اسكتش مرمورة والسرقة

 اسكتش عن السرقه

 

مرمورة والسرقة

اهداف الاسكتش 

1- معرفة المخدوم خطورة السرقة .

2- السماع للمخدوم واراء كل مخدوم .

3- افتقاد المخدومين فى بيوتهم ومعرفة ظروف كل مخدوم 

الشخصيات 

مرموره_توتا_مريم_تاسونى_تاسونى٢_شيطان_ملاك

تاسونى: يا مرموره ياحبيبتي اللي انتى بتعمليه دا غلط
مرموره :انا معملتش حاجه انا بس عايزا الحاجه ديه و باخودها
تاسونى : ايوه اولا الحاجه مش بتعتك 
ثانيا انتي تاخديها من غير ماحد يعرف عارفه اسمها اى ديه 
مرموره :يعن اى 
تاسونى :سرقه ياحبيبتي  
مرموره :سرقه لا انا مش بسرق 
انا ببقا عايزا الحاجه ديه مش بعرف ماخدهاش 
تاسونى: حاولى حاولى ياحبيبتي عشان دا غلط 
مرموره: حاضر 
تاسونى :عايزا اسم منك المره الجايا انك معملتش حاجه غلط 
مرموره :حاضر ياميس 
تمشي مرموره هي بتقول سرقه يعن انا بسرق لا لا اكيد تاسونى فهمتني غلط انا بس ببقا نفسي في الحاجه ديه فباخدها بس 
تروح مدارس الاحد 
توتا :ازيك يا مرموره عامله اى 
مرموره: نشكر رربنا ياتوتا وحشاني كتير 
توتا :انتي كمان كتير اى اخبار المذاكره معاكى 
مريم :يابنتي هو انا كل ما اجى القيكي بتتكلمى في موضوع المذاكره هو احنا لحقنا 
دا الدراسه لسه بداه بقالها اسبوع بس 
مرموره :قوليلها يا بنتي قوليها باين عليها مجتهده اوى
توتا: خلاص يابنتي سبكوا من موضوع الدراسه 
مريم: ايوه خرجينا من الموضوع دا 
مرموره :اي يا مريم اللى في ايدك دا 
مريم :دا تشيرت بصي كنت جايبه الاسبوع اللى فات بس مش عجبنى ورايحه ارجعه بعد مدارس الاحد
توتا: الله دا جميل جدا 
مرموره :فعلا هو جميل اوى 
مريم :طب يلا بقا ندخل مدارس الاحد عشان اتاخرنا 
تاسونى ٢: يلا يابنات عشان نصلي
كلهم حاضر يا تاسونى 
مريم :طب بصي يا بنات هروح هروح بس اجيب حاجه من برا واجى 
(مريم تحط الشنطه عل الدسك)مريومه شايفها 
مرموره: بتفكر اخده ولا لا دا جميل اوى وانا نفسي في واحد زيه طب بس انا قولت لتاسونى انى مش هعمل كدا 
هى كدا كدة مش شايفني انا هاخده 
مرموره :يا توتا انا هروح عشان ماما اتصلت بيا عايزانى 
توتا :ماشي يا مريومه هترجعى تانى ولا اى 
مرموره: لا مس هقدر نتقابل الاسبوع الجاى
جت 
مريم :اى يا توتا راحت فين مرموره 
توتا مامتها اتصلت بيها واضطرت تمشي 
مريم :امممم ايوه يالهوتى فين الشنطه راحت فين 
توتا :شنطه اى يابنتي 
مريم :الشنطه اللى فيها الهدوم 
اللى كنت هرجعها 
توتا: بس انتى متدتنيش شنط ولا قولتى انك حاطه شنطه هنا 
مريم: انا حطها هنا عل الدسك وروحت اجيب حاجه وقولت اكيد انتى شوفتيني ومستحيل تتاخد يعن 
توتا: لا صدقيني مشوفتش حاجه بصي تعال نقول لتاسونى 
(فى نفس الوقت مرموره روحت البيت)
يا تراه اللى عملته صح ولا غلط 
شيطان: يا مرموره اللى عملته مش غلط خالص 
مرموره :اى دا انت مين وجيت هنا ازى 
شيطان: انا صحبك وجاى اساعدك  
مرموره :ايوه عايز اى منى يعني 
شيطان :مانا بقولك اللى عملته مش غلط 
ملاك: متسمعيش كلامه يا مرموره 
مرموره :وانت مين انت كمان 
ملاك: انا صديقك وجاى اساعدك وافهمك الصح من الغلط 
مرموره: انا مش عايزا مساعده من حد
شيطان :هههههه بصوت شرير سامع مش عايزا مساعده منك 
اسمعى يا مرموره اللى انت عملتيه صح مش غلط 
مش انتى كان نفسك في تشيرت فاخدتيه 
مريومه : ايوه اخدته
شيطان :خلاص يبقا اللى عملته مش غلط 
ملاك: لا يا مرموره متسمعيش كلامه 
غلط يا حبيبتي اللى عملته
احنا عل صوره بابا يسوع ومثاله مينفعش اننا نسرق ابدا او ناخد حاجه مش بتعتنا 
الكتاب المقدس بيقول 

اية من الكتاب المقدس

"نِعِمَّا أَيُّهَا الْعَبْدُ الصَّالِحُ وَالأَمِينُ! كُنْتَ أَمِينًا فِي الْقَلِيلِ فَأُقِيمُكَ عَلَى الْكَثِيرِ
يعن نكون امناء في كل حاجه ياحبيبتي 
شيطان: لا متسمعيش كلامه دا مش عايزك تاخدى التيشرت اللى كان نفسك فيه 
مرموره: اووووف بقا ابعدوا عنى انا تعبت خلاص 😭امشوا امشوو ا وعى بعيط 
ليه يامريومه عملتى كدا ما انتى قولتى للتاسونى انك مش  هتعملى كدا لا لازم اروح لتاسونى بكرا واحكلها اللى حصل هى اكيد هتسامحنى وتقولى اعمل اى 
مرموره: صباح الخير يا تاسونى
تاسونى :صباح النور يا مرموره وحشانى كتيرر
مرموره: وحضرتك اكتر وتحكلها كل اللى حصل 
تاسونى: كدا كدا يا مرموره مش انتى قولتلي انك مس هتعملى كدا تانى 
مرموره: معرفش بقا يا تاسونى اللى حصل بقا 
تاسونى: بصي حبيبتي اللى انتى عملتيه دا غلط اولا انك كذبتي عل صحابك وقولتى ماما اتصلت بيكي والكذب حاجه مش حلووو خالص
ثانيا انك اخدتى حاجه مش بتعتك
قولتى انى مش هعرف  طب مل
ماشي انا ممكن معرفش لكن بابا يسوع شايف كل حاجه ياحبيبتي وعارف كل حاجه 
مرموره: طب اعمل اى دلوقت يا تاسونى: انا غلط يا تاسونى ومش عايزا اعمل كدا تانى 
تاسونى: طب تعالى نتفق اتفاق
مرموره: اتفاق اتفاق اى  
تاسونى: او ما تحسي انك جالك فكره عايزا تخدى حاجه مش بتعتك ترشمى الصليب وتقولى ابانا الذى وتقولى اتا بنت بابا يسوع ومستحيل اعمل كدا 
مرموره :الله حلو اوى خلاص تمام هعمل كدا 
والحاجه اهيه يا تاسونى انتى هتدهالها
تاسونى :اكيد يا حبيبتي هوديهالها
بس الاول اوعدينى انك عمرك ما هعملى كدا تانى 
مرموره :اوعدك يا تاسونى 
تاسونى :ربنا معاكى يا حبيبتي
لو عوزتى اى حاجه كلميني💙

منقول من جروبات الخدمة الرب يسوع يعوض كل من له فى الخدمة .