروف عن بابا نويل.
بابا نويل : وعارفين كمان قبل ما اجيب العربية اللى بيجرها الغزلان عارفين كنت بركب ايه؟؟؟؟؟؟ كنت بركب على حمار طيب كان بيشيلنى وانا تخين وتقيل وكمان شايل الهدايا، كنت بتعبه معايا قوى
مارينا : يااااااه بس انت كدا بتتعب قوى يا بابا نويل
(الثلاثة بصوت واحد): صحيح؟؟؟ ايه هى يا ترى؟؟؟؟؟
بابا نويل : انتوا شكلكم أولاد حلوين وبتسمعوا الكلام ومش بتعملوا دوشة عشان كدا أنا ح أديكم كل واحد هدية من الهدايا اللى معايا عشان كل سنة وانتوا طيببين راس السنة الجديدة 2022بكرة ، خدوا بقى كل واحد هديته .
ويتجه بكلامه للأولاد : وانتوا كمان ما تخافوش أنا جايب لكل واحد هدية حلوة قوى ح تعجبكم و ح أديهالكم دلوقتى بس على شرط لو لاقيتكم بتعملوا دوشة مش ح أوزع حاجة و ح أروح على كنيسة تانية يكون فيها الأولاد هاديين عشان اديلهم الهدايا بتاعتى .
ويبدأ ينزل ويوزع الهدايا على الأولاد .
جروب نصوص واسكتشات مسرحية الرب يعوض كل من له تعب فى الخدمة .