اسكتش عيد القيامة مع بابا يسوع
الشخصيات
كوكو مرمر . مريم المجدلية بابا يسوع والملاك ويوحنا الحبيب وبطرس الرسول
تدخل مرمر وتنادى على كوكو
مرمر : يا كوكو يا كوكو
كوكو : مين بينادى على كوكو
مرمر : اصحى بقى يا كوكو انا مرمر
كوكو : ايوه يا مرمر انا اهو جاى بسرعه
مرمر: يلا عشان عندنا رحلة حلوه نهادره مع قصة فى الانجيل عشان عيد القيامة وعايزين نشوف اى اللى حصل
كوكو : ايوه صح يلا بينا اهو انا جاى
مرمر : يلا بينا نسافر دلوقت بسرعه
كوكو : هروح فين يا مرمر
مرمر : هنروح عند قبر بابا يسوع نشوف اللى حصل يلا
كوكو : ايوه يلا بينا
يخرج كوكو ومرمر ثم تدخل مريم المجدلية رايحه القبر
تبكى ومعاها حنوط
كوكو : شايفه يا مرمر ايه ده
مرمر: ايوه ده الحجر الكبير متحرك تعال بسرعه نشوف مين اللى جاى هناك وشايلين حجات كتير كدا
تذهب مرمر وكوكو لمريم المجدلية
كوكو : هو اى اللى حصل بتجرى ليه
مريم المجدلية : اصل احنا كنا جايين الصبح بدري وجايين معانا حنوط وعطور نحطها على الجسد
وبعدين قعدنا نفكر نحرك ازاى الحجر الكبير ده وفجأه زى ما انتوا شايفين لقيناه متحرك بعيد كدا
كوكو : ايهوده شايفه يا مرمر الملاك اللى هناك ده ايه ده
الملاك: ماتخفوش يا اولاد ويا مريم انا ملاك جاى من عند ربنا وبقولكم ان بابا يسوع قام من الاموات خلاص افرحوا هو مش هنا هو قام وهتشوفوه تانى وهتفرحوا كتير
مرمر وكوكو : الله بابا يسوع قام من الاموات
يلا يا امنا مريم نبشر التلاميذ بالقيامة بسرعه ونقولهم بابا بسوع قام يلا بينا
يخرج الجميع ويدخل بطرس ويوحنا
بطرس : ياترى اللى حاصل يا يوحنا
بطرس : معرفش لسه هنشوف يا بطرس ايه ده شايف مريم المجدلية جايه اهى ومعاها اتنين تعال نشوفهم اى اللى حصل استر يا رب
مريم المجدلية تدخل وكوكو ومرمر
مريم المجدلية : الحق يا بطرس ربنا يسوع المسيح قام من الاموات افرحوا افرحوا شوفنا الحجر مدحرج وشوفنا ملاك منور خالص قالنا الرب يسوع قام من الاموات
بطرس : انا هروح بسرعه القبر انا ويوحنا يلا يا يوحنا بسرعه
يخرج يوحنا وبطرس ويخرج الجميع
تدخل مريم المجدلية تكلم نفسها وتبكى
مريم المجدلية : اهى اهى اهى
يدخل كوكو ومرمر
مرمر : انت شايف مين دى يا كوكو
كوكو : ايوه دى مريم المجدلية مالها تانى تعالى نشوف ايه اللى حاصل وبتبكى ليه كدا يلا تعال بسرعه
كوكو : بتبكى ليه انتى
مرمر : مينفعش تقول كدا يا كوكو لازم نقول يا ماما او ياطنط او حضرتك عشان احترام الكبير
كوكو : ايوه صح بتبكى ليه كدا حضرتك مالك
مريم المجدلية: ايوه يا اولاد انا زعلانه خالص مالص
مرمر : ليه كدا
مريم المجدلية: اخذوا بابا يسوع ومعرفش ودوه فين
مرمر تكلم كوكو
مرمر : مش يا كوكو بابا يسوع قام من الاموات ولا هى فاكره الكلام ده مش صح
كوكو : اى ده مين الراجل الواقف ده تعال نشوف مين ده
يدخل بابا يسوع
بابا يسوع : مالك يا ست بتبكى ليه
مريم المجدلية : اخذوا السيد ومعرفش مين اخدوا لو كنت انت اخدتوا قولى وديته فين بس وانا اشيله جسده
بابا يسوع : يا مريم
مريم المجدلية : مين الرب يسوع
بابا يسوع : اوعى تلمسينى بس روحى قولى لللتلاميذ انى انا قومت من الاموات ولازم يعرفوا كدا
كوكو ومرمر : ايوه صح يا بابا يسوع احنا عرفنا انك قومت من الاموات صح
بابا يسوع : ايوه يا اولادى صح انا قمت من الاموات ولازم انتوا تصدقوا الكلام ده
مرمر وكوكو : حاضر يا بابا يسوع
يوجه كلامه للاطفال
بابا يسوع :وكمان لازم تسمعوا الكلام فى الكنيسة ونحترم الكنيسة وتسمعوا كلام بابا وماما فى البيت ونحترم القداس والتناول ومنعمش هيصه سامعين الكلام يلا هسيبكم انا كل سنه وانتوا طيبين سلام