اسكتش جميل جدا لاحد الكنوز
احد الكنوز من الصوم الكبير
الاسد وتعلوب مناسب لمراحل ابتدائى ممكن تعملوه فى الافتتاحية وينفع تعملوه عرايس ويعرفوا معنى احد الكنوز
ربنا يعوض كل من له تعب فى الخدمة
منقول من جروب نبض الخدمة
الأشخاص 👫🌺
الاسد 🐅�تعلوب 🐕�الاسد: ازيك يا تعلوب عامل ايه؟��تعلوب: انا كويس جدا يا جلالة الملك والحمد لله��الاسد: تمام تمام��تعلوب: لكن قولي يا جلالة الملك .. حالك مش عاجبني اليومين دول .. انت تعبان؟؟��الاسد: لا مش تعبان ولا حاجة .. ايه اللي خلاك تقول كده؟؟��تعلوب: اصلي مش بشوفك تطلع تصطاد زي زمان ... ولا مفيش فريسة عجباك .. انا اعرف مكان غزالة جميلة اوي وتخينة تشبع اي حد ياكلها��الاسد: (ضاحكا) هاهاهاي .... لا شكرا يا تعلوب انا مش عايز غزلان ... كتر خيرك ��تعلوب: امال ايه بس ... قلقتني عليك جلالتك!!؟؟��الاسد: يا تعلوب انا صايم��تعلوب: صايم .. صايم ايه يا جلالة الملك!؟!؟!؟ ده احنا لسه فاطرين من اسبوعين��الاسد: (في حدة) جري ايه يا تعلوب انت مش صايم ولا ايه؟!؟!؟!؟ انا بعت منادي في المملكة كلها يقول ان الصيام ابتدي يوم الاتنين اللي فات��تعلوب: اعذرني يا مولاي .. اصلي انا كنت بدور علي صيد تخين ارفع بيه قبل الصوم .. ارنب كده ولا خروف .. عشان الحاجات دي هتوحشنا في الصوم .. لكن للاسف لسه مش لاقي .. عشان كده ما صمتش��الاسد: مش صايم وجاي تتكلم معايا .. وبعدين هو الصوم عندك اكل وخلاص .... هيجري ايه يعني لو ما اكلتش ارنب ولا خروف قبل الصوم ... هتخس شوية يعني ، ابدا��تعلوب: امال هو اسمه حد الرفاع لييييييييييييييييييه يا مولاي !؟!؟��الاسد: الرفاع يعني امتنع عن الاكل الشهي.. وميكونش نفسي فيه .. وكل اللي افكر فيه هو السماء وبس ... مش الاكل والشرب��تعلوب: معقووووووولة... هو ده الرفاع .. ارفع فكري للسما وكل تفكيري يبقي في ربنا وبس��الاسد: ايوه .. ما هو الصوم رحلة جميلة للسما .. اول حاجة فيها انك تكون فيك المواصفات المطلوبة عشان تنفع تحجز والمواصفات دي هي ... ان يكون فكرك دايما مرفوع للسما��تعلوب: طب لو كان فكري مرفوع للسما في حد الرفاع .. ايه اللي اعمله بعدين عشان اطلع الرحلة؟؟؟��الاسد: يجي بعد كده اول اسبوع في الصوم .. اللي هو الحد الجاي عارفه يا تعلوب هو حد ايه . ولا تسعتين بصديق ... ها يا اصحابي ... حد منكم يعرف الحد الجاي حد اييييييييييييييه؟؟؟؟ ... ايوه ايوه برافو عليكم ... حد الكنوز .. ايوه هو حد الكنوز��تعلوب: حد الكنوز .. اااااااه يعني لازم يكون عندي كنز كبير عشان اشتري اللي انا عايزه��الاسد: لا يا تعلوب .. حد الكنوز .. او احد الاستعداد فيه بنستعد للسفر في الرحلة الحلوة اللي هتوصلنا للسما لما يقوم بابا يسوع من الاموات��تعلوب: طب ونستفيد منه ازاي يعني .. انا مش فاهم حاجة��الاسد: بنستعد باننا بنحوش فضايل واعمال حلوة كتيرة زي الصلاة والصدقة وندي المحتاج .. وهي دي الكنوز اللي توصلنا للسما��تعلوب: اه .. انا كده فهمت .. يعني الكنوز مش دهب وفلوس كتير .. لكنها حاجات حلوة .. تفرح ربنا وتخلينا مستعدين لدخول السماء��الاسد: عليك نوووووور .. وبعد الكلام الحلو ده ... لازم تصوم عشان انا في مملكتي مينعش حد يفطر طول ما فيه صوم وخليك حلو مره واحدة في حياتك يا تعلوب .. واسمع الكلام ولا انت عارف اخره ده كله ايه ؟!؟!؟!؟��تعلوب: عارف عارف يا مولاي .. هاطرد بره المملكة زي ابويا لما ما سمعش الكلام .. عن اذنك يا مولاي بقي عشان اروح اتعد للصوم��الاسد: ايوه كده .. طول ما فيه صوم ضروري الكل يصوم مش كده مش كده ولا ايه ... وانتم كمان ضروري تصوموا سلااااااااام يا حلويييييييييين