العاب هادفة لعيد الميلاد

 العاب هادفة لحفلة عيد الميلاد

كلنا منتظرين حفلة عيد الميلاد عشان نقدم فيها احلى الفقرات ومن خلال كل فقرة نقدر نوضح للمخدومين كل حاجه تخص عيد الميلاد من مسابقات وأنشطة وفيديوهات. 

عمل العاب تهدف لعيد الميلاد

دايما نقدم فى عيد الميلاد فقرات تخص العيد ويمكن الأكثر اهمية هى فقرات مسابقة عيد الميلاد والعاب تخص العيد .

اهمية الألعاب الهادفة وتخص عيد الميلاد

1- تنشيط الذهن من خلال كل فقرة وكل لعبة .

2- توصيل الهدف اللى بيخص كل لعبة وازاى نعرف اهمية كل من حفلة عيد الميلاد فى البيت وعيد الميلاد ف الكنيسة .

3- عمل مسابقة والعاب يقوم المخدوم بفهم الهدف بدون تدخل الخادم فى اللعبة حتى يصل للفكرة المطلوبة .

فقرات والعاب عيد الميلاد 

1- تجميع الكور فى طبق .

نجمع الكور فى طبق بس نخلى بالنا ان الكور متلمسش الارض  يعنى يحطوا الكور فى الطبق بس بردو يبقوا مركزين على البلونه انها متلمسش الارض ويخلوها تنط لفوق وهدفنا اننا نركز على ربنا يسوع المسيح مهما الحياة شغلتنى مش نبص على حاجه تانى عشان هو معانا دايما .

2- كوباية وبالونه .

طريقة اللعب اننا ننفخ البلونه بالهواء ومن خلال هوا البالونه نمشى بالكوباية لقدام والفايز هو اللى هيخلى الكوباية توصل الاول لاخر الطريق المحدد. 

الهدف الروحى اننا اما نتملى من ربنا ونعرف الهدف اللى عشانه جه واتجسد حياتنا هتتغير ونطلع لقدام ونتقدم كتير فى الحياة الروحية وهنوصل للسماء ونعيش مع ربنا .

3 - نفخ البالونه جوه الكوب. 

هنجيب بالونه وكام كوباية ونحطهم الكوبايات جنب بعض وننفخ البالونه جوه الكوباية لحد ما نقدر نرفعها لفوق ونحطها على الكوباية التانيه واللى يجمع الكوبايات اكتر هو الكسبان .
الهدف الروحى اننا بالرغم ان البالونه صغيره والكوباية لكن هى بقيت حاجه كبيره خالص ومش ننظر ليها نظرة اقل والرب يسوع اتولد فى مذود عشان نتعلم التواضع ومنبصش على حاجه شايفينها من بره مش حلوه وممكن تفيدنا بعدين.

4 - عوائق وخطوط .

طريقة اللعب اننا نعمل خطوط وحبال وعوائق فى الطريق والمخدوم يمشى بينهم بحيث انه ميلمس اى حاجه منها والهدف من اللعبة اننا ناخد بالنا ان الشيطان دايما عايز يوقعما فى غلطات كتير وخطايا كتير ومش نبص ع الهدف الاساسى اللى هو السما وان الرب يسوع اتجسد عشان خاطرنا .
5 - رمى الكورة .

نحضر مخدوم ويكون ماسك كوباية فى ايديه ويكون قاعد زى حارس المرمى ونرمى عليه الكوبايه وهو يزيح الكوباية بايديه هدفها البعد عن الخطايا واننا نبقى سهرانين دايما ونخلى بالنا ان الشيطان عايز يوقعنا فى اى خطية . 
ممكن نعمل الكور الوان اصفر واحمر لو الكوره حمراء يزيحها نحو اليمين لو صفرا يزيحها نحو الشمال ونعتبر الحمراء الحاجات اللى كويسه والصفراء الحاجات اللى مش كويسه والهدف اننا نبعد عن الحاجات اللى مش كويسه ونفرز الحاجات الكويسه عن الحاجات اللى مش كويسه .

6 - السلة والكورة  .

اللعبة دى عبارة عن شخص بيبقى واقف ومعاه كورة وخلفه شخص معاه سلة و الشخص يرمى الكورة وهو ناظر للامام يدون النظر على اللى معاه سلة .
الهدف الروحى اقتناء الفضايل المحبة والتواضع وغيرها .
اللى اللقاء فى العاب واهداف اخرى ف الجزء الثانى .