اسكتش بداية الدراسة واستقبال الفصل الجديد ف الكنيسة
ااهداف الاسكتش
1- الاستعداد للمدرسة والمذاكرة .
2- ازاى نستقبل بعضينا فى المدرسة والكنيسة فى الفصل الجديد .
3 - احترام الكنيسة واحترام اصحابنا ومش نتريق على حد
شخصيات الاسكتش
( مرمر- ميشو - شمشون- مس دميانة- ملاك _ سفروت - ماما نادية)
بداية الاسكتش
يتدخل ماما نادية عشان تصحى سفروت يروح مدارس الاحد قبل بداية المدرسة
ماما نادية : يا سفروت يا سفروت اصحى بقى كفاية نوم عشان تروح الكنيسة ومدارس الاحد
سفروت: يا ماما يا ماما خلينى نايم شوية تانى انا تعبان خالص كنت سهران امبارح
ماما: سهران ليه بقى مش قولنا بلاش سهر عشان تقدر تصحى وكمان بتقعد تلعب على التليفون اليوم كله وده كمان هيتعب عينيك متعرفش كدا ولا اى
سفروت : تصدقى صح يا ماما انا عنيا تعبتنى امبارح وانا علطلول كنت حاططهم فى التليفون .
ماما: شايف بقى مش قولتلك بلاش كدا وانت مش تسمع الكلام يلا بقى عشان تروح الكنيسة وكفاية نوم .
سفروت : يا ماما نهاردة مش هنعمل حاجه جديدة هنتوزع فى الفصول الجديدة ونتعرف على المس فى الفصل يعنى عادى نخلبها الاسبوع الجاى بعد ما نخش المدرسة.
سفروت: لا طبعا مينفعش لازم تشوف اصحابك هناك وتتعرف عليهم وكمان تتعرفوا على المس اللى هتكون معغكم فى الفصل الجديد.
سفروت حاضر يا ماما وانا يعنى هقابل مين من أصحابى اكيد هشوف صاحبى شمشون الجبار اللى عامل نفسه جبار وهو زى الخشبة هههههه وكمان هقابل الولد اللى اسمه ملاك وهو عامل نفسه ملاك بس شيطان هههههه
ماما نادية : لا مينفعش كدا يا سفروت تتريق على حد ده غلط لازم تحترم اصحابك وكل الناس عشان احنا ربنا خلقنا زى بعض ومينفعش نقول عليهم كلام زى كدا لازم نحترم مشاعر بعض وكمان نحافظ على بعض .
سفروت : حاضر يا ماما انا اسف هقوم دلوقتى عشان اروح الكنيسة
ماما : اهى مرمر صاحبتك وميشو كمان جايين بينادوا عليك يلا بقى عشان مستنينك تخرج معاهم.
تدخل مرمر وميشو
مرمر : ما يلا يا عم سفروت هو انت علطلول بتخلينا نتاخر كدا مفيش مرة تبقى جاهز ونروح علطلول
مبشو : سفروت يا مرمر بيسهر وبيقعد قدام الكمبيوتر والموبايل كتير وقولتله بلاش عشان متتعبش
بدخل سفروت عليهم
سفروت: اهلا يا اصحابى ازيك يا ميشو ازيك يا مرمر
مرمر: يلا يا عم سفروت مش ناقصة تأخير
سفروت: عادى يا مرمر هو القداس لسه بدرى يعنى فيها ايه اما نروح على التناول لازم نروح يعنى ف الاول.
ميشو : اومال ايه ياعم سفروت لازم نحضر القداس من اوله وناخد بركته مش حلو اما نيجى متاخر .
مرمر: صح يا ميشو لازم نيجى بدرى ونصلى القداس من أوله لو كلنا عملنا كدا يبقى محدش هيروح القداس خالص.
سفروت: خلاص يلا بينا انا جاهز
يخرج الجميع
تدخل مس دميانة ويدخل سفروت ومرمر وميشو وملاك وشمشون
مس نادية: ازيكم يا اصحابى ف الفصل الجديد انا مبسوطة انكم معايا انا مس دميانة اللى هبقى معاكم فى الفصل الجديد وانتوا اكيد كنتوا مع بعض السنة اللى فاتت بس بردو تحب اتعرف عليكم وتحكولى تحبوا نعمل ايه مع بعض فى الفصل بتاعنا ونتعلم مع بعض وهنلعب مع بعض كمان
سفروت : ايوه يا مس انا بحب اللعب كتير ياريت نلعب علطول ونبقى مبسوطين كدا
ملاك : استنى يا سفروت نشوف مس دميانة هتقولنا ايه
سفروت : ياعم ملاك انت ولا شيطان اسكت ماليكش دعوه
شمشون : شوفتى يا مس اهو سفروت على كدا بيحب يتريق علينا ومش وراه غير اللعب
سفروت: وانت مالك يا عم شمشون الجبار متخاليك فى نفسك وانت عامل زى البوصة كدا
مس نادية : طيب يا اولاد خلاص كدا اقعدوا تعال يا سفروت اقف جنبى كدا
يقرب سفروت من المس دميانة
مس دميانة : دلوقتى يا اصحابى هقول لسفروت حاجة وهو يحكم بنفسه عليها ماشى يا سفروت
سفروت ماشى يا مس
مس دميانة : لو حد يا سفروت وانت ماشى مع اخوك الصغير وفجاه كدا قعد يضحك عليه ويتريق هتبقى مبسوط بردو ولا هتتضايق بسبب كدا.
سفروت: لا طبعا هضايق مش بحب حد يتريق ويضحك على اخويا مينفعش انا هكسره.
مس نادية : طيب يعنى يا سفروت ينفع تضحك على اصحابك وتتريق عليهم ومش نحترمهم
سفروت: عادى يا مس انا بهزر معاهم
مس دميانة: لا يا سفروت مينفعش ده غلط مش صح هما كدا زعلوا بسبب ضحكك وتريقتك عليهم وبابا يسوع مش عايز اننا نعمل كدا مع حد لازم نحترم بعض.
سفروت: يااه ربنا
مس دميانه: ايوه يا سفروت ربنا بيحبنا بس مش عايزنا اننا نعيب على بعض ونتريق على بعض عشان هو خلقنا على صورته واحنا كدا يبقى بنتريق على الصورة اللى خلقها ربنا واللى هى احنا فلازم نحترم بعض ومش نتريق على بعض.
سفروت : خلاص يا مس انا فهمت مش هعمل كدا تانى.
مس دمبانة : يلا بقى نعتذر ليهم ومش نعمل كدا تانى
سفروت: اانا اسف يا شمشون انا اسف يا ملاك مش هعمل كدا تانى وانتوا اخواتى بردو.
كلاك : خلاص يا سفروت احنا مسامحينك صح يا شمشون
شمشون : ايوه عشان انتا زى اخونا وبنحبك كمان.
مس دميانة : شفت بقى يا سفروت يبقى لازم من دلوقتى اما نروح المدرسة او الكنيسة مينفعش نشوف حد نضحك او نتريق عليه لازم نحترم كل الناس
سفروت صح يا مس مش هنعمل كدا تانى
مس دميانة : تانى حاجه يا اصحابى فى بداية المدرسة لازم نعمل شوية حجات حلوه نتعلمها مع بعض واحنا فى الفصل
شمشون : نعمل ايه يا مس
مس دميانة : لازم ننام باليل بدرى ومش نسهر قدام التلفزيون او الموبايل والكمبيوتر وكمان حاجه تانى مهمة اننا بازم نصلى قبل ما ننام مين فيكم بيصلى قبل ما ينام
توجه السؤال لاطفال مدارس الاحد)
ملاك : انا يا مس بصلى قبل ما انام وكمان بصحى الصبح برشم علامة الصليب وبصلى ابانا الذى
مس دميانة : شاطر يا ملاك واحنا كلنا لازم نعمل كدا نصلى قبل النوم وبعد ما نصحى الصبح كمان
كلهم مع بعض: حاضر يا مس دميانة
مس دميانة : دلوقتى يا حبايبى كمان لازم نستعد للقداس بدرى مينفعش نيجى متاخر
كلهم : حاضر يا مس
مس نادية : وكمان فى المدرسة مينفعش نتخانق مع بعض لازم نحترم بعض ونذاكر دروسنا ودلوقتى يلا عشان نتعرف على بعض اكتر ونلعب مع بعض ويخرج الجميع