اسكتش العرايس الثلاثة

العرايس الثلاثة

اهداف الاسكتش  :

1- اهمية العطاء فى حياتنا ومهما كانت الظروف ربنا قادر ان يغيركل شئ للافضل .

2- علينا ان ننظر الى احتياجات الاخرين حتى لو كانت حاجه بسيطة .

3- محبة الاخرين والبحث عن خلاصهم ايضا وافتقادهم .

	الراوى	لما قرب عيد الميلاد وقرب منتصف الليل  دخل الاب الاسقف الكنيسة وكان يتامل فى مجىء رب المجد لأرضنا
(يدخل الاسقف وينحنى 3 مرات وهو يرنم بفرح بصوت منخفض)
	الاسقف	نسجد لك أيها المسيح مع أبيك الصالح والروح القدس لآنك أتيت وخلصتنا أحسبنى يا مخلصى مع المجوس لقد أرسلت لهم ملاك منير فى شكل نجم لتجذبهم لحبك . هب لى ياربي أن أقدم لك حياتى لتقبلها تقدمة حب اسمح لى أن أدخل مع الرعاة الساهرين لأقدم لك كل شعبك هب لى ياربى أن أسهر على خلالاصهم كم أتألم لآلامهم كم يلتهب قلب عندما ينحرف أحد منهم لأموت معك من أجلهم وليعيشوا هم لك ومعك وفيك أيها الحياة الحقيقية .
(صمت دقيقة وتنهد بصوت عالى)
	الاسقف	أيه الصوت ده دا صوت شخص واضح انه تعبان قوى  ....لما اروح اشوفه ماله.... (يتحرك ناحية الهيكل) لا ..... مينفعش أقطع صلاته وصراخه لربنا واكيد هايتحرج منى
(يقطع كلام الاسقف كلام الشخص الاخر)
	الاب	أه ه ه ه أيها الطفل مولود المزود العجيب .... أنت هو الحب كله أنت كنزى وغناى يارب أنا عمرى ماتذمرت وعمرى يارب مانسيت محبتك ورعايتك ليا ياربي محدش يعرف أحتياجاتى غيرك أنا يارب مش عايز أسأل حد غيرك أنت الراعى الصالح ولكن .... (بضيق والم) بنتى ... بنتى يارب عايزة تنكر الايمان بيك عشان تتجوز راجل وثنى أنا يارب مش عارف أوم بدورى كأب ليها ... ماعنديش فلوس يارب عشان أشترى ليها أحتياجاتها عشان تتجوز واحد مسيحى يارب مرقس الوثنى يارب بيغويها بماله عشان يتجوزها اعمل اية يارب ؟؟أعمل اية ؟؟؟ (بضيق والم) هى يارب عايزة تتجوزه ومش فارق معاها إيمانها وخلاصها الابدى مخازنك متسعة يارب مد أيدك لينا يارب عشان تتجوز واحد من ولادك أرشدنى يامخلصى عشان متهلكش مارجو ولااخوتها الاثنين (ببكاء  شديد ) خذ نفسي يارب ... ومتسمحش بهلاك بناتى .... هما بناتك ياربي فرح قلبي يارب مش بجوازهم لأ بخلاصهم عايزهم يارب عرايس مقدسين ليك أيها العريس الابدى (يسجد الرجل ويبكى وينتحب)
	الاسقف	(يبكى ويعمل ميطانية) دى خطيتك يانيقولاوس البائس لو كنت أب حقيقى كنت عرفت أحتياجات هذا الرجل وبناته الثلاث أخطات يامخلصى الصالح اخطأت أرجوك ياربي ماتسمحش أن حد من بناته تهلك ارشدنى يارب وارشده نعمل اية ؟؟ (يكتم الاب تنهداته حتى لايشعر الرجل به – ويركع  ) أرجوك يامولود المزود العجيب أدينى مشورتك
	الاسقف	أقل واجب أنا ممكن أعمله أنى أساعد الراجل ده يجوز بنات الراجل ده طب أزاى أقدم له مال ؟ أزاى وهو واضح أنه كله حياء .... عمره ما هيقبل أى عطية وخاصة منى .. أكيد هايقولى فى ناس محتاجة أكثر منى ... أعمل اية رابي
	الراوى	وانشغل الأب الاسقف بهذا الرجل ومشكله بناته الثلاث لكن كيف سيتصرف هذا الاسقف ؟؟؟؟
	مارى	أيه الكيس الغريب ده .... ده كما عليه كارت العيد باسم مارجو   راسله الى مارجو مارجو يامارجو
	مارجو	نعم يامارى
	مارى	ليه راميه كيسك على الارض
	مارجو	كيس ... (باستغراب) كيس أية يامارى ؟
(تعطى مارى الكيس لمارجو ) (وتمسك مارجو الكيس)
	مارجو	بابا ... يابابا
	الاب	نعم يامرجو خير فى اية ؟
	مارجو	(بتعجب) مارى يابابا لاقيت الكيس ده على الأرض جمب الشباك ومعاه الظرف ده
	الاب	طب ماتفتحى الظرف يامارجو (تنظر مارجو لابيها وتفتح مارجو الظرف)
	مارجو	أبنتى المباركة مارجو ... هذه هدية مُقدمة من ذاك الذى يحبك دى هدية بسيطة يقدمه لكى ذاك الذى من اجلك صار انسان ليقيم منكى شريكة له فى المجد  الابدى لأجلك افتقر وولد فى مزود لكى يغنيكى الى الابد أنه عريس نفسك الذى يطلب جمال إنسانك الداخلى الذى لن يشيخ ابداً اقبلى هذه العطية البسيطة من ذاك الذى قدم حياتهكلها فدية عنكى انها هدية لزواجك فى المسيح يسوع مقدسك
	مارجو	أرحمنى يارب وأغفر لى خطيتى ... أرحمنى يارب ..ازاى يارب كنت هابيعك وانكر الايمان عشان اتجوز واحد وثنى بابا ( وهى تبكى )
(مارجو تسجد على الارض وتبكى بشدة وتقرع صدرها ) ترنيمة جه علشانك
	مارجو	انا رايحة للانبا نيقولاوس عشان اعترفه بكل حاجة ............اشكرك يامن تهتم بخلاص نفسي اشكرك
	الاب	يلا كلنا نروح لابونا الاسقف عشان نحكيله قصتنا الغريبة دى ونطلب منه يعمل لينا قداس شكر لربنا المحب للبشر والسامع ليهم فى ضيقاتهم .
(تدخل الأسرة كلها ويظهر الأنبا نيقولاوس وحده- وعندما تدخل العائلة يستقبلهم الاسقف بفر كبير )
	الاب	سلام ياسيدنا
	الاسقف	اهلا اهلا يا ابو ماجو أهلا يامارجو
	مارجو	عندى حاجة غريبة ياسيدنا عايزة احكيها لك ..
	الاسقف	تعالى يابنتى .....  ناخد بركة
(يدخل الكاهن ومارجو تبكى من شدة الفرح والندم ) وتشتغل   ترنيمة لللتوبة
	الاسقف	ياه أما قصة غريبة ... معلش يابنتى ربنا يحاللك ... ربنا حنين قوى على ولادة .... بس ياترى مين الشخص الكريم ده اللى ربنا بعته فى وقته ده .
	مارجو	فعلا ياابى ربنا ده حنين قوى أنا نفسي اعمل قداس شكر لربنا
	الاسقف	ربنا يحالك يابنتى .... معلش يابنتى ..... ووعد منى
	الراوى	وبعد ايام اتقدم شاب مسيحي وخطب مارجو وبارك ابونا الاسقف الخطوبة والاكليل . وبعد ها بايام حصلت حاجة غريبة تانى قوى
(الكيس يترمى امام البيت )
	مارى	اية الكيس ده واية الظرف والكيس ده ... دا شبه الكيس والظرف بتاع مارجو اللى لاقيناه قبل كدا بابا يابابا (تفتح الكيس وتقرا الظرف)
	الاب	اشكرك يارب ... انت فعلا اب حنين بس مين ياترى الراجل الكريم اللى بيحب يساعدنا فى السر ده انا لازم اعرف مين الراجل الكريم ده اللى ربنا حنن قلبه عشان يفرحنا
	الراوى	وفرحت الأسرة جدا بزواج الابنه الثانية مارى ولكن الرجل قرر أنه لازم يعرف مين الراجل الكريم ده الى بيساعده وبيفرحه فى عيد الميلاد
	الراجل	أنا لازم أراقب الشباك عشان أشوف مين ببيساعدنا ومهتم بينا قوى
	الراوى	وفعلا جه الراجل الكريم عشان يساعد فى جواز البنت الثالثة ... وكانت المفاجئة
( يظهر الراجل الكريم ويرمى الكيس من الشباك)
	الراجل	أدى الراجل اهه لما اجرى الحق الراجل قبل مايمشى
( ويخرج الاب عشان يلحق بالراجل وفعلا يلحقة ويمسكه)
	الراجل	أنت مين ؟ ولية كل المساعدات دى عشان تنقذنا
( يدقق الاب النظر فى الجل الكريم ثم يسجد له)
	الاب	اية دا انت ابى نيقولاوس
(الاسقف يقيم الراجل ويحتضنه)
	الاسقف	انت ليه بتشكرنى كلكم ولادى وبناتى وربنا حب يفرحكم فى ميلادة فعرفنى كل حاجة عنكم
(الاب يبكى من شدة التاثر )
	الاب	اشكرك يارب
	الراوى	وطلب الاسقف ان الاب مايقولش لحد عن الموضوع الا بعد نياحته ودى كانت قصة الانبا نيقولاوس اسقف مورا او شخصية سانتا كلوز او بابا نويل اللى بيحب يفرح الناس فى عيد ميلاد ربنا يسوع اللى جه على الارض واتجسد عشان بيحبنا.

جروب نصوص واستكشات مسيحية للخدمة الرب يعوض كل من له تعب  فى الخدمة