العاب ومسابقات فى اتوبيس الرحلات
لعبة لأ .. و نعم ( اة )
كل واحد يكون معاه ورقتين مكتوب فيهم لا و نعم ( اة )ومطلوب منه مينطقش كلمة لا ابدا .
ولو حد وقعه ياخد منه ورقة من اللي معاه وفي الآخر خالص بنجمع ونشوف مين معاه اکثر ورق فيه لأ ويبقى هو الكسبان على ان يقوم الخادم بالقاء اسئلة يكون من الصعب الرد عليها غير بكلمة لا يعني مثلا غسلت وشك النهاردة – و كمان من حق كل واحد في الاتوبيس يسال الشخص اللي يختارة بالسؤال اللي عايزة .
الاسئلة الملخبطة
لعبة لماذا ولأن(كل انتين جبنب بعض يأخذوا ورقتين وحدة عليها (لماذا )والثانية (ولأن )ويكتبوا سؤال ويجاوبوا عليه ...وبعد كده نجمع الورق ونلغبطة ونقرأ الاسئلة والاجابات عشوائي .
بتبقى حاجة مبهجة خالص السؤال ملوش علاقة
بالاجابة بس بتشد الناس جدا .
اتوبیس کموبلیت
اتوبيس كومبليت بنقسم الاطفال مجموعات وكل مجموعة معاها ورقة مقسمة خانات .
خانة اسم قديس وخانة اسم قديسة وممكن مدينة في الكتاب المقدس .....الخ و الخادم يختار حرف ابجدي وبسرعة كل فريق يكتب المطلوب واللي يجمع الاول يقول أتوبيس كومبليت وكله يوقف عن الكتابة ويتجمع الورق وكل خانة من 10 درجات .
الكنز
دي بيبقي في هدية و ملفوف حوالييها ورقة و الورقة مكتوب عليها سؤال و فوق السؤال ملفوف ورقة تاني بسؤال تاني .
هكذا نفضل نحط ورق حوالين الهدية بس بعد كل لفة ورق سؤال و الاطفال لما ييجو يلعبوا ممكن ندخل معاها لعبة طلبات ان اللي هيبقي معاه حلق احمر مثلا هو اللي هيجاوب اول سؤال تاني سؤال اللي هيجاوبه حد لابس كوتشي برتقاني او نمشيها بالدور كل واحد يجاوب سؤال و يفتح ورقة لحد اخر واحد يكسب الهدية و غالبا بتبقى حاجة مضحكة .
اللي بعدة يكمل
هنقسمهم فريقين و ليكن مثلا الكراسي اللي في اليمين فريق و الكراسي اللي في الشمال فريق تاني .
اول فريق يبدأ باسم من الكتاب المقدس بعهديه (شرط اساسي يكون مذكور في الكتاب و غیر مقبول اسماء الشهداء و القديسين (و الفريق الثاني يبدأ بأخر حرف في الاسم اللي اتقال و هكذا.
مثال: الفريق الأول: آدم الفريق الثاني: موسى الفريق الاول: يونان...إلخ
في الاول بتكون سهلة اوي بس بعد كده بتصعب لعدم اعادة الاسماء ده غير ان فيه حروف .
زي ال خ مثلا مفيش غير 4 اسماء بس في الكتاب المقدس اللي بتبدأ بحرف ال خ...و مفيش مانع لو حد مش معروف بالنسبالهم تقولوا نبذة عنة .
مسابقة الحيوانات
ها نقول اسم حیوانات او اى حاجة و نطلب هي اتذكرت في اي قصة في الكتاب المقدس او سير القديسين .
1- الاسد
(دنيال-- داود ---ماري مرقص - قصه الانبا بولا -شمشون -بناياهو بن يهويداع- الخليقة)
2- الحمامة
(الروح القدس وقت العماد والحمامة اللي وقفت علي عصاية يوسف النجار ونوح-كونوا حكماء كالحيات بسطاء كالحمام)
3-الدب
/داوود لما قتل الدب والاسد- اليشع -
4 - البقرة
حلم فرعون الذي فسره يوسف والتي ترمز الى السبع بقرات السمان الى سبع سنين الشبع- حلم بطرس-المزود في قصة الميلاد، يمتلكه ايوب -و سليمان دبح الف عجل بقر والسبع بقرات النحاف الى سبع سنين الجو- اليشع ذبح زوج فدان بقر لما ايليا رمي عليه ردانه-
حلم بوسف
5- السمك
الخمس خبزات والسمكتين ، وممكن بطرس لما تعبو من الصيد ومصطادوش وبعدين المسيح قاله ارمي الشبكه-لرب لما قال لبطرس اصطاد سمكه وهتلاقي في فمها استار ادفع الجزيه عني وعن-طوبيا و السمك المشوي اللي عمله - يسوع بعد القيامه لما ظهر للتلاميذ وقالهم جعان فجابوبه سمك-تلميذي عمواس-
6- الخنزير
الابن الضال لما كان بيرعي الخنازير-ما طلع الروح الوحشة من واحد ودخلت في قطيع
الخنازير-خراج الارواح الشريره في الخنازير-مجنون كورةالجدريين
لعبة ابانا الذي في السموات
دي لعبة سهلة بس بتلغبط الأول تقسمي فريقين و واحد واحد يقول كلمة واحدة بس من أبانا الذي يعني رقم واحد يقول أبانا الثاني يقول الذي الثالث يقول في الرابع يقول السموات وهكذا لحد ما يتلغبطوا لما تجربيها هتلاقيها حلوة وهتلاقيهم يتلغبطوا
ويعدوا يضحكوا مع بعض وهكذا .
امثال شعبية من وجهه نظر كتابية
اسمع كلامك يعجبني اشوف امورك استعجب .
الشخصيه التي ينطبق عليها المثل هم الكتبه والفريسيون الشخصيه التي ينطبق عليها المثل .
طريق الألف ميل بيبدأ بخطوة
هي شخصيه يوسف الصديق
اللي يسأل مايتوهش
الدمشقى
الشخصيه التي ينطبق عليها المثل هو اليعازر
يامربي في غير ولدك يا بأني في غير ملكك
الشخصيه التي ينطبق عليها المثل هو موسى وفرعون وابنه فرعون
ادینی عمر وارميني البحر
الشخصيه التي ينطبق عليها المثل هي شخصيه موسی ویونان
ما جمع الا ماوفق
الشخصيه التي ينطبق عليها المثل هم حنانيا وسفيرة
منقول من جروبات الخدمة الرب يعوض كل من له تعب فى الخدمة.
