اسكتش احترام الكنيسة

 اسكتش احترام الكنيسة والقداس

اهداف الاسكتش 

1- اهمية حضور القداس فى البداية وعدم التأخير .

2- احترام دخول الكنيسة .

3- عدم استخدام التليفون المحمول اثناء الصلوات .

التعريف بالاسكتش

هو يتضمن معرفة المخدوم بأهمية حضور القداسات واحترام الكنيسة واحترام الصلوات وعدم اللعب أثناء الصلاة .

بداية الاسكتش 

مايكل : الو مساءالخير ياطنط ممكن اكلم اندروا

الام : حاضرياحبيبى ...كلم يا اندرواتليفون

اندروه : الوه مايكل عامل ايه وحشنى كتير

مايكل : وانت كمان وحشنى ....هتيجى بكرة القداس

اندروه : اه هاجى انشاء الله 

مايكل : ماشى واناهستانك علشان نحضر مع بعض ...سلام سلام

اندروه: صباح الخير مايكل 

مايكل :صباح النور يله ندخل علشان نلحق القداس من اوله

اندروه : صوت الموبيل ترن ترن ترن ترن 🦻🦻🦻🦻

مايكل : ايه ده انت نسيت تقفل صوت الموبيل طيب يله اخرج بسرعه علشان الصوت عالى اوى 

اندروه : حاضرحاضر انا خارج اهوه

مايكل : قفلت الصوت 😏

اندروه: اه

مايكل : ايه ده انت بتعمل ايه بتلعب geams وقت القداس ازاى كده 😒😒😒

اندروه: معلش اصلى ذهقت من القداس ومش عارف اركز والصلاة طويلة وانا تعبت من الواقفة ورجلى وجعتنى 

مايكل : ماينفعش كده خالص احنا قدام ربنا سيب الموبيل وارفع عيينك فوق وصلى انت صلواتك الخاصة

اندروه : ايه هى صلواتى الخاصة🤔🤔

مايكل : اطلب لواحد عندك مريض وتعبان وصلى لباباك وماماتك واخواتك وصلى لبلدك وصلى واشكر ربنا على كل حاجةبييبعتهاللك وعلى صحتك وعلى لعبك 

اندروه : فكرة برضوه هجرب ولو ذهقت معلش بقه هلعب geams  تانى 😁😁😁😁

مايكل : جرب بس الاول ونشوف ولو ذهقت نشوف طريقة تانى علشان الذهق

اندروه : الراوى (يرفع اندروه عنيه للسما وفجأه ) ايه ده ايه ده ايه المنظر الحلو ده 

مايكل : ايه ماللك يا اندروه 😐

اندروه : مش قادراوصف المنظر نور شديد جدا جاى من ناحية الهيكل وملايكة منورة وواقفيين حوالليين النور واجنحتهم مغطياهم 

مايكل : فين ده انا مش شايف حاجة خالص فين شاورلى 

اندروه : سبنى شوية خالينى اعرف اشوف المنظر الرائع الجميل ده سبنى اصلى واطلب من ربنا يسامحنى لانى كنت بلعب فى الموبيل وقت القداس ومش شايف ان ربنا موجود فى الهيكل وشايفينى 

مايكل : ماشى...هسيبك بس لما نخرج احكيلى 😒😒

اندروه : ماشى 

مايكل : ايه بقه المنظر الحلو ده يابختك  احكيلى بقه

اندروه : احكى ايه بس المنظر ماينفعش يتحكى ملايكة ونور قوى 

اندروه : انت عندك حق يامايكل انا كان لازم اصلى فى القداس حتى ولو حبة صغيريين وماينفعش خالص اسيب ربنا على المذبح كده والعب ديه الملايكة واقفة ساجدة قدامه وانا بلعب كده ومش مهتم انا بعد كده مش هلعب تانى وهصلى كل قداس و هصلى للمحتاجيين والتعبانيين وهصلى لبيتنا ولاخواتى فى الكنيسة  وهصلى لكل حاجةوهاشكر ربنا على كل عطاياه اهى عطاياه ديه لوحدها محتاجة وقت اكبر من القداس 

مايكل : انت عارف كمان ان صلاة القداس صلاة قويه اوى واحسن وقت تصلى فيه لان ربنا بيكون موجود على المذبح 

اندروه : فعلاعندك حق

مايكل : انا مبسوط انك شوفت المنظر الجميل ده وانا كان نفسى اشوفه ذيك يابختك ياصحبى يله بينا نحكى لاصحبنا فى مدارس الاحد علشان يعرفوه انهم وهما بيصلوه يشوفوة المنظر الجميل اللى انت شوفته 

اندروه : يله بينا