لعبة ومقدمة تشويقية عن احد التجربة
احد_التجربه
مقدمه بسيطه ل ابتداءي عن احد التجربه
التجربة
عارفين لعبة القائد بيقول؟
اللعبة ان المدرس بيقول شوية أوامر شوية منهم بيبتدوا بجملة "القائد بيقول" وشوية لأ والمفروض اننا ننفذ الجمل اللي بتبتدي بـ"القائد بيقول" بس
مثال:
- القائد بيقول:ارفع ايدك اليمين (ارفع ايدك اليمين)
- وايدك التانية ...... (ااااه هنا ماقولش القائد بيقول يبقى مش المفروض نسمع الكلام، أنا ضحكت عليكو)
في اللعبة دى احنا دايماً بنسمع كلام القائد بس وفي الحقيقة احنا بنسمع كلام الله بس اللي بيقولوا من خلال الكتاب المقدس. انتو عارفين ان الشيطان ساعات بيحاول يضحك علينا ويدينا هو كمان أوامر؟
الكتاب بيقول:"أحبوا أعداءكم" لكن لما حد بيضايقك، الشيطان بيقولك: " لازم تنتقم منه وفي النهاية هو اللي ضايقك الأول!"
الكتاب بيقول:"لا تكذب" لكن لما تكسر حاجة في البيت من غير قصد وماما تسألك عليها الشيطان بيقولك:"اوعى تقول الحقيقة، لأن ده هايدخلك في مشاكل"
انتو عارفين ان الشيطان حاول انه يخلى الرب يسوع كمان يعمل حاجات غلط؟
(وتبتدي تشرح الدرس)
شوفتوا الرب يسوع رد على الشيطان إزاي؟ رد عليه بآيات كتابية. دي طريقة حلوة لهزيمة الشيطان، مش كده؟ عشان كده احنا لازم نقرا في الكتاب ونعمل اللي الله بيقوله.
كل سنة وانتم طيبين منقول من جروب نبض الخدمة