اسكتش توتا واحد الكنوز
اسكتش احد الكنوز للصوم الكبير
اسكتش مناسب لمراحل ابتدائى عن احد الكنوز فى الصوم الكبير.
توتا هتكون قاعدة في جنب بتعيط جامد
تدخل تاسونى وتقول : ايه ده مين بيعيط هناك
توتا تجرى عليها : تاسووووني .. الحقيني يا تاسونی
تاسونى : مالك بس ياتوتا يا حبيبتي مين زعلك
توتا : تخیلی یا تاسونى .. امبارح روحنا البيت لقينا حاجات كتير مسروقة ومن ضمنهم الكنز بتاعى
تاسونى باستغراب: ايه ده يا توتا انتى عندك كنز ؟؟!!!!
توتا: ايوة يا تاسونى الكرتونة الكبيرة بتاعتي هي كنزى
تاسونى : وكنزك ده كان فيه ايه ياترى ؟؟؟
توتا : يااااااه يا تاسونى كان فيه اكثر حاجات بحبها في حياتي .. كان فيه هدايا غالية عليا اوى يا تاسونى كانت جاية لي
في عيد ميلادى عرايسي ودباديبي والرسومات اللى كنت برسمها وكتاب التلوين وشهادات تقدير من المدرسة
كمان... وتعيط .. اهي اهيء انا زعلانة اوى يا تاسونى وكمان الايباد بتاعى لقيته واقع ع الارض ومكسور ... وتعيط
تاسونی: معلش يا توتا اهو ربنا بيبعت لنا دروس علشان نتعلم منها
توتا : تقصدی ایه یا تاسونی
تاسوني : أأقصد ان ربنا عاوز يعلمنا نحوش كنز مينفعش حد يسرقه وكمان مش ممكن يبووظ
توتا : يااااه هو فى كنز كدة مينفعش حد يسرقه ولا الحاجة اللى فيه تبوووووظ ؟؟؟ دا انا مستعدة اعمل أى حاجة علشان
يكون عندى كنز ولا بيتسرق ولا بيبوظ علشان مزعلش تانی
تاسونى : اد كلامك يا توتا ؟ مستعدة تعملى أى حاجة ؟؟؟ علشان فعلا الكنز ده محتاج تضحية جامدة
توتا: اممممممم ايوة يا تاسونى حضرتك شايفاني عيلة يعنى ©
تاسوني : لا ابدا يا توتا .. طب يالا جهزي نفسك علشان هنروح مع بعض رحلة الصوم الكبير واللى هتكون اول محطة
فيها هي احد الكنوز وهنشوف هتقدرى تضحي بأي حاجة ولا لاء
توتا : ايه صوم تااااااانى؟؟ لا يا تاسونى احنا لسة خارجين من صوم الميلاد اللى كان ٤٣ يوم وكمان صوم نينوى ٣
ایام عاوزانی اصوم تانى ٥٥ يوم دة كتيييييييير اوووووووى
تاسونى : طب انت عارفة يا توتا مين صامه الصوم ده
توتا: ايوة ايوة يا تاسونى حافظاهم اسبوع الاستعداد و ٤٠ يوم صامهم موسى النبى على الجبل .. واسبوع الالام
تاسوني نص اجابتك صح ونصها غلط
ال ٤٠ يوم دول صامهم بابا يسوع بنفسه على الجبل علشان يعلمنا اهمية الصوم
توتا : بس يا تاسونى قالولنا في المدرسة أن جسمنا في مرحلة نمو ولازم كل يوم نشرب لبن وناكل بيض وإلا جسمنا
مش هينمو بطريقة صح ... انا كدة مش هينفع اصوم صوموا انتم يا كبار
تاسونی : كلامك مظبوط يا توتا جسمك فى المرحلة دى بينمو وفعلا محتاج لبن وبيض
توتا : هيييييي يعنى مش هاصوم وهاكل كل اللى انا عاوزاه
تاسونی: استنی بس یا توتا لما اخلص كلامي
الكنيسة امنا ام رحيمة علشان كدة بنلاقى ابونا بيسمح للاطفال ويديهم حل انهم يشربوا لبن وياكلوا بيض في الصيام
توتا: وكدة هابقى صايمة ولا فاطرة ؟
تاسوني : صايمة طبعا يا حبيبتي . بس عاوزة اقولك على حاجة الموضوع مش موضوع اكل وشرب
توتا: یعنی ایه یا تاسونی
تاسونى : يعنى يا توتا الكنيسة مش قصدها تعذبنا بالصوم
توتا: اومال ليه مينفعش اكل الشيكولاته اللى باحبها ؟؟؟
تاسوني : الكنيسة بتعلمنا اننا نقوى ارادتنا
توتا : ازای یعنی یا تاسونی
تاسونی: یعنی یا توتا زى ما قدرتى تقولى لاء للشيكولاته ، هتقدرى تقولى كمان لاء للكذب هتقدرى تقولى لاء للحلفان
والشتيمة .. وزى ما بتغصبي نفسك على الاكل الصيامى اللى مش بتحبيه هتقدرى تغصبي نفسك تعمل الحاجات اللي
ممكن تتعب شوية زى وقفة الصلاة و زي الصحيان بدرى للقداس
توتا : امممممممممم فهمت یا تاسونی
تاسوني : يالا بقى يا حبيبتي علشان منتأخرش عن رحلتنا
بيركبوا القطر وبيوصلوا لمحطة الكنز
توتا : ايه ده ...!!! الللللله الكنز ده شكله حلو اوووووووووووى ..ده احلى من الكنز بتاعى بكتيييير يا ترى فيه ايه ؟؟؟
تاسونى : تعالى تفتح الكنز و نشوف مع بعض فيه ايه
تيجى تفتح الكنز هتلاقيه مفيهوش حاجة
توتا : ايه ده يا تاسوني .. ده طلع فاضي
الكنز : اهلا اهلا توتا ازيك
توتا بتتخض : ايه ده انت بتتكلم ؟؟
الكنز : انا شايفك بتدورى جوايا
توتا : ايوة تاسونى قالتلى انك مينفعش تتسرق وكمان مبتبوظش .. يمكن علشان فاضى هييييييييييييه
الكنز : لا يا توتا انا مش فاضي
توتا : تفرك في عينيها شوية علشان تشوف اكثر ... بس انا مش شايفة حاجة
الكنز : اصل الحاجات اللي جوايا بتتعمل في الخفاء
توتا : خفاء .... تبص ناحية تاسوني .. يیعنی آیه یا تاسونی خفاء
تاسونی: یعنى يا توتا الحاجة اللى باعملها بينى وبين ربنا و بس وبس ربنا بيكافئنا عليها ويحوشهالنا في الكنز بتاعنا
توتا .. بتبص ناحية الكنز : بردو مش فاهمة انت جواك ايه
الكنز : انا جوايا صوم وصلاة وصدقة
توتا: صوم وصلاة وصدقة ؟؟؟ امممممم وتفكر كدة . بس احنا بتصلى مع بعض فى الكنيسة وكمان كلنا عارفين ان
الصوم هيبدأ يوم الاثنين ... يبقى كدة مش في الخفاء يعنى اعمل ايه يعنى علشان تبقى في الخفاء
الكنز : يعنى يا توتا يكون لينا صلوات خاصة فى البيت مش لازم اروح اقول لكل اصحابي انا باصلي انا باصلي .. ربنا
قال لما تيجى تصلى ادخل اوضتك واقفل باباك وصلى لابوك اللى فى السما .. وكمان لو صاحبتى عيانة ومش قادرة
تصوم مقعدش اقول قدامها كل شوية على فكرة احنا صايمين وانتى مش صايمة او اقعد اقول انة ياني انا تعبانة اوى اصل
انا صايمة ..او. محدش يكلمنى بقى علشان انا صايمة النهاردة .. ربنا قال وقت ما تصوم اغسل وشك وادهن راسك علشان
متظهرش للناس صايم لكن لابوك اللى فى السما وهو هيكافنك قدام الكل .. وكمان لما ندى حاجة لمحتاج نحاول محدش
يشوفنا ربنا قال وقت لما تدى صدقة متعرفش حد خالص انك هتدى وربنا اللى شايفك هو اللي هيكافنك
تاسونی : فهمتی یا توتا ؟؟
الانجيل مستخبى فيه ربنا يسوع والانجيل مستخبية فيه السما وكل ما بنصلى كل ما بتكبر الكنز بتاعنا
بس زى ما اتفقنا فى الاول يا توتا الكنز ده محتاج تضحية
يعنى الواحد يطفى التليفزيون شوية علشان يقعد مع الانجيل شوية ... يعنى نقفل الفيس شوية علشان نقف نصلى لربنا
شوية ... يعنى نسيب شوية فلوس من مصروفنا علشان ندى اخوة ربنا .. يعني نساعد اى حد محتاج مساعدتنا . يعنى
نسيب اى حاجة وحشة علشان نقرا الانجيل ... فكدة يبقى عندنا كنز في قلبنا ونبقى اغنيا فعلا
توتا : فهمت یا تاسونی .. انا من النهاردة مش هاحوش على الأرض ها حوش فى السما .. هادى الفقرا كمان .. هاقرا
الانجيل وهاصلي .. وطبعا هاصوم علشان احوش فى المكان اللى مش ممكن يتسرق ابدا ولا يبوظ .. لان السما فعلا
مفيهاش حرامية
تاسوني : طيب يا توتا مدام طلعتي شاطرة كدة تعالى نحفظ ايه الاسبوع الاول .." اطلبوا اولا ملكوت الله وبره وهذه كلها
تزاد لكم "
توتا : اطلبوا اولا ملكوت الله وبره وهذه كلها تزاد لكم
تدخل تاسونى وتقول : ايه ده مين بيعيط هناك
توتا تجرى عليها : تاسووووني .. الحقيني يا تاسونی
تاسونى : مالك بس ياتوتا يا حبيبتي مين زعلك
توتا : تخیلی یا تاسونى .. امبارح روحنا البيت لقينا حاجات كتير مسروقة ومن ضمنهم الكنز بتاعى
تاسونى باستغراب: ايه ده يا توتا انتى عندك كنز ؟؟!!!!
توتا: ايوة يا تاسونى الكرتونة الكبيرة بتاعتي هي كنزى
تاسونى : وكنزك ده كان فيه ايه ياترى ؟؟؟
توتا : يااااااه يا تاسونى كان فيه اكثر حاجات بحبها في حياتي .. كان فيه هدايا غالية عليا اوى يا تاسونى كانت جاية لي
في عيد ميلادى عرايسي ودباديبي والرسومات اللى كنت برسمها وكتاب التلوين وشهادات تقدير من المدرسة
كمان... وتعيط .. اهي اهيء انا زعلانة اوى يا تاسونى وكمان الايباد بتاعى لقيته واقع ع الارض ومكسور ... وتعيط
تاسونی: معلش يا توتا اهو ربنا بيبعت لنا دروس علشان نتعلم منها
توتا : تقصدی ایه یا تاسونی
تاسوني : أأقصد ان ربنا عاوز يعلمنا نحوش كنز مينفعش حد يسرقه وكمان مش ممكن يبووظ
توتا : يااااه هو فى كنز كدة مينفعش حد يسرقه ولا الحاجة اللى فيه تبوووووظ ؟؟؟ دا انا مستعدة اعمل أى حاجة علشان
يكون عندى كنز ولا بيتسرق ولا بيبوظ علشان مزعلش تانی
تاسونى : اد كلامك يا توتا ؟ مستعدة تعملى أى حاجة ؟؟؟ علشان فعلا الكنز ده محتاج تضحية جامدة
توتا: اممممممم ايوة يا تاسونى حضرتك شايفاني عيلة يعنى ©
تاسوني : لا ابدا يا توتا .. طب يالا جهزي نفسك علشان هنروح مع بعض رحلة الصوم الكبير واللى هتكون اول محطة
فيها هي احد الكنوز وهنشوف هتقدرى تضحي بأي حاجة ولا لاء
توتا : ايه صوم تااااااانى؟؟ لا يا تاسونى احنا لسة خارجين من صوم الميلاد اللى كان ٤٣ يوم وكمان صوم نينوى ٣
ایام عاوزانی اصوم تانى ٥٥ يوم دة كتيييييييير اوووووووى
تاسونى : طب انت عارفة يا توتا مين صامه الصوم ده
توتا: ايوة ايوة يا تاسونى حافظاهم اسبوع الاستعداد و ٤٠ يوم صامهم موسى النبى على الجبل .. واسبوع الالام
تاسوني نص اجابتك صح ونصها غلط
ال ٤٠ يوم دول صامهم بابا يسوع بنفسه على الجبل علشان يعلمنا اهمية الصوم
توتا : بس يا تاسونى قالولنا في المدرسة أن جسمنا في مرحلة نمو ولازم كل يوم نشرب لبن وناكل بيض وإلا جسمنا
مش هينمو بطريقة صح ... انا كدة مش هينفع اصوم صوموا انتم يا كبار
تاسونی : كلامك مظبوط يا توتا جسمك فى المرحلة دى بينمو وفعلا محتاج لبن وبيض
توتا : هيييييي يعنى مش هاصوم وهاكل كل اللى انا عاوزاه
تاسونی: استنی بس یا توتا لما اخلص كلامي
الكنيسة امنا ام رحيمة علشان كدة بنلاقى ابونا بيسمح للاطفال ويديهم حل انهم يشربوا لبن وياكلوا بيض في الصيام
توتا: وكدة هابقى صايمة ولا فاطرة ؟
تاسوني : صايمة طبعا يا حبيبتي . بس عاوزة اقولك على حاجة الموضوع مش موضوع اكل وشرب
توتا: یعنی ایه یا تاسونی
تاسونى : يعنى يا توتا الكنيسة مش قصدها تعذبنا بالصوم
توتا: اومال ليه مينفعش اكل الشيكولاته اللى باحبها ؟؟؟
تاسوني : الكنيسة بتعلمنا اننا نقوى ارادتنا
توتا : ازای یعنی یا تاسونی
تاسونی: یعنی یا توتا زى ما قدرتى تقولى لاء للشيكولاته ، هتقدرى تقولى كمان لاء للكذب هتقدرى تقولى لاء للحلفان
والشتيمة .. وزى ما بتغصبي نفسك على الاكل الصيامى اللى مش بتحبيه هتقدرى تغصبي نفسك تعمل الحاجات اللي
ممكن تتعب شوية زى وقفة الصلاة و زي الصحيان بدرى للقداس
توتا : امممممممممم فهمت یا تاسونی
تاسوني : يالا بقى يا حبيبتي علشان منتأخرش عن رحلتنا
بيركبوا القطر وبيوصلوا لمحطة الكنز
توتا : ايه ده ...!!! الللللله الكنز ده شكله حلو اوووووووووووى ..ده احلى من الكنز بتاعى بكتيييير يا ترى فيه ايه ؟؟؟
تاسونى : تعالى تفتح الكنز و نشوف مع بعض فيه ايه
تيجى تفتح الكنز هتلاقيه مفيهوش حاجة
توتا : ايه ده يا تاسوني .. ده طلع فاضي
الكنز : اهلا اهلا توتا ازيك
توتا بتتخض : ايه ده انت بتتكلم ؟؟
الكنز : انا شايفك بتدورى جوايا
توتا : ايوة تاسونى قالتلى انك مينفعش تتسرق وكمان مبتبوظش .. يمكن علشان فاضى هييييييييييييه
الكنز : لا يا توتا انا مش فاضي
توتا : تفرك في عينيها شوية علشان تشوف اكثر ... بس انا مش شايفة حاجة
الكنز : اصل الحاجات اللي جوايا بتتعمل في الخفاء
توتا : خفاء .... تبص ناحية تاسوني .. يیعنی آیه یا تاسونی خفاء
تاسونی: یعنى يا توتا الحاجة اللى باعملها بينى وبين ربنا و بس وبس ربنا بيكافئنا عليها ويحوشهالنا في الكنز بتاعنا
توتا .. بتبص ناحية الكنز : بردو مش فاهمة انت جواك ايه
الكنز : انا جوايا صوم وصلاة وصدقة
توتا: صوم وصلاة وصدقة ؟؟؟ امممممم وتفكر كدة . بس احنا بتصلى مع بعض فى الكنيسة وكمان كلنا عارفين ان
الصوم هيبدأ يوم الاثنين ... يبقى كدة مش في الخفاء يعنى اعمل ايه يعنى علشان تبقى في الخفاء
الكنز : يعنى يا توتا يكون لينا صلوات خاصة فى البيت مش لازم اروح اقول لكل اصحابي انا باصلي انا باصلي .. ربنا
قال لما تيجى تصلى ادخل اوضتك واقفل باباك وصلى لابوك اللى فى السما .. وكمان لو صاحبتى عيانة ومش قادرة
تصوم مقعدش اقول قدامها كل شوية على فكرة احنا صايمين وانتى مش صايمة او اقعد اقول انة ياني انا تعبانة اوى اصل
انا صايمة ..او. محدش يكلمنى بقى علشان انا صايمة النهاردة .. ربنا قال وقت ما تصوم اغسل وشك وادهن راسك علشان
متظهرش للناس صايم لكن لابوك اللى فى السما وهو هيكافنك قدام الكل .. وكمان لما ندى حاجة لمحتاج نحاول محدش
يشوفنا ربنا قال وقت لما تدى صدقة متعرفش حد خالص انك هتدى وربنا اللى شايفك هو اللي هيكافنك
تاسونی : فهمتی یا توتا ؟؟
الانجيل مستخبى فيه ربنا يسوع والانجيل مستخبية فيه السما وكل ما بنصلى كل ما بتكبر الكنز بتاعنا
بس زى ما اتفقنا فى الاول يا توتا الكنز ده محتاج تضحية
يعنى الواحد يطفى التليفزيون شوية علشان يقعد مع الانجيل شوية ... يعنى نقفل الفيس شوية علشان نقف نصلى لربنا
شوية ... يعنى نسيب شوية فلوس من مصروفنا علشان ندى اخوة ربنا .. يعني نساعد اى حد محتاج مساعدتنا . يعنى
نسيب اى حاجة وحشة علشان نقرا الانجيل ... فكدة يبقى عندنا كنز في قلبنا ونبقى اغنيا فعلا
توتا : فهمت یا تاسونی .. انا من النهاردة مش هاحوش على الأرض ها حوش فى السما .. هادى الفقرا كمان .. هاقرا
الانجيل وهاصلي .. وطبعا هاصوم علشان احوش فى المكان اللى مش ممكن يتسرق ابدا ولا يبوظ .. لان السما فعلا
مفيهاش حرامية
تاسوني : طيب يا توتا مدام طلعتي شاطرة كدة تعالى نحفظ ايه الاسبوع الاول .." اطلبوا اولا ملكوت الله وبره وهذه كلها
تزاد لكم "
توتا : اطلبوا اولا ملكوت الله وبره وهذه كلها تزاد لكم