مقدمة كورال لحفلة راس السنة والميلاد
مقدمة كورال لمراحل حضانة لحفلة رأس السنة والميلاد
مقدمة حفلة رأس السنة
بسم الاب والابن والروح القدس الاله الواحد أمين .
احنا جايين النهارده عشان نودع سنة ونرحب معاكم بسنة جديدة موجود فيها بابا يسوع وهنقول خليك معانا يا بابا يسوع واحفظنا من بداية السنة وخلى ايديك فى ايدينا عشان نمشى معاك علطلول وتحفظنا من اى شرور وتحفظ كنيستنا وعليتنا واصحابنا وقرايبنا .
مقدمة اخرى حفلة رأس السنة
سنة عدت من عمرى ياربى وبلاقيك دايما جوه فى قلبى احفظ اهلى وكل حبايبى ده انت معانا فى كل خطوة وعمرك ما بتنسانا فى اى لحظة وخليك معانا دايما فى كل سنة .
واحنا جايين النهارده عشان نبدا سنة جديدة وانت معانا وجوه قلوبنا .
مقدمة اخرى فى حفلة راس السنة
بابا يسوع دايما بينادى انا معاكم دايما يا احبابى من اول السنة لحد اخرها عمرى ما هنساكم فى اى لحظة واحنا جايين النهارده عشان نشكرك يا بابا يسوع عشان ديما بتحافظ علينا ونطلب منك انك تحافظ علينا وتاخد بالك من كل اللى معانا عشان انت دايما راعينا وكمان دايما فى وسطينا .
مقدمة حفلات لعيد الميلاد لمرحلة حضانة
- بابا يسوع فى المزود بينادى اهلا بيكم يا اولادى انا النهارده عيد ميلادى مستنيكم دايما وانتوا معايا نحتفل بعيد ميلادى عشان نفرح مع بعض وتكونوا دايما معايا .
- هس هس صوت ملايكة بتنادى اسمع الصوت هتلاقى عيد ميلاد بابا يسوع فى بلادى وجايين نحتفل النهارده بأجمل ميلاد فى الدنيا ميلاد مخلص البشرية يسوع المسيح فاديا .
- رايحين وجايين بسرعه عشان نحتفل كل شوية بعيد ميلاد المسيا ونطلب من بابا يسوع انه يبقى فى وسطينا واحنا فرحانين ورايحين المزود عشان نحتفل مع ماما العدراء بعيد ميلاد بابا يسوع ونقولهم كل سنة وانتم طيبين .
- عمانوئيل فى وسطنا ده بابا يسوع دايما معانا ومن اجلنا اتولد عشان يباركنا وفى عيده نقوله خليك وسطينا واحفظنا من كل شر ده احنا دايما بنحبك وانت دايما بترعانا .
مقدمات رأس السنة مرحلة ابتدائى
- بداية سنة جديدة جاية وسنة فاتت عدت علينا يارب ابدأ معانا وخليك دايما فى وسطينا ده خليها سنة حلوه وانت فيها خليها سنة سعيدة علىكل واحد فينا وحافظ على بيتك وبيتنا وابدأ معانا سنة وحياة جديدة واحنا هنيجى ونفتح معاك صفحة جديدة ده انت الهنا وحامينا .
- دايما يارب معانا طول العمر وهندى على امرصعب وسنة فاتت وانت حافظنا من كل شر والسنة هتبقى سعيدة بوجودك واحلامنا كلها معاك فى وجودك ده انت اغلى ما فى حياتى وهنرمى كل حاجه وحشة بعيده وهنبدا سنة معاك سعيدة .
- كنيستى معاكى سنة جديدة وسنة فاتت عدت وانتى فينا حبينا ندخل سنة جديدة وكنيستنا وسطينا وبابا يسوع وملاكته بترفرف علينا وهنقول سنة ورا سنة وحبى ليك يارب بيزيد ده انت دايما حبك مالينا وعطفك وحنانك فى كل يوم علينا .
- باقة من الورود بقدوم السنة الجديدة حبينا يارب نقدمها ليك وانت وسطينا ده انت مالينا بحبك لينا احفظنا من كل شر وابدا معانا بسنة جديدة هنرمى كل همومنا وهنرضى بكل ما فينا ارفع عنا كل ما يغوينا واحفظ كنيستك وابونا راعينا ومد ايديك فى اول خطوه لينا واجعل بداية سنة جديدة سعيدة علينا .
- شايفين السنة قدامنا بتعدى وهنبدا سنة حلوه جاية بتنادى انا هنا يا اصحابى تعالوا معايا نروح لبابا يسوع يبدا معانا سنة جديدة ويحافظ علينا واحنا جايين ننادى ليكم بسنة حلوه وسعيدة وهنصلى لبابا يسوع يحل وسطينا ونبدا حياة وايام وسنة جديدة هننسى كل الماضى وهنبدا مع ربنا ويسمعنا ويحافظ علينا ده اولاده وهو راعينا .
- صفحة جديدة بيضا وفاضية هى بداية سنة جديدة هنكتب فيها حاجات كتيره وحاجات ربنا يكون راضى علينا هنرنم بصوت عالى تعال يا ربنا وابدا معانا ده السنة هتبقى حلوه وجميلة وانت فى كنيستنا راعينا ودايما موجود فى حياتنا وحافظ بيوتنا واهالينا وهنادى بصوت حنون دا راعينا بابا يسوع معانا وشايفنا واحنا هنرنم بصوت مسموع سنة جديدة عليكم حلوه وعلينا وعلى بيوتنا واخوتنا واصحابنا ومع ربنا يسوع هتبقى جديدة وجميلة .
مقدمات عيد الميلاد مرحلة ابتدائى
- فى عيد ميلادك يا بابا يسوع جايين وفى ايدينا شموع هتمسح من عيونا الدموع وهتتولد جوه قلوبنا وهنادى باعلى صوتنا ده ميلادك يارب ملا الفرح قلوبنا غير كل حاجه وحشه فى حياتنا واجعل الفرحة تغمرنا احفظنا واحفظ بيوتنا وهنقيد كل الشموع وهنصلى بكل خشوع وهنقول كل سنة وانتوا طيبين بعيد ميلاد بابا يسوع .
- ملايكة السما فرحانة هتنادى بصوت مسموع عيد ميلاد يسوع المجد لله فى الاعالى ده السلام دايما على الاراضى واحنا جايين نهارده هنقول لكل شعوبنا ربنا اتولد عشاننا واحنا جايين مع الرعاة سهرانينو ملايكة فرحانين ومهللين وكمان المجوس ساجدين وكلنا جايين نقول عيد ميلاد سعيد وكلنا هنكون فرحانين عشان بابا يسوع جاى لينا .
- حبك يا بابا يسوع اتولد جوانا عشان انت من اجلنا مولود عشاننا وجايين بسرعه للمزود ننادى تعالى يارب معانا وحل فينا ده كل السما فرحانه وكمان الملايكه جايه وسهرانه عشان تنادى بالسلام فى بيوتنا وارضينا واحنا جايين فى كنيستنا عشان نشوفك ونحتفل بعيد ميلادك جايين ننادى بصوت مسموع المجد لله فى الاعالى واعلام السلام مرفوع فوق كل الارض والجموع يارب احفظنا واحفظ بيوتنا واحفظ راعينا وملاك كنيستنا وعام سعيد ويوم مجيد على موجود وسطينا .
- يوم ميلاد الفادى ده يسوع هو الغالى كلنا جايين يا اخواتى عشان ننادى ونقول ده عيد ميلاد الهنا الحنون كل سنة واحنا طيبين وجايين كمان فرحانين زى الملايكة المهللين والمجوس اللى جايين من بعيد وكمان ساجدين واحنا عشان نفرحكم جايين دلوقتى نحتفل معاكم بعيد ميلاد بابا يسوع شوفوا وبصوا لفوق هتلاقوا اسمه مرفوع وفى السما موضوع وهنصلى عشان نفرح باليوم السعيد احفظنا واجعنا فرحانين .
- شوفوا النونو جاى من بعيد يا ترى هيبقى مين السعيد ده هو بابا يسوع جاى لينا ينادى علينا تعالوا شوفوا عيد ميلادى واحنا هنبقى معاكم النهارده نرنم ونرتل لبابا يسوع وهنسمع صوت الملايكة بتقول ده تمجيدك يارب فاق العقول حافظ علينا وعلى اهالينا ده انت اتولد عشان تحمينا من كل شر حوالينا .