اسكتش يونان والسمكة سوسو

 اسكتش يونان والسمكة سوسو ونيمو والحوت 

ده اسكتش ينفع لـ يونان

مغامرات سوسو و نيمو

• السمكة نيمو: صباح الخير يا سمكة سوسو

السمكة سوسو: صباح النور , يلا بقى عاوزين نلعب انهارده و نتفسح

• السمكة نيمو: ايوه بقى بس هنروح نلعب انهارده فين ؟

• السمكة سوسو: ايه رأيك لنهاردة نلعب فى البحر ؟

• السمكة نيمو : دى فكرة حلوه اوووى 

و فعلا ذهبوا الى البحر و بدأ فى اللعب

• السمكة نيمو: دا النهارده الجو حلو اوى و الشمس طالعة

• السمكة سوسو: يا ماما يا ماما انا خايفه اوى يا نيمو

• السمكة نيمو : ليه فى ايه بس !!!

• السمكة سوسو:تعالى نشوف, ايه دا !! دا حوت كبير اوى

• السمكة نيمو:بس شكلة تعبان

• السمكة سوسو: طب يلا بينا نهرب قبل ما يشوفنا

• الحوت: الحقونى , ساعدونى , انا تعبان اوى 

• السمكة نيمو: ايه رأيك نروح نشوف ماله؟

• السمكة سوسو : ماشى حتى كمان نعمل زى بابا يسوع كان اما بيشوف حد تعبان كان بيساعدوه

• السمكة نيمو : مالك ياعم الحوت بس شكالك تعبان اوى

• الحوت :انا بطنى وجعانى اوى

• السمكة نيمو:طيب نقدر نساعدك ازاى ؟

• الحوت: مش عارف بس خليكوا جمبى

و بعدين حصل حاجة غريبة اوى فى الوقت دا

• السمكة سوسو: شايفة يا نيمو حصل اية للحوت

• السمكة نيمو :دا طلع من بطنة انسان 

• الحوت: اه اخيرا استريحت كان بقالى 3 ايام تعبان

• السمكة سوسو: انت مين يا عم 

• الرجل : انا اسمى يونان انا حقول لكم انا حصلى اية الايام الى فاتت دى

• الحوت : اه ياريت تحكى كل حاجة عشان انت كنت تعابنى اوى يا يونان

• يونان:انا كنت عايش فى اسرائيل,فى يوم من الايام ربنا قالى روح بلد اسمها نينوى

• السمكة سوسو:طيب ورحت البلد دى؟

• يونان: استنى بس يا سوسو اكملك القصة, انا كنت عارف ان الناس الى هناك دول وحشين اوى,رحت ركبت السفينة ورحت مكان تانى

• السمكة نيمو: المكان دا اسمة اية؟

• يونان : حصل حاجه غريبه اوى فى السفينة

• الحوت: حصل اية؟

• يونان:مرة واحدة كدة لقينا البحر اتقلب وجات علينا رياح و صوت هوا جامد اوى

• السمكة نيمو: كل دا حصل ! كمل يا يونان

• يونان:الناس خافوا ان السفينة تغرق و كلنا نموت واحد منهم قال احنا نعمل قرعة عشان نعرف مين السبب فى كده

و فعلا عملوا قرعة ووقعت عليا , قاللولى نعمل اية فيك عشان البحر يسكوت ؟ قلت لهم ارمونى هو دا الحل عشان انا عارف كل دا بسببى

الحوت:و بعد كدة رموك فى البحر صح

• يونان:ايوه و البحر بقى كويس و قابلتك يا حوت

• السمكة سوسو: اه عشان كدة الحوت كان تعبان اوى

• الحوت: قولى يا يونان كنت بتعمل اية و انت فى بطنى

• يونان: انا كنت بصلى طول الوقت دا

• السمكة نيمو: و ناوى تعمل ايه دلوقتى

• يونان:انا هروح نينوى و اسمع كلام ربنا

• السمكة سوسو:احنا مبسوطين اوى ان احنا عرفنا قصتك الحلوة دى يا يونان

• السمكة نيمو :بس احنا لازم نرجع لبيتنا دلوقتى

• يونان: و انا كمان لازم اروح المدينة دلوقتى باى باى يا اصحابى

#منقول_من_بيدج_منتدى_مدارس_الاحد